Peluarakoa 38

Moweweu meda pesomba tinunu

38:1-7

1I Besale'eli moweweu meda pontunua pesomba inso a ngkeu akasia, olima hiku ondauno ka olima hiku maluano, gagi mensiu opaa mengkena ondauno ka maluano, sine mantandeno otolu hiku.#Pel. 27:1-8 2Tandu-tanduno wineweu a opaa siuno. Tandu-tandu atuu tepe'asa saru meda pontunua pesomba ka inapiiako mala. 3Onae moweweu luwuno parewano meda pontunua pesomba atuu: luwuno kawali, sikopa, loea kodei ponsiwui, sarampa ka polu pontunua halo. Luwuno parewa atuu wineweu inso a mala. 4Meda pontunua pesomba atuu wineweu tarali kana mala inena, i totono wiwino ngkoloane hawe entonga mantandeno meda pontunua pesomba atuu. 5I weweuo opaa mala-mala tinawa a opaa tompano mala inena atuu, po'iangano keu ponsela. 6Keu ponsela meda pontunua pesomba atuu wineweu inso a ngkeu akasia ka inapiiako mala. 7Keu ponsela atuu wininso a laro mala-mala a luwuno apano meda pontunua pesomba atuu, pe'inia kai pinokowawa meda pontunua pesomba atuu. Meda pontunua pesomba inso a dopi atuu wineweu mooa i larono.

Moweweu bolusa pewo'ohia

38:8

8Iweweuo bolusa pewo'ohia ka empehino inso a mala anu te'inso a ntamido beine puu mpompekakaako anu mpo'angga i arono pewowa Kema Tepotowoa.#Pel. 30:18

Moweweu kintalano Kema Mempori

38:9-20

9I Besale'eli moweweu mbo'u kintala. I selatano kintala atuu, wineweu sawu pelingo po'oloti inso a lena alusu anu kinoloro banano, asa etu hiku ondauno.#Pel. 27:9-19 10Luwuno karuno rua pulu ka po'empehi karuno rua pulu mbo'u, luwuno inso a mala, sine kai a ngkaruno atuu ka luwuno ponsombuno inso a nsalaka. 11I utarano, wineweu sawu pelingo po'oloti asa etu hiku ondauno, luwuno karuno rua pulu ka po'empehi karuno atuu rua pulu mbo'u, luwuno inso a mala, sine kai a ngkaruno atuu ka luwuno ponsombuno inso a nsalaka. 12I sumooano oleo kintala atuu, wineweu sawu pelingo po'oloti lima pulu hiku, saru hopulu karuno ka hopulu po'empehi karuno atuu ka kai a ngkaruno atuu saru luwuno ponsombuno inso a nsalaka. 13I sabaano oleo, sawu pelingo po'oloti lima pulu hiku, 14sawu pelingo po'oloti i apano anu asa, hopulu ka olima hiku, saru karuno otolu ka po'empehi karuno otolu, 15ka sawu pelingo po'oloti i apano anu susua hopulu ka olima hiku, saru otolu karuno ka otolu empehino karuno, mompombali pewowa langkai a ngkintala. 16Luwuno sawu pelingo po'oloti anu lumimbuo kintala atuu, inso a lena alusu anu kinoloro banano. 17Empehino luwuno karuno atuu inso a mala, luwuno kai a ngkaruno saru ponsombuno inso a nsalaka, apiino uluno karuno inso koa mbo'u a nsalaka. Luwuno karuno kintala atuu sinombuako ponsombu inso a nsalaka. 18Sawu pelingo a mpewowa langkai kintala atuu sinula inso a bana wungo motu'a, wungo mongura, motaha motu'a ka inso a lena alusu anu kinoloro banano, rua pulu hiku ondauno, sine mantandeno ka maluano olima hiku, mengkena saru sawu pelingo olotino kintala atuu. 19Opaa karuno ka opaa po'empehi karuno atuu inso a mala, luwuno kaino inso a nsalaka, apiino uluno karuno ka luwuno ponsombuno inso koa mbo'u a nsalaka. 20Luwuno pandorano Kema Mempori ka limbuno kintala, wineweu inso a mala.

Hadiono sangka mpowangu Kema Mempori

38:21-31

21Ndiomo hadiono sangka anu pinake a Ngkema mempori, Kema po'iangano songka-Do Ue Ala, a parentano i Musa domeburio to Lewi i totono petewawano i Itamari, anano sando mpesomba i Haruni. 22I Besale'eli, anano i Uri, anano i Huri, inso a nsuku Yehuda, weweuo luwuno petena-Do i Ue ndi Musa. 23Saru i Besale'eli kongko mbo'u i Aholiabi, anano i Ahisamaki inso a nsuku Dani, asa mia puu mpoweweu ka puu mposongka anggaa, asa mia puu mposula sawu inso a bana wungo motu'a, wungo mongura, motaha motu'a ka lena alusu. 24Luwuno wulaa anu pinake a mpelempano anggaa a mpo'ianga mempori, onaemo wulaa inso a mpesomba tinande, hadiono rua pulu ka osio talenta ka pitu etu ka tolu pulu sikala, montonda sikala a mpo'ianga mempori 25Salaka inso a bawaa anu teburi asa etu talenta ka asa nsowu pitu etu ka pitu pulu ka olima sikala montonda sikala a mpo'ianga mempori:#Pel. 30:11-16 26asa beka ke entonga sikala montonda sikala a mpo'ianga mempori, a sompo mia anu binuri, anu tinuwuno rua pulu nta'u torea, hadiono nomo'etu ka tolu nsowu ka lima etu ka lima pulu mia.#Mat. 17:24 27Asa etu talenta salaka, pinake moweweu luwuno po'empehi tinawa a mpo'ianga mempori ka luwuno po'empehi tinawa a ngkaruno sawu pelingo atuu. Asa etu po'empehi menunu saru asa etu talenta atuu, gagi asa talenta tiano asa po'empehi 28Inso anu asa nsowu pitu etu ka pitu pulu ka olima sikala, iweweuo luwuno kai a ngkaruno, inapii uluno karuno ka luwuno karuno ka monsombu luwuno karuno atuu. 29Mala inso a mpesomba tinande hinao pitu pulu talenta ka orua nsowu ka pato etu sikala. 30Inso a mala atuu, i weweuo luwuno po'empehi pewowano Kema Tepotowoa, meda pontunua pesomba inso a mala saru taralino ka luwuno parewano meda pontunua pesomba atuu, 31ka luwuno po'empehi karuno lumimbuo kintala, luwuno po'empehi pewowa langkaino kintala atuu, luwuno pandorano Kema Mempori ka luwuno pandora lumimbuo kintala.

Currently Selected:

Peluarakoa 38: XMZ

Highlight

Compare

Copy