EPESU 5
5
Tuwu kana anano mewine
5:1-21
1Onaemo pu'uno imegagimo anu metonda Ira Ue Ala, kana nana'ote anu pinehohawa 2#Pel. 29:18 ka imentuwumo a pompehohawa, kana Ondae mbo'u i Kerisituu Yesu Dopehohawa komiumo ka Dopeweengakonomo koroi-Do hangano ontae gagi pompowee ka pesomba anu mana mo'ahi ndi Ondae Ue Ala. 3Sine pebelesua ka mperupa-rupa mokoburua ke modoko maupo pinewua i olomiu osi'i, kana pototodo mia memempori. 4Kanatuu koa mbo'u pau anu mokoburu, anu nahina tuduno ke anu mondeenomo koa – hangano mongkona luwuno andio nahi tekona – sine tendeano impontarimakasimo. 5Hangano impewowoloomo andio temoiko: nahina mia belesu, mia anu mokoburu ke mia modoko, pengkonaano anu mesomba a lahumoa, anu mohawe tia a Poparentaa-Do i Kerisituu ka Ondae Ue Ala. 6Omiu si ntepopo'ooako luwuno paudo mia anu nahina tuduno, hangano mongkona anu kanandio mokontekuda Ira Ue Ala a luwuno mia lambaha. 7Onaemo pu'uno si mpewali-waliako ira. 8Lano i ndi'upua mewongi-wongi komiu, sine kanandio-andio memewine komiu ndi Ondae i Ue. Onaemo pu'uno imentuwumo gagi anano mewine, 9Hangano mewine butu mewuaako moikoa ka moleoa ka menteea, 10ka impepenteeo hapa anu pinemoiko-Do i Ue. 11Si mpompokowali a luwuno wineweu wongi-wongi anu nahi pewuaako hapa-hapa, sine tendeano imposabaomo luwuno wineweu atuu. 12Hangano maupo mewuaomo koa hapa anu mewineweudo a po'ianga anu tewuni mompokoko'ii. 13Sine luwuakoano anu iposabaomo mewine atuu gagi tengkita, hangano luwuno anu tengkita onaemo mewine.
14Onaemo pu'uno ka ipinau, ”Impewangumo, hei omiu anu mpoturi ka impewangumo inso i olodo mia mate ka Ondae i Kerisituu Ira wantahi komiu.”
15Onaemo pu'uno, impekokoongakono temoiko, ba kana'umpe imentuwu, si mengkana mia monge-monge, sine kana mia pande, 16#Kol. 4:5 ka imempakeomo tempo anu hina, hangano luwuno oleo andio mosa'o. 17Onaemo pu'uno si mebenge-benge, sine impeteahakomo ka imento'orio po'ehe-Do i Ue. 18Ka si memolanguako anggoro, hangano anggoro mompokohina po'eheno koroi, sine po'ineeomo ka imebukeako Penaa, 19#Kol. 3:16-17 ka impepau-pauakomo po'unde-unde pada omiu, penani pompelangkai ka penani rohani. Impenanimo ka impeboolimo ndi Ondae i Ue tompaano aroamiu. 20Impotarima kasimo mpiha a luwuakoano a nee-Do Ueto i Yesu Kerisituu ndi Ondae Ue Ala ka Amato 21ka imemambe pe'urumako hangano doitoako Ira i Kerisituu.
Pompehohawa-Do i Kerisituu onaemo pu'uno tuwudo mia mekokombia
5:22-33
22 #
Kol. 3:18; 1Pet. 3:1 Hei beine, petuudumo a ntamamu kana ndi Ondae i Ue, 23Hangano tama onaemo uluno beine mengkena kana Ondae i Kerisituu uluno bawaa. Ondaemo anu kumaduduio koroi. 24Onaemo pu'uno kana petuundudo bawaa ndi Ondae i Kerisituu, kanandiomo mbo'u beine a ntamano a laro luwuakoano. 25#Kol. 3:19; 1Pet. 3:7 Hei tama, pehohawaomo beinemu kana Ondae i Kerisituu Dopehohawa iramo bawaa ka Dopeweengakonomo koroi-Do hangano Ondae 26ka Dopokomemporio, umari-Do mokomempori ira bahoako ira uwoi ka pau-Do, 27ka ikanandio bawaa Donaao i aro-Do ka imaramba nahina tataano ke tengkuru ke pengkenano, sine ka imempori bawaa ka nahina tataano. 28Kanandio koa mbo'u tama asalakono ka ipehohawao beineno mengkena kana koroino onaeno: Isema anu mehohawao beineno ipehohawao koroino onaeno. 29Hangano mia nahi hori umo'aliaakono koroino onaeno, sine ipotuwuo ka ipekakaakono, mengkena kana Ondae i Kerisituu a bawaa, 30hangano ontae onaemo parewa ngkoroi-Do. 31#Teg. 2:24 Onaemo pu'uno tama ta bintao amano ka ineno ka ipe'asaakono beineno, ranta orua ira atuu gagi me'asa ngkoroi. 32Rahasia andio langkai, sine anu tinooku onaemo penggoea-Do i Kerisituu ka bawaa. 33Maupo kana'umpe, singge mia ndi omiu asalakono: pehohawaomo beinemu kana koroimu omuemu ka beine ka ipelangkaio tamano.
Currently Selected:
EPESU 5: XMZ
Highlight
Share
Compare
Copy
Want to have your highlights saved across all your devices? Sign up or sign in
LAI 2021
