1 YOHANE 1
1
Ponsakosiido tinena mongkona Pau tuwua
1:1-4
1 #
Yoh. 1:1
Hapa anu hinaomo inso a pompu'uano, anu kimerongeomo, anu kimengkitaakonomo matamami, anu kimensakosiio ka anu kimperareakonomo kaemami mongkona Pau tuwua – onaemo anu binurimami ndi omiu. 2#Yoh. 1:14 Tuwua atuu pinokomengkaaomo, ka kimengkitaomo ka kanandio-andio mpesakosii kami ka mempaleleo ndi omiu mongkona tuwua nahina tampulaano, anu kongko meronga-ronga saru Ondae i Ama ka anu pinokomengkaaomo ndi omami. 3Hapa anu kinitamami ka anu rinongemami atuu, kimempaleleo mbo'u ndi omiu, ka impohawe koa mbo'u tepo'asaa saru omami. Ka tepo'asaamami onaemo tepo'asaa saru Ondae i Ama ka saru Ana-Do, i Yesu Kerisituu. 4Ka luwuno andio kimeburiakomiu, ka igagi soompo po'undemami.
Ondae Ue Ala onaemo mewine
1:5-10
5Ka ndiomo lele, anu kimerongeomo inso ndi Ondae, ka anu kimpohaweo ndi omiu: Ondae Ue Ala onaemo mewine ka i laro-Do nahina ntu'u wongi-wongia. 6Tewala mpotae kita, nine mpohawe kita tepo'asaa saru Ondae, sine mentuwu kita a laro wongi-wongia, mpegaupi kita ka nahi tompoweweu menteea. 7Sine tewala mentuwu kita a laro mewine mengkena kana Ondae kongko a laro mewine, ka kita mpohawe tepo'asaa pada ontaeto, ka rea-Do i Yesu, Ana-Do atuu, mokomempori kita inso a luwuno hala. 8Tewala mpotae kita, nine nahi tontehala, ka tomempopo'oo koroito ontaeto ka menteea nahina i laroto. 9Tewala tomemangakuakono halato, Ondae pine'ala-ala ka moleo Ira, onaemo ka Do'ampunio luwuno halato ka mokomempori kita inso a luwuno mosa'oa. 10Tewala mpotae kita, nine nahi tompoweweu hala, ka tomeweweu Ira gagi megaupi ka pau-Do nahina i laroto.
Currently Selected:
1 YOHANE 1: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
