1 KORINTI 13
13
Pompehohawa
13:1-13
1Maupo kupolio mepauako luwuno paudo mia ka paudo mala'eka, sine tewala nahina pompehohawaku, mengkena akumo saru tawa-tawa anu me'uni ka dio-dio anu mangkii. 2#Mat. 17:20; 20:21; Mrk. 11:23 Maupo kupohawe pompowee ka kupompau anu ta gagi ka kuto'orio luwu anu tewuni ka tumo'orio luwuno ponto'ori; ka maupo bobotoli pompe'ala-alaku ka kupolimba torukuno, sine tewala nahina pompehohawa, nahina ntu'u tuduku.
3Ka maupo kutia-tiao luwuakoano anu hina ndi ongkue, tendeano meweengakono koroiku ka itinunu, sine nahina pompehohawa, maupo tedei nahina tuduno ndi ongkue.
4Pompehohawa atuu sabara; pompehohawa atuu me'aroa; nahi monsiri. Nahi pehamba-hamba ka nahi pompelangka-langkai. 5Onae nahi poweweu anu nahi pontonda gau ka nahi po'ungke moikoano onaeno. Onae nahi marantekuda ka nahi ponaa-naa aroa a mia susua. 6Nahi mawongkoakono anu nahi moleo, sine imawongkoakono menteea. 7Ipeteao luwuakoano, me'ala-alao luwuakoano, mompe'osai luwuakoano, sabara tumembio luwuakoano.
8Pompehohawa nahi ta menaa-naa; pau anu ta gagi ta upu; pau penaa ta menaa-naa; ponto'ori ta moliu. 9Hangano ponto'orito nahi soompo ka pompauto anu ta gagi nahi soompo. 10Sine tewala hawe anu soompo, ka anu nahi sompo atuu ta moliu. 11Tempono kunana'ote, kupepau kana nana'ote, ponto'oriku kana nana'ote, kupompewowolo kana nana'ote. Kanandio-andio sompoomo tinuwuku, kubintao pelelu nana'ote atuu. 12Hangano kanandio-andio tomengkitao a ntami aasa eo-eo anu rawu-rawu, sine te'upua kitamo ntepoporupa. Kanandio-andio napi kuto'orio ntu'u, sine te'upua aku koa tumo'orio ntu'u, kana kutino'ori.
13Kanandiomo ipo'ia otolu rupa andio, onaemo pompe'ala-ala, pomperorohia ka pompehohawa, ka anu lalu langkai i olodo onaemo pompehohawa.
Currently Selected:
1 KORINTI 13: XMZ
Highlight
Share
Compare
Copy
Want to have your highlights saved across all your devices? Sign up or sign in
LAI 2021
