1 Tawarika 4

Inuleno i Yehuda susuano

4:1-23

1Inuleno i Yehuda, onaemo i Peresi, i Heseroni, i Karimi, i Huri ka i Siobali. 2I Reaya, anano i Sobali, hinao anano, i Yahati, ka i Yahati hinao anano, i Ahumai ka i Lahadi. Onaemo atuu luwuno sukudo to Sora.

3Ndiomo luwuno anano i Etami: i Yisire'eli, i Isima ka i Idabasi. Neeno pepaekompodo beine, onaemo i Haseleleponi; 4ka i'amba i Penueli, amano i Gedori, ka i Eseri amano i Husa. Onaemo atuu inuleno i Huri, anano anu aka i Eparata, amano i Beteleme.

5I Asikuri, amano i Tekoa hinao kombiano orua, onaemo i Hela ka i Naara. 6I Naara me'anaakono i Ahusami, i Heperi, i Temeni ka i Ahasitari. Onaemo atuu luwuno anano i Naara. 7Luwuno anano i Hela, onaemo i Sereti, i Yesohari ka i Etanani. 8I Kosi, onaemo amano i Anubi, i Hasobeba ka luwuno sukuno i Ahareheli anano i Harumi.

9I Yabesi, lalu pinelangkai sekonopo luwuno pepaekompono. Ineno moponeeo i Yabesi, hangano ipotae, ”Kupemahakio me'anaakono.” 10I Yabesi mebooli ndi Ondae Ue Alado to Isaraeli, ipotae, ”Po'ineeomo ka Ironso aku tehadio ntu'u ka mokomolueo witaku. Po'ineeomo kae-Miu kumongkomi aku ka dumagai aku inso a masolaa, ranta nahi sepi aku mahakia!” Po'emano atuu Do'induo Ue Ala.

11I Kelubi, pepaekompono i Suha, hinao anano i Mehiri; onaemo amano i Esitoni. 12I Esitoni hinao anano i Beti-Rapa, i Paseahi ka i Tehina, amano i Iri-Nahasi. Onaemo atuu luwuno to Reka.

13Luwuno anano i Kenasi, onaemo i Otinieli ka i Seraya. Luwuno anano i Otinieli, onaemo i Hatati ka i Meonotai. 14I Meonotai hinao anano i Opera. I Seraya hinao anano i Yoabi, amado luwuno anu mpo'ia i Lembono mia mpade mpo'angga, hangano ondae mia anu pande mpo'angga.

15Luwuno anano i kalebi anano i Yepune, onaemo i Iru, i Ela ka i Na'ama. Inuleno i Ela, onaemo i Kenasi.

16Luwuno anano i Yehaleleeli, onaemo i Sipi, i Sipa, i Tireia ka i Asare'eli.

17Luwuno anano i Esera, onaemo i Yeteri, i Meredi, i Eperi ka i Yaloni. Kombiano asa mia i olodo me'anaakono i Miriami, i samai ka i Yisibahi, amano i Esitemoa. 18Kombiano i Meredi, beine to Yehuda, me'anaakono i Yerdi amano i Gedori, i Heberi amano i Soko, ka i Yekutieli amano i Sanoahi. Hinao mbo'u luwuno anano i Bitia, ana beineno i Pirao anu beineno i Meredi.

19Luwuno anano kombiano i Hodia, pepaekompono beine i Nahami, onaemo i Abu Kehila, to Garimi, ka i Esitemoa, to Ma'aka.

20Luwuno anano i Simo, onaemo i Aminoni, i Rina, i Benihanani ka i Tiloni. Luwuno anano i Yisei, onaemo i Soheti ka i Beni-Soheti.

21Inuleno i Siela, anano i Yehuda, onaemo i Eri, amano i Leka, ka i Lada amano i Maresa, saru luwuno suku anu mpoweweu sawu lena alusu i Beti-Asibea, 22ka i'amba i Yoyakimi ka luwuno to Koseba, i Yoasi ka i Sarapi anu pabawaio Moabi ka i'amba mekule i Lehemi; Luwuno binuri andio mota'uomo tinuwuno. 23Ondae andio puu mpoweweu parewa inso a wita pulu anu mpo'ia i Netaimi ka i Gedera. Mpo'ia ira i ra'ai ka mpo'anggaako ira mokole.

Inuleno i Simeo

4:24-43

24Luwuno anano i Simeo onaemo i Nemueli, i Yamini, i Yaribi, i Serahi ka i Saulu. 25Anano i Saulu, onaemo i Salumi, ana'ueno, onaemo i Mibisami; ana'ue ntukono, onaemo i Misima. 26Inuleno i Misima, onaemo: i Hamueli, anano; i Sakuri ana'ueno; ka i Simei ana'ue ntukono. 27I Simei hinao hopulu ka onoo mia ana ntamano ka onoo mia anano beine, sine luwuno pepaekompono nahi dompe'ana hadio. Luwuno sukudo nahi tetiangi hadio kana inuleno i Yehuda. 28#Yos. 19:2-8Ondae mpo'ia i Bereseba, i Molada, i Hasari-Saulu, 29i Biliha, i Esemi, i Toladi, 30i Betueli, i Horoma, i Sikalagi, 31i Beti-Marikaboti, i Hasari-Susimi, i Beti-Biri ka i Sa'araimi. Onaemo atuu luwuno kotado ranta ka igagi mokole i Daudi. 32Luwuno iniano, onaemo Etami, Aini, Rimoni, Tokeni ka Asani, porokono olima pe'iniaa; 33saru luwuno iniano a mpetengi-tengino luwuno pe'iniaa atuu hawe i Baala. Onaemo atuu luwuno po'iangado ka ondae hinao potudano tumuwudo ondaedo.

34I Mesobabi, i Yamileki, i Yosa anano i Amasia, 35i Yoeli, i Yehu anano i Yosibia anano i Seraia anano i Asieli, 36i Elioenani, i Yaakoba, i Yesohaia, i Asaia, i Adieli, i Yesimieli, i Benaia, 37i Sisa anano i Sipei anano i Aloni anano i Yedaya anano i Simiri anano i Semaia, 38luwuno anu pinau saru neeno atuu, onaemo luwuno petewawa a luwuno sukudo. Luwuno somborido tepahe tetiangi hadio. 39Ka do'amba melako umpeda i Gedori hawe i sabaano oleo lembono mpo'ungke ewo tiado asa bawaa bembe bimbado. 40Domehaweo tonga mpada anu moiko ka mewalo. Wita atuu molue, nahina monsosangoli; luwuno mia anu se'eluno mpo'ia i ra'ai inso a inuleno i Hami. 41Luwuno mia anu neeno teburi ndio, me'aiwa tempono i Hisikia, mokole i Yehuda. Domensapoio luwuno kemado to Hami ka to Meunimi anu hinawedo i ra'ai. Dompesusua ira luwuno mia andio ta rinopu hawe oleo andio. Ka do'amba mpetorokio po'iangado mia atuudo, hangano i ra'ai hinao tonga mpada pompakambia asa bawaa bembe bimbado. 42Asa ntia inso ndi ondae, lima etu mia inso a inuleno i Simeo mpelimba i mentorukuno Seiri. I Pelatia, i Nearia, i Repaia ka i Usieli, luwuno anano i Yisieli, onaemo petewawado. 43Dompepate ira toreano to Amale anu mpetolahako. Ka do'amba mpo'ia i ra'ai hawe oleo andio.

Currently Selected:

1 Tawarika 4: XMZ

Highlight

Copy

Compare