Heberu 3
3
1Ou uku eiai iaa aroa a’a e, pani muku unu iaki aua‐mia a’a e, Iesu laikora?-?nakine, Iva a’a, Omoro Amua a’a ane U ua‐rokona, enei iki‐e’ena ane Una e’eo?-?kava a’a enei rokona.
2U miki‐rokoanave U eiai U ane U ie’enave, orau Mose awku miki‐rokoanave Eloi inu marea awku uriria eiai.
3Avioia ovara‐mai miai Iesu akoakeia’ane euna, Mose avioia mau’u mi’inave, orau u ane u marea la‐okana u avioia‐mai mi’ina, a marea avioia mau’u mi’ina.
4Marea kavakava la‐okava a’a mi’ina, a U ane U awku uriria la‐ekanave U Eloi ua‐rokona.
5Mose miki‐rokoanave awku uriria eiai Eloi inu marea laru ai aivara a’a orau Iva voa awkuakei’inave omoro kuruai;
6A Keriso Mere orau miki‐rokoanave Una marea amua‐awkavai, enei Una marea ane, iviri, araea’araea ane, enei kane a’akiane anea’?-?anea ika pani ai.
7Ei uku eiai orau Avaea Iaa erau voa kuruna, Eai lare ai Una voa noro viriane,
8Nomo umu kane pa liai orau nomo mai‐oro li’inave omo aki pani ai. Ailia pani ai kekepere ai,
9Iou ai nomo mai‐oro i ailia‐mai Na lai kekepa ipia?-?awmi’inave, Opara uriria Nai li’inave oro inamu‐einave aumeia 40 pani ai.
10Ou uku eiai i kurua kiri a’a Nai lai kukunu‐mai liakei’inave, Erau voa kurunave ane, Omo umu laru ai panipani ai oro pawru‐ena?-?makina; Na kapea oro ipaliape.
11Ou uku eiai Na ia’ia pani ai Nai erau voa kurunave, Na laikaiai mako ai oro ikiriapea.
12Oivirine ovaki airavaki e, noro laru ai inakalia umu rokonavaia, pai‐nakamakina Eloi rokoa lari‐awkavai.
13Pani nawi Eai lare oroiakeia’ane, lare kavakava noro iviri‐nakane, nomo a’a monou i namea anu ewaea umu kane‐eakeinavaia.
14Ene pinai pirimaroakoa enei kane a’akiane anea’anea ika pani ai, Keriso kiripai enei uriria aua‐mia a’a evere’eane euna.
15Ei voa enei ai eai anena, Eai lare ai Una voa noro viriane, Nomo umu kane pa liai orau nomo mai‐oro li’inave omo aki pani ai.
16Oro ane Una voa virinave oro koana, Eloi oro ia’ia‐awkanave ane? A’a uriria peana i Mose erava?-?kei’inave Aikupito mere oro ane oro elemaneaka?
17Oro awku koana uku oro Eloi kukunu‐mai eakei’inave aumeia 40 pani ai? Oro peana oro ane oro namea liaka, omo imua kape ara’anave kekepere ai?
18A’a koana U ekinave Una laikaiai mako ai oro ikiriapea, oro ane oro inakalia a’a peane?
19Orau enei inamu‐oina uku oro pirimaroakoa miakape oro ikiriai a‐li’inavea.
Currently Selected:
Heberu 3: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
