Heberu 2
2
1Ei uku eiai voa enei viriane euna enei kamaia?-?elauai limakina, oro mere enei oikinavaia.
2Voa i aivara avaea kuruakei’inave voa miki ipawkiakeia’ane, namea opara kavakava, larilia opara kavakava ane, kavani miki miane,
3Ei iawka ovara‐mai enei lariliane, enei eka’ama area?-?enamau? Ei iawka ane pinai i Amua upurukiakei’inave, i a’a ane Una voa oro virinave ei iawka anu miki enei ipakiakei’inave ane,
4Eloi ane omo ione voa anu miki ipawkinave i veia, momo’ore awku ane, iva veia iaki ane, i Avaea Iaa anu la’aruku ane ekuakei’inave orau U umuli’inave.
5Kurua pani va’au aneliviai anelia, kurua pani va’au eiai enei kuruna, kurua pani va’au amua‐awkavai aivara avaea Eloi ie’eiape.
6Uku enei ipali’ina kikiria a’a monou erau voa kuruane euna, A’a oiana Ni oivirina? A’a anu mere ane u oiana u ai Ni anena?
7Pani mau’u e eiai aivara avaea arau mere Ni aiane euna: Evao’evao, avioia ane, Ni kaukoua luki‐awmiane euna, Ni evepawki amua‐ekavai Ni are’eane euna.
8Uku kamaia‐awkavai awku uriria una are arau ai Ni aiane euna. Uku awku uriria a’a kamaia‐awkana, awku e eria uakeina a’a awkavapea. A enei inamu‐a‐einakea awku uriria kamaia‐ekavakeina a’a eiai.
9A Iesu, U ane pani mau’u eiai aivara avaea arau mere U aiakei’inave, uku i Eloi inu la’aruku mere U imuane‐iai a’a kavakava eiai, enei inamu‐oina evao’evao onu kaukoua, avioia ane, luki‐awmimakina uku imua anu kukunu U miaka.
10Uku opara anana kei’inave U eiai, i U mere ane, awku uriria rokona, ukua mere aila evao‐evao ai U are’ekavaka’ane, i kukunu omo iawka‐uku U anana‐eai, U ane U iekavaka.
11Uku U ane U iaa‐ena, oro ane U iaa‐eimakina, oro uriria Mai monou mi’ina; ei uku eiai U makiri miapea oro Una aroa a’a orau eroiai;
12Orau U erau voa kuruane: Na aroa a’a paku ai Ni nawi Nai upurukiakana; Ekalesia a’a awkono avao ai Ni avioia Nai awni‐awkavakana.
13Ei voa ane, A uku nai eiai, Nai Eloi pirimaroakoakana. Ei voa ane, Nai eu aku, ukua‐mere awku Eloi ikuane euna oro eu aku.
14Uku ukua‐mere oia, aro ane enu aua‐mia a’a keina, orau U awku oia, aro ane, aua‐emi’inave, i imua mere U oava’ane‐iai u ane imua anu iva u miaka, Diabolo ane;
15Uriria ururueane‐iai ane, oro ane i kore mere omo rokoa pani iki oro kamaia epiriakeiaka.
16Uku aivara avaea pai’ekavai Una eve U oiokavape panipani ai, a Aberahamo onu kiri a’a pai’ekavai Una eve U oiokana.
17Ei uku eiai uku uakei’inave awku uriria eiai U eakei’inave Una aroa a’a mikiriai, umu, miki‐rokoa, omoro amua a’a U evere’eane‐iai uku Eloi inu awku eiai, U airu unu ea‐a’a evere’eai a’a aruru unu namea eiai.
18Uku U verukua ailia anu kukunu ipaliane euna, a’a ane oro ailiakeina U emoki pai’ekavai li’ina.
Currently Selected:
Heberu 2: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
