Galatia 6
6
1Ovaki airavaki e, a’a opara namea limakina inamu‐oiakeia’ane, noro ane noro avaea opara‐lia a’a keina, noro kurua a’a lai iva’iva paiokavai limakina. Nomo a’a monou‐monou oivirinamoki i ailia u ara’ana?-?vaia.
2Paioka‐nami’ine nomo paua vakaruai, orau Keriso onu Vupu kamaialiai.
3A’a ane u laikora’ane u amua a’a keina, u amua a’a peane, una nane u ewaea‐awkana.
4A’a kavakava una opara ipinamoki, u ipalima u uku miane voa meramera kuruai una opara eiai, a’a e enu opara eiai peo.
5Uku a’a kavakava una paua vakaruai oiniakeiakana.
6Oro Iva voa ipekiakeina oro ane omo ipawkia a’a kiripai auami’inameki ima awku uriria.
7Ewaea pa nakavai. Eloi i anara voa kuruakeia?-?pea. Uru a’a voena, kurua uru u ie’eiakana.
8A’a ane una kape enu i’ima ai u voena, kurua i’ima mere imua u ie’eakana; a u ane Avaea kamaia‐awkavai u voena Avaea mere rokoa opai u ie’eakana.
9Opara ima liai enei lari pa liai; enei oia‐eavu liape liane pani miki ie’eakana.
10Enei pani miane opara ima enei li’inamaki a’a uriria eiai, pinai pirimaroakoa a’a oro eiai.
11Inamu‐oine ei revareva ovara i na eve nai kikirinaimakina.
12Oro uriria ane oro umu?-?li’ina omo iviri ipawkiai kape enu opara eiai, na’uniai momoa‐eia opara miai oro ipia‐mimakina, uku oro mani?-?ekavakeinavaia Keriso onu iri keoa eiai.
13Uku ei a’a kapoi Mose enu Vupu kamaia‐a‐li’inakea; a noro momoa‐eia miai oro umuli’ina, oro avioia miane‐iai nomo kape eiai.
14Nai avioiane Eloi evere’enamoki ene Amua Iesu Keriso onu iri keoa e eiai nai avioiane‐iai, kurua iri keoa upa mere pani va’au avakeina nai eiai, nai awku i‐avakeina pani va’au eiai.
15Uku Keriso Iesu laru ai momoa‐eia opara, momoa‐eia eria opara ane, eria keina; a’a anu nane nawawrea e avioiakeina.
16Oro uriria ane i ei ipawkia voa omo rokoa oro amua‐ekavakana, airu, umu ane, ekuakeinameki, Eloi inu Isaraela a’a miki ane.
17Ei pani mere a’a kukupuna pa ikavai: uku na kape ai Amua Iesu unu awkoro aimiai nai mi’ina.
18Ovaki airavaki e, ene Amua Iesu Keriso nomo avaea kiripai pokoinamoki. Amene.
Currently Selected:
Galatia 6: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
