Epeso 1
1
1I Eloi inu lai Paulo, Iesu Keriso onu Iva a’a, ei revareva kikirina iaa a’a eiai Epeso ai, oro awku eiai oro Keriso Iesu unu pirimaroakoa a’a keina.
2Eloi ene Mai mere, Amua Iesu Keriso mere ane, la’aruku, airu ane, ekuakeinameki.
3Ene Amua Iesu Keriso onu Eloi, Mai ane, kopai‐awkavakeinamoki, U ane avaea kopai kavakava U kopai‐akava’ane euna Keriso laru ai pani muku ai:
4Orau uku Una umu U ie’ainave Keriso laru ai pani va’au unu ea pani paku ai, enei iaa’keia’ane‐iai, mua eria keia’ane‐iai Una paku ai.
5Una lai inu kopai orau i Iesu Keriso U eni‐evere’?-?ainave, enei Una apoa ukua mere evere’eai,
6Una la’aruku unu evao’evao kepoiai, la’aruku U akuane euna Una Naumuki laru ai.
7U laru ai, uku Una aro upuakei’inave, ene iawka enei mi’ina, ene namea anu pauea ane, uku Eloi inu la’aruku evereverea kei’inave;
8Kurua la’aruku U veruku akunave, U ane lai evera iki, lai pamea iki ane, U mi’ina.
9Una lai inu vauavaua awku U ipakiane euna orau U evere’eane euna Una lai laru ai:
10Ei opara Eloi inu lai umu ipi’ipiakeina uku pani va’au amua‐awkavai pani miki anea’ane, kurua lai U oiviriane euna uku ea awku iki moawku rokoa‐eai una Uku monou Keriso laru ai auiai; lia, awku pani muku ai, pani va’au ai ane, omo Uku monou oro auiai U laru ai.
11U laru ai awku omoro‐aru enei miane euna, enei eni ie’aiakeia’ane euna orau U evere’enave, U ane U awku uriria evere’eina orau U umuli’ina;
12Uku enei Una evao’evao kepoiane‐iai, enei ane enei pinai a’a kei’inave Keriso pirimaroakoai.
13Miki inu Iva voa, nomo iawka anu Iva voa, noro viriaka’ane, noro pirimaroakoaka’ane ane, i Avaea Iaa anu kuruei voa U laru ai noro vupu‐nakavakei’inave;
14Kurua Avaea ene omoro‐aru unu veia keina, araea’araea ane anea’anea omoro‐aru iki inaea‐liakeia’ane, omoro‐aru U inaealiane euna Una evao’evao kepoiai.
15Uku nomo pirimaroakoa Amua Iesu laru ai, uku nomo umu ane iaa a’a uriria eiai, nai uru viriaka’ane,
16Nai kopai‐lioko noro eiai, nomo nawi ane na nawki‐awkava nai kairinani kuruena;
17Ene Amua Iesu Keriso onu Eloi, Mai evao’evao, nai nawki‐awkana U lai evera anu Avaea, lai pamea ane, nakuane‐iai uku U eiai;
18Uku nomo lai inu inamu pamea‐eiakeia’ane‐iai, uku noro kurua araea’araea ipaliane‐iai Una laea nakuna, Una omoro‐aru unu evao’evao onu evereverea iaa a’a laru ai noro ipaliane‐iai ane,
19Una iva anu ovara‐mai enei pirimaroakoa a’a laru ai orau inamu‐oiakeina, Una iva‐mai iaki limakina,
20Iva‐mai U ipawkinave U Keriso imua mere la‐okavaka’ane, Una eve miki mekai pa’avai U awkiaka’ane pani muku ai,
21Amua a’a e uriria, uku a’a uriria ane, iva‐mia a’a ane, amua‐awkava ane, amua nawi oroiakeina ei pani va’au ai, pani va’au ai aneliviai anelia, uriria upai epe’epe U la‐okavakeina:
22Una are arau ai awku uriria U aiane euna, U evere’eane euna ane U Ekalesia anu Uku Miki pani va’au iki ai,
23Kurua Ekalesia Una kape keina, Una iki keina, U ane U mako mako ai pani va’au iki evopona.
Currently Selected:
Epeso 1: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
