2 Korinito 9
9
1Uku ei la’aruku opara iaa a’a eiai liakeimakina uku eria keina nai kikirinaiai:
2Uku nomo iviri ei opara eiai nai ipali’ina, uku nomo veruku opara eiai Makedonia a’a paku ai panipani ai nai voa meramera kuruna, nai ekina eni aumeia pani ai noro evere’naiakei’inave ei opara eiai Akaia ai; nomo iviri omo a’a aila iviri‐eiane euna.
3Aroa a’a noro ai nai ekaivirina, ene meramera voa noro eiai voa kape ipaw?-?kiakeinavaia; uku awku, orau nai kuruane euna, noro evere’naiakeia’ane‐iai:
4Uku Makedonia a’a nai kiripai aneakana naea, oro inamu‐oiane noro evere’?-?naiakeiapea, enei (noro awku naea) makiri keiakana uku ei meramera voa eiai.
5Ou uku eiai nai laikoranave uku uakei’inave aroa a’a nanuku‐ekavai oro paku ai enavai noro ai, nomo maura‐voa la’aruku ie’eiai ane, oro ipaliane‐iai ane nomo la’aruku umu unu la’aruku keina, la’aruku noro verukua awkuna.
6A nai ei voa kuruna, A’a u mau’u voena, u mau’u roikiakana; a’a u veruku voena, u veruku roikiakana.
7A’a kavakava una lai laru ai orau u evere’eane euna, orau u awkunamoki; manipu orau, uku a’a e enu voa, u pa awkuai: uku kopai awkua a’a Eloi umu‐awkana.
8Uku la’aruku kavakava Eloi veruku nakuai li’ina, uku panipani ai awku evereverea noro miane‐iai iaki ima uriria eiai;
9Ei voa orau kikiriakeina, U voeane euna, Rurupu a’a U ekuane euna, Una opara anana uakeina opai keiakana.
10Eloi ane U uru voea a’a awkuoko, una pei ane, U uru nakuakana, nomo uru U everevereakana ane, nomo opara anana anu uru U everevereakana ane.
11Uku awku kavakava noro veruku nakuakeia’ane?-?iai, orau panipani ai noro veruku awkuane‐iai, i enei mere kurua opara kopai mi‐anena Eloi eiai.
12Ei la’aruku iaa a’a pai’ekana omo oea pani ai, i ei la’aruku opara a’a aila eiakeina Eloi kopai‐awkavai.
13I ei opara nomo lai noro ipawkina ei iaki eiai, noro a’a eina ane Eloi kopai‐awkavai nomo iviri eiai Keriso onu Iva voa eiai, uku nomo veruku la’aruku eiai noro a’a uriria ekuna;
14Oro ane oro umu‐nakana, oro Eloi nawki‐awkana noro eiai, uku Eloi inu la’?-?aruku‐mai noro laru ai keina.
15Eloi kopai‐awkane Una la’aruku re eiai.
Currently Selected:
2 Korinito 9: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
