2 Korinito 8
8
1Ovaki airavaki e, nakiai enei umuli’ina uku Eloi inu la’aruku Makedonia anu ekalesia ekuakei’inave;
2Oro kukupuna ovara rokoamakei’inave ane, omo oea ovara kei’inave ane, uku omo kopai evopona’ane euna omo la’aruku oro ovara‐eiane euna.
3Uku nai ioneliai li’ina, omo iva orau, lia, mo ane, oro verukua la’aruku awkuane euna;
4I iviri nanuku oro nawki‐akanave evere’eiai enei kiripai oro aua‐miane‐iai Eloi inu a’a pai’ekavai.
5Ei la’aruku e apea oro awkunave, orau enei araea’araea liaka, a pinai, Eloi inu lai kamaialiai, omo nane oro Amua, enei awku, awkunave.
6Ei opara ara’anave Tito nawki‐awkavai noro ai enavai, ei la’aruku opara noro awkono avao ai evere’eai, uku u ane u ei iaki pinai?-?liaka.
7Lia, uku pirimaroakoa, voa rokoa ane, lai evera ane, iviri ane, noro laru ai evereverena, umu ane i enei kinia?-?kei’inave noro laru ai, noro ipia‐mi’ine ei veruku la’aruku opara awku noro laru ai everevere’ane‐iai.
8Nai ikiakeiapea erau voa kuruai, a i a’a e enu la’aruku opara nomo umu ipiai nai umuli’ina.
9Ene Amua Iesu Keriso onu la’aruku noro ipali’ina, U amua kei’inave, a noro eiai U rurupu evere’enave, i Una rurupu noro amua evere’eane‐iai.
10Ei opara eiai na lai nai nakina: uku na lai painakana nomo lai evere’eiai, uku noro ei opara pinai‐liane euna, eni aumeia ane ei opara liai noro umuli’inave.
11Nomo eni lai noro eai evere’eina, orau ei opara liai noro iviri umuli’inave, orau nomo roikia‐moni mere veruku awkuai noro iviri keia’ane‐iai.
12A’a anu kopai la’aruku awkuai una roikia‐moni ipi’ipia keia’ane, una la’aruku miakeina; a’a roikia‐moni miape liane, u voa vevea?-?keiapea, u la’aruku awkuape liane.
13Noro oea‐rokoane, a’a e pai’ekavai nai nawki‐a?-?nakanakea.
14Ei opara kavani kavani keina. Eai pani nomo moni evereverea pai‐ekana omo oea pani ai; omo moni evereverea pani ai oro painaka’ane‐iai nomo oea pani ai; orau noro ipi’ipia keia’ane‐iai.
15Ei voa kikiriakeina, U ane u mo’onu roikiaka u kakai eria miaka; u ane u mau’u roikiaka u oea eria ipaliaka.
16Eloi kopai‐awkane uku ei umu U Tito awkunave noro eiai.
17Na nawki u evere’eane euna, a u verukua noro ai anena.
18Kurua aroa a’a uru ima mi’ina ekalesia uriria awkono avao ai una omoro iaki eiai nai Tito kiripai okaiviriane euna.
19Ei aroa a’a i ekalesia ie’eakei’inave enei kiripai enavai, ei la’aruku aua aua kokoravai Amua anu evao’evao eiai.
20Uku ene uru oiviriai ei opara enei umuli’ina, a’a kurunavaia ei la’aruku evereverea anana aua aua enei kokoravapea.
21Opara anana miai Eloi inu paku ai, a’a anu paku ai ane, enei umuli’ina.
22Ene aroa a’a awku orere kiripai enei okaiviriane euna, pani aila u ipawkiane euna u lai evera a’a keina uku awku aila eiai, uku una pirimaroakoa noro eiai u eai iviri‐mai keina.
23Uku Tito pa aikavai u na aua‐mia paioka a’a keina noro eiai: ei aroa a’a orere ekalesia mere ekaiviriakeina, orere laru ai Keriso avioiakeina.
24Ou uku eiai, ekalesia paku ai, umu ipekine, uku na meramera voa noro eiai anana evere’eakeia’ane‐iai.
Currently Selected:
2 Korinito 8: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
