1 Timoteo 3
3
1Ei voa miki rokona, A’a Ekalesia iaki oiviriai umuliane, ima iaki u umuli’ina.
2Omoro a’a opara ima miai limakina, a’e monou e u miai limakina, opara oiviria a’a ane, lai kekepa a’a ane, opara ima a’a ane, kamaia a’a kikoro a’a eiai, lai evera a’a uku a’a e ipekiai;
3Iara ere na’a a’a peo, vaki‐awmia a’a peo, manipu a’a peo, voaki a’a peo, iawmia a’a peo;
4Una marea a’a u ima amua‐ekana, una ukua mere kamaia miki euniakeina.
5(A’a una marea a’a amua‐ekavai ipaliape liane, Eloi inu Ekalesia u eka’?-?ama‐eivirimau?)
6U Ekalesia a’a nawawrea liai liapea, i lai kauakaua u aranavaia, Diabolo orau u mua‐awkavakeinavaia.
7Lai unuku a’a awkono avao ai ane uru ima u miai limakina, u anara‐awkava?-?keinavaia, Diabolo onu uai ai u aranavaia ane.
8Orau awku uku diakona a’a, avioia a’a anu uru oro miai limakina, voa rere a’a peo, iara ere na’a a’a peo, manipu a’a peo moni eiai;
9Pirimaroakoa anu vaua?-?vaua miki i lai parea oro a’akiai limakina.
10Ei a’a anu opara pinai ipinamoki, omo opara urupu keia’ane, diakona a’a orau oro kamaiali’inameki.
11Orau awku uku diakono a’e, oro lai kevere?-?kevere a’e enu uru miai limakina, omoro nouia a’e peo, uku opara kavakava oro lai kekepa a’ero, miki‐rokoa a’ero ane.
12Diakono a’a u a’e monou e mi’inamoki, una ukua mere, una marea a’a ane, u ima amua‐ekana?-?moki.
13Uku oro ane diakono onu iaki oro ima liane euna, eai oro eiai avioia uru oro mimakina, voa mere awku oro mimakina pirimaroakoa omoro kuruai Keriso Iesu ai.
14Ei voa nai kikirinina, a nai araea’araea‐limakina maura pani aneai, inamu‐niai ane.
15Nai ema aneape liane, nai eai kikirina, ni paioka voa miane‐iai uku niravai Eloi inu marea a’a ipekiai. Oro Eloi rokoa anu Ekalesia, oro voa miki inu aipua, u’uri ane.
16Voa kamukamu eria uakeina ei voa eiai, ene pirimaroakoa anu vauavaua ovara uakeina: a’a laru ai Eloi ipawkiakei’inave, Una ipawkia voa i Avaea anana‐eakei’inave, i aivara avaea U inamu‐oiakei’inave, Una uru upurukiakei’inave lai unuku a’a awkono avao ai, pani va’au ai U pirimaroa?-?koakei’inave, evao’evao ai U ekeakei’inave.
Currently Selected:
1 Timoteo 3: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
