1 Timoteo 2
2
1Na pinai voa eire, nawki, nanuku ane, kopai voa ane, awkanameki, a’a uriria eiai;
2Amua a’a eiai, mai‐oro uriria eiai ane, uku lai iva’iva, airu ane, opara iaa, anana ane, enei rokoane‐iai.
3Uku ei opara anana, kopai‐awkava keina ane, Eloi ene Iawka anu paku ai;
4U ane U umulimakina a’a uriria i’ekavakeiai, lai evera iki miai ane voa Miki eiai.
5Uku Eloi monou e ua?-?rokona, Eloi, a’a ane, mokono ai, Iawka a’a monou e ua‐rokona, U ane U a’a Keriso Iesu;
6U ane Una nane inaea?-?kavani U awkunave a’a uriria eiai, ei voa anu miki pani miki ai ioneliakeina,
7Ei voa eiai omoro a’a, Iva a’a ane, nai evere’i’iakeia’ane euna, (Voa miki nai kurumakina, voa arauau peo;) lai unuku a’a anu omoro a’a pirimaroakoa eiai, voa miki awku eiai.
8Ou uku eiai, a’a mako?-?mako ai nawki‐awkavai nai umuli’ina, iaa eve Eloi i la’ekamakina voa kamukamu oro kouaminavaia.
9A’ero ane a’a kape miki luki‐emiai nai umuli’ina, paku kekepa, makiri peo, oro miai, omo kimari eiri, koaka ane, oro vaupa pa liai, kavani ovara vaupa aru oro pa lukiai,
10A’ero orau oro iki e’?-?emakina oro iaa a’ero, opara ima anu vaupa oro lukinameki.
11A’e lai iva’iva, lai kamaia iki ane, ipawkinamoki.
12A’e omoro kuruai nai a‐evere’enakea, u a’a pa amua‐awkavai ane, u eiekavai limakina.
13Uku Adamu pinai eakei’inave, neko mere ai Eva eakei’inave.
14Adamu ewaea‐a‐awka?-?vakei’inavea, a una a’e ewaea‐awkavakei’inave, u namea kei’inave ane.
15A’e una vaki ane pirimaroakoa, umu ane, iaa opara ane, rokoane, i’ima liape liane, a’e iawkavakeiakana una ukua kinia pani ai.
Currently Selected:
1 Timoteo 2: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
