1 Ioane 5
5
1A’a kavakava ane u pirimaroakona Iesu U Keriso awku keina, u Eloi inu mere keina; a’a kavakava ane u Mai umu‐awkana Iesu awku u umu‐awkana, U ane U Mai inu Mere keina.
2Enei Eloi umu‐awkava’ane, Una Vupu enei kamaia‐ekava’ane ane, enei ipali’ina kapoi Eloi inu a’a enei umu‐ekana.
3Umu Eloi eiai, kamaia ane Una Vupu eiai, orere ipi’ipiakeina; Una vupu‐voa oro iakari peo.
4Uku Eloi inu mere kavakava pani va’au awkoni‐awkana; ene pirimaroakoa ane u pani va’au awkoni‐awkava’ane euna.
5Pani va’au koama awkoni‐awkava’i, u e u ane u pirimaroakona Iesu Eloi inu Mere keina?
6Iesu Keriso U ane i ere, aro ane, U anenave; i ere e peo, a i ere, aro ane, U anenave. Avaea ane U ioneli’ina, uku Avaea Voa miki keina.
7Rere kaiane oro ioneli’ina;
8Avaea, ere ane, aro ane; ei rere kaiane enu ione voa ipi’ipina.
9A’a anu ione voa enei miane, Eloi inu ione voa ovara‐mai keina: uku Eloi inu ione voa awku oro eiai U ioneliane euna Una Mere eiai.
10U ane u Eloi inu Mere pirimaroakona ione voa u mi’ina una umu laru ai: u ane u Eloi apirimaroakoanakea?-?u Eloi arauau‐awkava’?-?ane euna, uku u inakaliane euna ione voa miai, ione voa ane Eloi awkuane euna Una Mere eiai.
11Ei ione voa, Opai rokoa Eloi akuane euna, ei opai rokoa ane Una Mere laru ai uakeina.
12U ane u Mere mi’ina, opai rokoa awku u mi’ina; u ane u Eloi inu Mere miape, opai rokoa awku u miape.
13Ei voa nai kikirinaina, noro ane noro Eloi inu Mere pirimaroakona uku noro ipaliane‐iai kapoi opai rokoa noro mi’ina.
14Ei pirimaroakoa enei mi’ina uku U eiai, enei nawki‐awkava’ane orau U umuli’ina, ene nawki U viriakana:
15Uku enei ipali’ina ene nawki U virina, awku kavakava eiai enei nawki‐awkana, enei ipali’ina awku enei emi’ina, awku ane U mere enei nawki‐awkava’ane euna.
16A’a aroa a’a inamu‐oiane namealimakina, namea ane u imua anu namea peo, u nawki‐awkavakana Eloi ane rokoa awkuakana, oro eiai oro ane imua anu namea oro a‐li’inakea. Imua anu namea uakeina; kurua namea eiai nawki‐awkavai nai a‐nakinakea.
17Opara lipi kavakava namea keina; a namea uakeina u imua anu namea peo.
18Uku enei ipali’ina a’a ane u Eloi inu a’a keina u namea‐a‐li’inakea, a U ane U Eloi inu Mere keina U oivirina, Lipi vaki nekeai liapea.
19Enei ipali’ina enei Eloi inu a’a keina, pani va’au iki ane Lipi vaki inu iva ai keina.
20Enei ipali’ina ane Eloi inu Mere anea’ane euna, lai pamea akuane euna ane, enei Miki vaki ipaliane‐iai, enei Miki vaki kiripai pai?-?kiakeia’ane‐iai, Una Mere ane Iesu Keriso. Eloi miki U ua‐rokona, Opai Rokoa ane.
21Naumuki mere e, imunu mere lainakine. Amene.
Currently Selected:
1 Ioane 5: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
