1 Ioane 4
4
1Naumuki e, avaea kavakava pa pirimaroakoai, avaea ipia‐emi’ine oro Eloi mere naea; uku arauau laikorava a’a aila pani va’au ai eleane euna.
2I ei ikiau ane Eloi inu Avaea noro ipaliakana; avaea kavakava ane u iki e’ena Iesu Keriso, a’a orau, Eloi mere anea’ane euna,
3Avaea kapeo Eloi mere anena ei voa u iki e’eape liane Iesu eiai. U arauau‐keriso onu avaea; uku una anea eiai noro viriane euna, eai u pani va’au ai pokoina.
4Noro Eloi inu mere, naumuki mere e, arauau avaea noro awkoni‐ekava’ane euna ane; uku U ane U noro laru ai rokona Una iva ovara‐mai keina, a u ane u pani va’au ai pokoina una iva mau’u keina.
5Oro pani va’au unu mere, orau omo voa ane pani va’au unu voa ane, pani va’au omo voa kamaiali’ina ane.
6A enei Eloi mere. A’a ane Eloi ipaliai u pinailimakina ene voa u virina, a u ane u Eloi inu mere peo u a‐virinakea. I ei ikiau voa miki inu Avaea voa kukia anu avaea mere enei lai‐awkavai li’ina.
7Naumuki a’a e, enei umu‐akanamaki; uku umu aw Eloi laru ai keina, a’a kavakava ane u umu‐awkana Eloi inu mere u evere’eane euna, Eloi ipaliai u pinailimakina.
8U ane u umu eria mi’ina u lai pamea eria miape Eloi eiai; uku Eloi umu rokona.
9Eloi inu umu enei eiai ipawkiakeia’ane euna uku Una naumuki Mere U pani va’au ai okaiviriane euna i U mere enei rokoa miane‐iai.
10Umu miki eire, enei Eloi umu‐awkavakape, a U umu‐akanave, Una Mere okaivirinave ane, kekepea epie‐pei evere’eai ene namea eiai.
11Naumuki a’a e, Eloi orau umu‐akava’ane euane, enei awku umu‐akavai limakina.
12A’a kapeo Eloi inamu‐oiane euna. Enei umu‐akava’ane, Eloi enei kiripai rokona, Una umu miki ane ene umu laru ai keina.
13Enei ipaliai li’ina enei U kiripai rokona, U awku enei kiripai rokona, uku aua Una Avaea mere U akuane euna.
14Enei inamu‐oiane euna, ioneli’ina ane, Mai Mere okaiviriane euna pani va’au unu Iawka a’a evere’eai.
15A’a kavakava ane u iki e’ena Iesu Eloi inu Mere keina, Eloi u kiripai rokona, u ane Eloi kiripai rokona.
16A uku enei eiai ane, umu ane Eloi mi’ina enei eiai enei ipali’ina, enei pirimaroakona ane. Eloi umu rokona, u ane u umuli’ina, Eloi kiripai u rokona, Eloi ane u kiripai rokona.
17Ene umu unu miki iki ipawkiakeiakana i ene pirimaroakoa iki voa vevea anu lare ai; uku orau U ua?-?rokona orau enei rokona pani va’au ai.
18Umu kore eria mi’ina; umu miki kore laoina, uku kore kukunu mi’ina, a’a kore?-?liane, umu miki u miape.
19Enei umuli’ina uku Eloi pinai umu‐akanave.
20A’a kuruane u Eloi umu‐awkana, una aroa a’a ane u vai’i‐awkava’ane, u arauau vaki; uku u ane una aroa a’a u umu‐a‐awkanakea aroa a’a u inamu‐oiane euna, Eloi ane u inamu‐oiape u umu‐awkavai liapea.
21Voa ane enei mi’ina U mere voa eire, u ane u Eloi umu‐awkana, una aroa a’a awku u umu‐awkavai limakina.
Currently Selected:
1 Ioane 4: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
