Kamhinhin 22
22
1An neterhinhin ton io nu iaih te nemihwan rhahlel kama kristal rakamier le thron taha Wuhgin,
2Mene taha Lam le neluki suatu lan; an letelevinpa mene letelevinpen le nu iaih nik te neminwan, remowa in nowan katilum katilum mekiu, remowa in nowan le mouk min; an numali nik ka to nolutan netig min.
3An netatan terepuka. An thron taha Wuhgin mene taha Lam tereparik lan, an nolatkokun nar tahan teparol atkokun nar ton.
4An tepaihm nemrin, an netigen taprai le nupanakin ilar.
5An lapin terepuka, an kasarolkeikeian hnakakan te nisia wa hnakakan te mit, mero in ka Ieremera, Wuhgin terepasiakapun ilar, an ilar tepairemera le nowa nu min.
6An netereni tonio, Nakaran min uk kaisanen maiparhien, an Ieremera Wuhgin te nanumu profeta min rehmalipa agelo tahan moma terhinhin to nolatkokun nar tahan nar min tepakeikei kol hwaihwai am.
7An ahm ru tiapua hwaihwai am; ierem keikei ierem terol nakaran min te netikunan te nawowa uk.
8An io Jon ierem iemerou mamahm nar min uk. An iemerou mamahm, an netiakam moma tiakahwak aupan in neliki agelo ierem ramhinhin nar min uk tonio.
9An netereni tonio, Ahmena moma tenesolan; io iolatkokun nar piam mene pia piam min profeta min mene nerem kamarol nakaran min le nawowa uk; ahwak kam Wuhgin.
10An netereni tonio, Tenesharigan in nakaran min te netikunan te nawowa uk, mero in ka nian reknuwaket,
11Ierem terol tehwaga tat pas rol ena tehwaga tat, an ierem ramkumuk pas ramamkumuk ena, an ierem terol tehwaga ut pas rol ena tehwaga ut, an ierem reremausim pas reremausim ena.
12Ahm ru tiapua hwaihwai, an nemrin tahak ramarik tonio moma tiakofen kam ierem pusen pusen min le nolan tahan.
13Io Alfa mene Omeka, iraupan mene iroastisig aken, nerwowunan mene naunin.
14Nerem keikei nerem kemahipel napen tenilar moma teparos ten matu to nik te nemihwan meparuan le nauanu le nukulu.
15Ilua kuri min mene nerem kamoral pisapis mene nerem kamarol tehwaga tat le beravin wa naman mene nerem kamahro til mene nerem kameihwak kam nanumunar mene ierem rolkeikei neiwean mamol.
16Io Iesu iehmalipena agelo tahak moma terausito in nar min uk kam kamiar to neli nahwak min. Io nukin mene namipu Devid, mahau aroaip ierem lakapnipin.
17An Nanumum mene ierik kamuani, Ua. An ierem tererou pas reni, Ua. An ierem terowawa pas rua; ierem rolkeikei pas ros apnapen am nu te nemihwan.
18Io tiakausito in to ierem tererou nakaran te netikunan te nawowa uk; takama ieremim ker terepehlaupen ker mun ton Wuhgin terepehlaupen mun ton netetan min kamrai le nawowa uk.
19An takama ieremim ker tereposita ker le nakaran te nawowa te netikunan uk, Wuhgin tereposita nowanverin tahan le nik te nemihwan mene le nauanu ausim, ierem min kamrai le nawowa uk.
20Ierem ramausito in nar min uk rameni, Nuparhien, tiapua hwaihwai. Amen; ua, Ieremera Iesu.
21Pas Nevitan ie Ieremera Iesu Kristo ramarik to neremim ut.
Currently Selected:
Kamhinhin 22: LEN1902
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
