जेपा 27
27
पाउलु रोमला सोवा
1हेक्या ईटाली ग्याखापला डोये ढो़ झ्युरी, खुङक्याई पाउलुला श्येम्मा चो़न्पाक्यामुला युलीयु ॱनागीन, रोमापा ग्यावुगी ॱमाक्मीक्याई ग्यापो़नगी लागाला ची ग्याप्पालाक। 2हेक्या एडामीतीम ग्याजाने डुला श्यो़न्दी, एशीयागी डामगी डु भापछुकदु सोवी। माकेडोनीयागी थेसालोनीके ग्याजाने होवा, आरीस्तारकु हीकीमुला हो़तालाक।
3ॱङेटोगो हेक्या सीदोन ग्याजाला ॱलेप्सुङ। होदे ग्याजारु ग्यापो़न युलीयुगी पाउलुला ॱङीङजे झ्येरी, खोला खोरी रोवाक्याला थुक्तु डोये धाङ घो़गीन चालाकक्या लेन्दु डोये घुकाप ॱनावालाक। 4होदेने हेक्या डुशीङला सोवालाक धेनी ॱलुङबु हीकी ग्यापला झ्येरी, थारयेला हेक्या साईपुरुस ॱलीङठेनगी डाम-डामने सोवालाक। 5धेनी कीलीकीया धाङ पामफीलया ग्यारापगी भोलोक्तु हो़गीन ग्याछो थारती, हेक्या लुकीयागी मुरा ग्याजाला ॱलेप्जुङ। 6होदुरु ग्यापो़न युलीयुगी आलेक्जेन्डीया ग्याजागी डुशीङ च्यीक ईटाली स्योकला डुगीन थुक्ती, हेक्याला होदे डु नाङदु च्युक्जुङ।
7श्याक्मो घाजीङने हेक्या घाली-घाली डु तावालाक धेनी ॱमीच्यीकी काल्ले झ्येरी केनेदुरु ॱलेप्जुङ। धेनी होदुरु याङ ॱलुङबु ग्याप्ती, हेक्याला होदेने ॱहाला डोरु ॱमाच्युक्जुङ। होझ्येरी ॱलुङबुने थारयेला, हेक्या केरेट ॱलीङठेनगी डामने झ्युरी, सालमोनेगी थाकोरने कोरती सोवी। 8हेक्या होदेगी थामाने ॱमीच्यीकी धाला तारी सोरी धेनी लासेया ॱनागीन ग्याजा भोलोक्तु हो़गीन, ढुखाङ तेन्पो ॱनागीन साजाला ॱलेप्जुङ।
9होदे थुक्पे ॱलेप्येला हीकी धी़चो़ ॱमीच्यीकी माङा ठोप्लाला लाजुङ। धेनी ॱलुङबुगी झ्येरी, धा डुशीङ होदेने हाला तारी डोना तेन्पो मीदुक। होदे खाला याहुदापाक्याई ॱङ्युङनेला धेगीन धी़चो़गोवा जोक्जुङ। होझ्येरी पाउलुगी होदे डुगी ॱमाक्मीक्याला ॱनेवालाक, 10“मीक्याओ, धा देने ॱहाला डु तारी डोना डुशीङ धाङ देला हो़गीन चालाकक्या च्यीगा क्यो़न झ्यीगीमालाक हीना होरी मीछे जोक्येगी जीक्टा दुक।” 11हीना ग्यापो़नगी पाउलुला ल्हाक डुशीङ ताङगीन मी धाङ दाक्पोगी लाबला ङेन्बालाक। 12धेनी होदे डुखाङ तेन्पोला घुङगा धे थुक्ये मेगीन झ्युरी, माङक्षेगी होदेने फोनीक्स ग्याजाला डोना घागुलाक ॱनेरी साम्लो तावालाक। होदे ग्याजा दे ल्हो-नुप धाङ झाङ-नुप स्योकला, खा लोक्ला केरेटगी डुखाङ च्यीक लाक।
ग्याछोला ॱलुङछुप क्षे ग्याप्पा
13ल्हो स्योकने ॱलुङबु ज्याम्बो ग्याई घाङला, डुपाक्याई धा खोराङक्या डो थुक्ये दुक साम्दी खुङक्याई तीङधोगो तो़न्दी, केरेटगी डामने सोवालाक। 14हीना तीते च्यीक स्याम्ने “झाङस्यार” ॱनागीन ॱलुङछुप क्षे च्यीक ॱलीङठेन स्योकने ग्याप्सुङ। 15धेनी डुशीङला होदे ॱलुङबुगी श्युरती, होदे खोक्ने डुगो ॱमाथारजुङ। होझ्येरी हीकी ॱलुङबु घारु खेरकीनगोला डुशीङगो खेरतु च्युक्पी। 16काहुदा ॱनागीन ॱलीङठेनगी डामने सोरी हेक्याई ग्यापला, धाम्दी श्याकश्या डुचुङगो ॱमीच्यीकी काल्ले झ्येरी दाक्पो थेप्जुङ। 17खुङक्याई डुचुङगो याला थेन्दी डुशीङला होक स्योकने, थामा घीरीला थाक्पागी दाम्बालाक। धेनी सीरती ॱनागीन क्षुगी भेमाला भीप्टु ॱनेरी जीक्ती, खुङक्याई डुशीङ च्यीमे घोरतु ताङयेला तीङधोगो माला पाप्पालाक धेनी डुशीङला ॱलुङबुगी छो़लाराङ भोर श्याक्पालाक। 18ॱलुङछुप क्षेगो ॱमाछोक्पालाक धेनी ङीमा स्याम्मागो, खुङक्याई डुशीङ नाङदु हो़गीन, खुक्या छु खोकला ॱयुक्ये गो चुक्पालाक। 19श्याक्मो सुम्बागोला खुङक्याई डुशीङगी लाक्चाक्या, खुङक्याई राङ लाक्पागी फीला ॱयुक्पालाक। 20ङीमा ॱमीच्यीकी माङा थुक्पे हीकी ङीमा धाङ कारमा ॱमाथोजुङ धेनी ॱलुङछुपगो फुक्की ॱमाछोक्जुङ। धेनी थाःला हेक्या थारटु ॱनागीन रेवागोवा तोरजुङ।
21मी सी़या श्याक्मो ॱमीच्यीकी माङा थुक्पे घीन्दा माशे हो़तालाक। धेनी पाउलु खुङक्या खोक्दु लारी ॱनेवालाक, “खेक्याई एन्लाराङ ङी खाला ङेन्दी केरेटदुराङ धेहो़ना, धान्दा दे क्यो़न धाङ ग्योङ घीरी ङ्याङ घोये मेतालाक। 22हीना धा सेम ल्हो़ झ्यी घीझ्येरी ॱनाना खे सुवा स्यीगुमालाक हीना डुशीङला च्यीगा क्यो़न झ्युङगीलाक। 23ङा सुने हीन्गीन धाङ ङी क्षाक्क्षो़पा पुगीन, को़न्क्षोकगी भाङछेन च्यीक धाङ छेन्मो ङी डामदु श्युक्ती, 24ङाला सुजुङ, ‘पाउलु माजीक। ख्यो़ रोमापा ग्यावुगी दोङदु ठीम श्युरु च्यार राङ घोगीलाक धेनी को़न्क्षोकगी थुक्जे ख्यो़मुला झ्येरी, ख्यो़मुला हो़गीन घीरी थारकीलाक।’ 25होझ्येरी मीक्याओ, सेम ल्हो़ झ्येरी धो़क घीझ्येरी ॱनाना को़न्क्षोकगी सुङगीन च्योक्रेराङ झ्युङगीलाक ॱनेरी, ङा धेपा झ्यीदीहो़क। 26हीना होराङ ॱलीङठेन च्यीकगी खाला थुक्ती, डुशीङगो छाक्कीलाक।”
डुशीङ मेताला सोवा
27धेनी छेन चुप-श्यीपागोला हेक्या आडीया ग्याछोने ॱलुङछुपगी ॱहाला-छुला खेरती डी़ घाङला, छेन घुङला डुपाक्याई हेक्या सागी आरुङ ङ्येला ॱलेप्कीनगो छोरपालाक। 28होझ्येरी खुङक्याई छुगी तीङ रीङली दुई ॱनेरी ती घाङला, तीङगो दोम ङीस्यु धाङ च्यीमे ॱहाला सोरी, याङधाङ ती घाङला, दोम चेङा हो़गीनगो ॱहाघोरपालाक। 29डुगो डाकला थोक्टु ॱनेरी जीक्ती, खुङक्याई डुगी ग्याप स्योकगी तीङधो श्यी माला पाप्पालाक धेनी लाम लाङास्योक ॱनेरी ॱमो़लाम ग्याप्पालाक। 30धेनी डुपाक्या डुशीङगी दोङ स्योकने तीङधो पाप दोक-दोक झ्यीयेला, डुचुङगो छुखाला पाप्ती डुशीङने डो़री डोये झ्येवालाक। 31हीना पाउलुगी ग्यापो़न धाङ ॱमाक्मीक्याला ॱनेवालाक, “डुपाक्या डुशीङ नाङदु मेधेना खे घीरी स्यीगीलाक।” 32होझ्येरी ॱमाक्मीक्याई डुचुङगी थाक्पा चेदी, छुला ताक्तु च्युक्पालाक।
33लाम लाङी घाङला पाउलुगी खुङक्याला शामा शायेला उजुक ग्याप्पालाक। धेनी ॱनेवालाक, “धा खेक्या दुङा झ्येरी शामा माशेवा, धीरीङ श्याक्मो चुपश्यी डी़। 34होझ्येरी खेराङक्या सो़न्पो धेयेला, ङा खेराङक्याला शामा शो ॱनेरी उजुक ग्याहीन। खे सी़याः गोगी ॱरा काङ च्यीकलाः क्यो़न स्योरकी मालाक।” 35होदे ॱनेसारती खी़ ग्याङगा खेरती, घीरीगी दोङदु को़न्क्षोकला थुक्जेक्षे श्युवालाक। धेनी होदे च्याक्ती शेबालाक। 36घीरी सेमस्युक केरी खुङक्यागीयाः शामा शेवालाक। 37डुशीङ नाङदु मी दोम्दी, ङीग्या धी़न्चु धो़टुक हो़तालाक। 38धेनी घीरीगी डागीन थुक्पे शामा शेसारती, डुशीङ याङदु ताङयेला खुङक्याई ढोक्या ग्याछो नाङला ॱयुक्पालाक।
39धेनी ॱनाम लासारती डुपाक्याई होदे साजागो ङो ॱमास्येपालाक हीना भेमा हो़गीन क्षुखुक च्यीक थोरी, होदे स्योकला डुशीङगो ठीक्ती डो थुक्ना डोये ढो़ झ्येवालाक। 40होझ्येरी खुङक्याई तीङधोक्या टोरी ग्याछोलाराङ भोरपालाक धेनी डुक्या धाम्दी श्याक्सा थाक्पाक्या टोवालाक। धेनी डुशीङगी दोङ स्योकगी रेगो याला ॱलारी, ॱलुङबुगी भेमा स्योकला ठीक्तु च्युक्पालाक। 41हीना भेमागी रीला डुशीङगो शुक्ती गाक्पालाक। डुशीङगी दोङगो गाक्ती, दोङला डो ॱमाथुक्पालाक धेनी बालापगी श्युरती ग्याप स्योकगो दुबु-दुबुला छाक्तु च्युक्पालाक।
42ॱमाक्मीक्याई चो़न्पा सुवाः क्या ग्याप्ती डो़री माडोवास्योक ॱनेरी, घीरीला सेयेला ढो़ झ्येवालाक। 43हीना ग्यापो़नगी पाउलुला क्योप्येगी दो़पा झ्येरी, ॱमाक्मीक्याई ढो़गो खी़ डुप्तु ॱमाच्युक्पालाक। धेनी खी़ क्या ग्याप थुप्कीनक्याला क्षुला क्षोरी, एन्ला सा काम्बोला सोङ ॱनेरी का ॱनावालाक। 44धेनी श्येम्माक्या पाङलेप धाङ डुशीङ छाक्दुमक्याला शीम्दी सोङ ॱनेवालाक। देरे झ्येरी घीरी सा काम्बोरु घामोमा ॱलेप्पालाक।
Currently Selected:
जेपा 27: LOY
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
जेपा 27
27
पाउलु रोमला सोवा
1हेक्या ईटाली ग्याखापला डोये ढो़ झ्युरी, खुङक्याई पाउलुला श्येम्मा चो़न्पाक्यामुला युलीयु ॱनागीन, रोमापा ग्यावुगी ॱमाक्मीक्याई ग्यापो़नगी लागाला ची ग्याप्पालाक। 2हेक्या एडामीतीम ग्याजाने डुला श्यो़न्दी, एशीयागी डामगी डु भापछुकदु सोवी। माकेडोनीयागी थेसालोनीके ग्याजाने होवा, आरीस्तारकु हीकीमुला हो़तालाक।
3ॱङेटोगो हेक्या सीदोन ग्याजाला ॱलेप्सुङ। होदे ग्याजारु ग्यापो़न युलीयुगी पाउलुला ॱङीङजे झ्येरी, खोला खोरी रोवाक्याला थुक्तु डोये धाङ घो़गीन चालाकक्या लेन्दु डोये घुकाप ॱनावालाक। 4होदेने हेक्या डुशीङला सोवालाक धेनी ॱलुङबु हीकी ग्यापला झ्येरी, थारयेला हेक्या साईपुरुस ॱलीङठेनगी डाम-डामने सोवालाक। 5धेनी कीलीकीया धाङ पामफीलया ग्यारापगी भोलोक्तु हो़गीन ग्याछो थारती, हेक्या लुकीयागी मुरा ग्याजाला ॱलेप्जुङ। 6होदुरु ग्यापो़न युलीयुगी आलेक्जेन्डीया ग्याजागी डुशीङ च्यीक ईटाली स्योकला डुगीन थुक्ती, हेक्याला होदे डु नाङदु च्युक्जुङ।
7श्याक्मो घाजीङने हेक्या घाली-घाली डु तावालाक धेनी ॱमीच्यीकी काल्ले झ्येरी केनेदुरु ॱलेप्जुङ। धेनी होदुरु याङ ॱलुङबु ग्याप्ती, हेक्याला होदेने ॱहाला डोरु ॱमाच्युक्जुङ। होझ्येरी ॱलुङबुने थारयेला, हेक्या केरेट ॱलीङठेनगी डामने झ्युरी, सालमोनेगी थाकोरने कोरती सोवी। 8हेक्या होदेगी थामाने ॱमीच्यीकी धाला तारी सोरी धेनी लासेया ॱनागीन ग्याजा भोलोक्तु हो़गीन, ढुखाङ तेन्पो ॱनागीन साजाला ॱलेप्जुङ।
9होदे थुक्पे ॱलेप्येला हीकी धी़चो़ ॱमीच्यीकी माङा ठोप्लाला लाजुङ। धेनी ॱलुङबुगी झ्येरी, धा डुशीङ होदेने हाला तारी डोना तेन्पो मीदुक। होदे खाला याहुदापाक्याई ॱङ्युङनेला धेगीन धी़चो़गोवा जोक्जुङ। होझ्येरी पाउलुगी होदे डुगी ॱमाक्मीक्याला ॱनेवालाक, 10“मीक्याओ, धा देने ॱहाला डु तारी डोना डुशीङ धाङ देला हो़गीन चालाकक्या च्यीगा क्यो़न झ्यीगीमालाक हीना होरी मीछे जोक्येगी जीक्टा दुक।” 11हीना ग्यापो़नगी पाउलुला ल्हाक डुशीङ ताङगीन मी धाङ दाक्पोगी लाबला ङेन्बालाक। 12धेनी होदे डुखाङ तेन्पोला घुङगा धे थुक्ये मेगीन झ्युरी, माङक्षेगी होदेने फोनीक्स ग्याजाला डोना घागुलाक ॱनेरी साम्लो तावालाक। होदे ग्याजा दे ल्हो-नुप धाङ झाङ-नुप स्योकला, खा लोक्ला केरेटगी डुखाङ च्यीक लाक।
ग्याछोला ॱलुङछुप क्षे ग्याप्पा
13ल्हो स्योकने ॱलुङबु ज्याम्बो ग्याई घाङला, डुपाक्याई धा खोराङक्या डो थुक्ये दुक साम्दी खुङक्याई तीङधोगो तो़न्दी, केरेटगी डामने सोवालाक। 14हीना तीते च्यीक स्याम्ने “झाङस्यार” ॱनागीन ॱलुङछुप क्षे च्यीक ॱलीङठेन स्योकने ग्याप्सुङ। 15धेनी डुशीङला होदे ॱलुङबुगी श्युरती, होदे खोक्ने डुगो ॱमाथारजुङ। होझ्येरी हीकी ॱलुङबु घारु खेरकीनगोला डुशीङगो खेरतु च्युक्पी। 16काहुदा ॱनागीन ॱलीङठेनगी डामने सोरी हेक्याई ग्यापला, धाम्दी श्याकश्या डुचुङगो ॱमीच्यीकी काल्ले झ्येरी दाक्पो थेप्जुङ। 17खुङक्याई डुचुङगो याला थेन्दी डुशीङला होक स्योकने, थामा घीरीला थाक्पागी दाम्बालाक। धेनी सीरती ॱनागीन क्षुगी भेमाला भीप्टु ॱनेरी जीक्ती, खुङक्याई डुशीङ च्यीमे घोरतु ताङयेला तीङधोगो माला पाप्पालाक धेनी डुशीङला ॱलुङबुगी छो़लाराङ भोर श्याक्पालाक। 18ॱलुङछुप क्षेगो ॱमाछोक्पालाक धेनी ङीमा स्याम्मागो, खुङक्याई डुशीङ नाङदु हो़गीन, खुक्या छु खोकला ॱयुक्ये गो चुक्पालाक। 19श्याक्मो सुम्बागोला खुङक्याई डुशीङगी लाक्चाक्या, खुङक्याई राङ लाक्पागी फीला ॱयुक्पालाक। 20ङीमा ॱमीच्यीकी माङा थुक्पे हीकी ङीमा धाङ कारमा ॱमाथोजुङ धेनी ॱलुङछुपगो फुक्की ॱमाछोक्जुङ। धेनी थाःला हेक्या थारटु ॱनागीन रेवागोवा तोरजुङ।
21मी सी़या श्याक्मो ॱमीच्यीकी माङा थुक्पे घीन्दा माशे हो़तालाक। धेनी पाउलु खुङक्या खोक्दु लारी ॱनेवालाक, “खेक्याई एन्लाराङ ङी खाला ङेन्दी केरेटदुराङ धेहो़ना, धान्दा दे क्यो़न धाङ ग्योङ घीरी ङ्याङ घोये मेतालाक। 22हीना धा सेम ल्हो़ झ्यी घीझ्येरी ॱनाना खे सुवा स्यीगुमालाक हीना डुशीङला च्यीगा क्यो़न झ्युङगीलाक। 23ङा सुने हीन्गीन धाङ ङी क्षाक्क्षो़पा पुगीन, को़न्क्षोकगी भाङछेन च्यीक धाङ छेन्मो ङी डामदु श्युक्ती, 24ङाला सुजुङ, ‘पाउलु माजीक। ख्यो़ रोमापा ग्यावुगी दोङदु ठीम श्युरु च्यार राङ घोगीलाक धेनी को़न्क्षोकगी थुक्जे ख्यो़मुला झ्येरी, ख्यो़मुला हो़गीन घीरी थारकीलाक।’ 25होझ्येरी मीक्याओ, सेम ल्हो़ झ्येरी धो़क घीझ्येरी ॱनाना को़न्क्षोकगी सुङगीन च्योक्रेराङ झ्युङगीलाक ॱनेरी, ङा धेपा झ्यीदीहो़क। 26हीना होराङ ॱलीङठेन च्यीकगी खाला थुक्ती, डुशीङगो छाक्कीलाक।”
डुशीङ मेताला सोवा
27धेनी छेन चुप-श्यीपागोला हेक्या आडीया ग्याछोने ॱलुङछुपगी ॱहाला-छुला खेरती डी़ घाङला, छेन घुङला डुपाक्याई हेक्या सागी आरुङ ङ्येला ॱलेप्कीनगो छोरपालाक। 28होझ्येरी खुङक्याई छुगी तीङ रीङली दुई ॱनेरी ती घाङला, तीङगो दोम ङीस्यु धाङ च्यीमे ॱहाला सोरी, याङधाङ ती घाङला, दोम चेङा हो़गीनगो ॱहाघोरपालाक। 29डुगो डाकला थोक्टु ॱनेरी जीक्ती, खुङक्याई डुगी ग्याप स्योकगी तीङधो श्यी माला पाप्पालाक धेनी लाम लाङास्योक ॱनेरी ॱमो़लाम ग्याप्पालाक। 30धेनी डुपाक्या डुशीङगी दोङ स्योकने तीङधो पाप दोक-दोक झ्यीयेला, डुचुङगो छुखाला पाप्ती डुशीङने डो़री डोये झ्येवालाक। 31हीना पाउलुगी ग्यापो़न धाङ ॱमाक्मीक्याला ॱनेवालाक, “डुपाक्या डुशीङ नाङदु मेधेना खे घीरी स्यीगीलाक।” 32होझ्येरी ॱमाक्मीक्याई डुचुङगी थाक्पा चेदी, छुला ताक्तु च्युक्पालाक।
33लाम लाङी घाङला पाउलुगी खुङक्याला शामा शायेला उजुक ग्याप्पालाक। धेनी ॱनेवालाक, “धा खेक्या दुङा झ्येरी शामा माशेवा, धीरीङ श्याक्मो चुपश्यी डी़। 34होझ्येरी खेराङक्या सो़न्पो धेयेला, ङा खेराङक्याला शामा शो ॱनेरी उजुक ग्याहीन। खे सी़याः गोगी ॱरा काङ च्यीकलाः क्यो़न स्योरकी मालाक।” 35होदे ॱनेसारती खी़ ग्याङगा खेरती, घीरीगी दोङदु को़न्क्षोकला थुक्जेक्षे श्युवालाक। धेनी होदे च्याक्ती शेबालाक। 36घीरी सेमस्युक केरी खुङक्यागीयाः शामा शेवालाक। 37डुशीङ नाङदु मी दोम्दी, ङीग्या धी़न्चु धो़टुक हो़तालाक। 38धेनी घीरीगी डागीन थुक्पे शामा शेसारती, डुशीङ याङदु ताङयेला खुङक्याई ढोक्या ग्याछो नाङला ॱयुक्पालाक।
39धेनी ॱनाम लासारती डुपाक्याई होदे साजागो ङो ॱमास्येपालाक हीना भेमा हो़गीन क्षुखुक च्यीक थोरी, होदे स्योकला डुशीङगो ठीक्ती डो थुक्ना डोये ढो़ झ्येवालाक। 40होझ्येरी खुङक्याई तीङधोक्या टोरी ग्याछोलाराङ भोरपालाक धेनी डुक्या धाम्दी श्याक्सा थाक्पाक्या टोवालाक। धेनी डुशीङगी दोङ स्योकगी रेगो याला ॱलारी, ॱलुङबुगी भेमा स्योकला ठीक्तु च्युक्पालाक। 41हीना भेमागी रीला डुशीङगो शुक्ती गाक्पालाक। डुशीङगी दोङगो गाक्ती, दोङला डो ॱमाथुक्पालाक धेनी बालापगी श्युरती ग्याप स्योकगो दुबु-दुबुला छाक्तु च्युक्पालाक।
42ॱमाक्मीक्याई चो़न्पा सुवाः क्या ग्याप्ती डो़री माडोवास्योक ॱनेरी, घीरीला सेयेला ढो़ झ्येवालाक। 43हीना ग्यापो़नगी पाउलुला क्योप्येगी दो़पा झ्येरी, ॱमाक्मीक्याई ढो़गो खी़ डुप्तु ॱमाच्युक्पालाक। धेनी खी़ क्या ग्याप थुप्कीनक्याला क्षुला क्षोरी, एन्ला सा काम्बोला सोङ ॱनेरी का ॱनावालाक। 44धेनी श्येम्माक्या पाङलेप धाङ डुशीङ छाक्दुमक्याला शीम्दी सोङ ॱनेवालाक। देरे झ्येरी घीरी सा काम्बोरु घामोमा ॱलेप्पालाक।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society