जेपा 26
26
1होदे स्याम्ने आगारीपागी पाउलुला ॱनेवालाक, “धा ख्यो़ ख्यो़री क्षीला लाब तोङ।”
धेनी पाउलु खोरी लाक्पा क्याङदी देरे झ्येरी ॱनेवालाक, 2“ग्यावु आगारीपा, याहुदापाक्याई ङी खाला काका क्यो़न घीरीगी क्षीला, ङी लाब खेराङगी दोङदु श्याक्तु च्युक्ती, ङा ङाराङला ॱमीच्यीकी सोदे क्षे चीलीहो़क। 3घीझ्येरी ॱनाना खेराङ याहुदापा क्षो़लुक धाङ ॱङ्योक्टागी कोरला ॱमीच्यीकी खेवा हो़तालाक ॱनेरी, ङाला क्षाहो़क। धा, ङी लाबला शो़पा घोम्दी सेन्रोनाङ।
4“ङा ङारी ग्याखापदु धेनी येरुसालेम ग्याजारु च्यीमेने ॱहालाराङ, याहुदापे क्षो़लुकला छारकीनगो याहुदापाक्याला क्षा हो़तालाक। 5ङा हीकी क्षो़गी ॱमीच्यीकी स्युक्क्षे धाङ ॱरा हो़गीन छोक्पा फारुसीपाक्याने च्यीक हीन ॱनेरी, खुङक्याला एम्मानेराङ क्षा हो़तालाक। धेनी खुङक्या थेना देगी पाङपो तेर थुक्कीलाक। 6को़न्क्षोकगी होरी धाङबी फामाक्याला जेजा धाम्चा देलाराङ, ङी रेवा श्याक्ती, धीरीङ खोङबाक्या दोङदु देरे झ्येरी लाङ घोये झ्युजुङ। 7होदे धाम्चा राक्येगी रेवा झ्येरी, होरी मीरीक च्युङङीक्याई ङीन-छेन को़न्क्षोकला क्षाक्क्षो़पा पुरी धेपालाक। ग्यावु आगारीपा, होदे रेवा देगी झ्येरी याहुदापाक्याई ङाला क्यो़न तो़न्दालाक। 8को़न्क्षोकगी स्यीस्या मीला सो़न्पो ॱलाङ जेगीलाक ॱनागीन लाब देला, खेराङक्या घीझ्येरी धेपा झ्यी ॱमीथुक्वाले?
9“ङीया थेङमा च्यीक नाजारेतगी येशुगी छेनला, झ्यी थुक्तु ग्याप्केल झ्यीयेहीन ॱनेरी साम्लो तावी। 10धेनी ङी येरुसालेमला देरे झ्यीये झ्येवी। ङी क्षो़पो़न क्षेक्याई आङजा जोरती, धाम्पे मी ॱमीच्यीकी माङाला चो़न्खाङदु दाक्पी धेनी होदेक्याला सेये झ्यीदाराङ, ङीया ङोलेन झ्येवी। 11धेनी थेङमा ॱमीच्यीकी माङा ङी खुङक्याला येशुला ॱमेटा पाप्तु च्युक्येला, छोक्खाङक्या नाङदु छेपा कारु च्युक्पी। ङा खुङक्यामुला ॱमीच्यीकी श्येताङ लारी, ङी श्येम्मा ग्याखापक्याला सोरी खुङक्याला दुक्पु तावी।”
पाउलुगी खोराङ ग्युरकीनगी कोरला लाब स्येपा
(जेपा ९:१९;२२:६-१६)
12“ङीमा च्यीक ङा क्षो़पो़न क्षेक्याई आङ धाङ का जोरती, दामासेको ग्याजा स्योकला सोवी। 13ग्यावु ला, होदे ङीङमो ङा लाम्गाला डी़ घाङला, ङीमागी हो़ने साला हो़क च्यीक ॱनामने ङा धाङ ङी रोवाक्या खाला स्यारजुङ। 14धेनी हेक्या घीरी साला गेजुङ। होदे घाङलाराङ ङी ईब्रीपा केकला देरे ॱनागीन च्यीक घोरजुङ, ‘साउल, साउल, ख्यो़ ङाला घीझ्येरी दुक्पु ताङाले? ङी दो़पागी ग्याप्केल झ्येरी, ख्यो़ला छो मेतालाक।’ 15‘चोवो खेराङ सु हीनो?’ ॱनेरी ङी ढीवी। धेनी चोवोगी सुजुङ, ‘ङा ख्यी़ दुक्पु ताङगीन येशु हीन। 16धा लोङ, ङा ख्यो़ला ङी श्यापच्यीपा धाङ ङी पाङपो तेरकीन, मी शोयेला दुरु होवाहीन। ख्यो़ ङी कोरला धान्दा थोथा धाङ माउपारला थोङगीन लाबक्या घीरीला स्येघोगीलाक। 17ङा ख्यो़ला याहुदापाक्या धाङ याहुदापा मेन्गीन मीरीकगी मीक्याने क्योप्येहीन। ङा ख्यो़ला याहुदापा मेन्गीन मीरीकक्या चारु झाङाहीन। 18ङा ख्यो़ला खुङक्याई ॱमीक पेरी, खुङक्याला मी़नाक्पाने हो़क स्योकला ठीक्ती हुङये धाङ धी़कगी आङजाने को़न्क्षोक चारु ठीक्ती हुङयेला झाङाहीन। धेनी ङाला धेपा झ्येरी, खुङक्याला खोरी धीक्पागी घोङपा राक्कीलाक धेनी खुङक्यालाः को़न्क्षोकगी मीक्यामुला धेये राक्कीलाक।’
19“ग्यावु आगारीपा, नाम्खे श्यीङखामने थोथा दे थोङनाङला, ङी खा लोक्ती धेक ॱमाथुक्जुङ। 20होझ्येरी ङा गोमाला दामासेकोरु धेनी येरुसालेमदु धेनी याहुदा ग्याखाप घीरीदु धाङ याहुदापा मेन्गीन मीरीकक्याई ग्याखापक्याला सोरी, मीक्याला मीरी-मीरी धीक्पा पारी सेम ग्युरती, को़न्क्षोक स्योकला लोक्ये धाङ होदे च्योक्रे लेगा झ्यीयेगी का स्येवी। 21होझ्येरी याहुदापाक्याई, ङाला क्षो़खाङने शीम्दी सेये झ्येजुङ। 22हीना धीरीङ दे ङीमा थुक्पे, ङाला को़न्क्षोकनेराङ रोक्राम जोरजुङ। होझ्येरी ङा दुरु हो़गीन क्षे-च्युङ घीरीला पाङपो तेरती लारी धेहो़क। ङी ॱङो़नस्येखेनक्या धाङ मोशेगी ॱङो़न स्येस्या माउपारगी लाब देक्या माना, श्येम्मा घीन्दा ॱलापच्या ॱमालाप हो़क। 23मास्यीकागी दुक्पु ङ्याङ घोगीलाक धेनी छीवाने याङ सो़न्पो लाङगीन, गोमा मी झ्युङगीलाक धेनी खोङबागी याहुदापाक्या धाङ याहुदापा मेन्गीन मीरीकक्या खाला हो़क टाम्गीलाक ॱनागीन, दे लाबक्या ङी ॱलाप हो़क।”
24दे लाबक्या घोरती फेस्तुगी फेरा ग्याप्ती ॱनेवालाक, “पाउलु, ख्यो़ ॱङ्योदुक! क्षो़ माङा ॱलाप्ती, ख्यो़ ॱङ्योम्बा झ्युदुक।”
25हीना पाउलुगी ॱनेवालाक, “फेस्तु ला, ङा ॱमाङ्यो हो़क। ङी ॱनागीन लाब देक्या धेन्पा लाक धेनी दो़न्दाक हो़गीन लाक। 26धेनी ग्यावु आगारीपाला दे लाबक्या घीरी क्षा हो़तालाक धेनी ङा खोङबाला दे लाबक्या मीजीया ॱना थुक्यी हो़क। खोङबाला दे लाबक्या साबा मालाक घीझ्येरी ॱनाना दे घीरी शुरला माझ्युवालाक। 27ग्यावु आगारीपा, खेराङ ॱङो़नस्येखेनक्याला धेपा जेदी हो़ते? ङाला क्षाहो़क, खेराङ धेपा झ्यीदालाक।”
28धेनी आगारीपागी ॱनेवालाक, “देरे धी़चो़ तीमेला ख्यो़ ङाला मास्यीकावा शोये साम्यी हो़ते?”
29पाउलुगी ॱनेवालाक, “ग्योवा हीन्ना धाला हीन्ना, दे च्याकक्या च्यीगा माना, श्येम्मा खेराङ धाङ धीरीङ दुरु ङाला ङेन्गीन घीरी ङा च्योक्रे हुङवास्योक ॱनेरी, ङा को़न्क्षोकला ॱमो़लाम ग्यावाहीन।”
30होदे स्याम्ने ग्यावु आगारीपा धाङ पो़न्पो फेस्तु धाङ बेरनीके धाङ खुङक्यामुला होवा मीक्या घीरी लारी सोवालाक। 31खुङक्या फीला डी़ घाङला देरे ॱनेवालाक, “दे मीला चो़न्खाङ नाङदु धाक घोये याङमेना से घोयेला घीया माझ्येदुक।”
32धेनी आगारीपागी फेस्तुला ॱनेवालाक, “दे मी देगी रोमापा ग्यावुचारु ठीम माश्यु हो़ना, खोला फीला तो़न्ना ढीक्ये हो़तालाक।”
Currently Selected:
जेपा 26: LOY
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
जेपा 26
26
1होदे स्याम्ने आगारीपागी पाउलुला ॱनेवालाक, “धा ख्यो़ ख्यो़री क्षीला लाब तोङ।”
धेनी पाउलु खोरी लाक्पा क्याङदी देरे झ्येरी ॱनेवालाक, 2“ग्यावु आगारीपा, याहुदापाक्याई ङी खाला काका क्यो़न घीरीगी क्षीला, ङी लाब खेराङगी दोङदु श्याक्तु च्युक्ती, ङा ङाराङला ॱमीच्यीकी सोदे क्षे चीलीहो़क। 3घीझ्येरी ॱनाना खेराङ याहुदापा क्षो़लुक धाङ ॱङ्योक्टागी कोरला ॱमीच्यीकी खेवा हो़तालाक ॱनेरी, ङाला क्षाहो़क। धा, ङी लाबला शो़पा घोम्दी सेन्रोनाङ।
4“ङा ङारी ग्याखापदु धेनी येरुसालेम ग्याजारु च्यीमेने ॱहालाराङ, याहुदापे क्षो़लुकला छारकीनगो याहुदापाक्याला क्षा हो़तालाक। 5ङा हीकी क्षो़गी ॱमीच्यीकी स्युक्क्षे धाङ ॱरा हो़गीन छोक्पा फारुसीपाक्याने च्यीक हीन ॱनेरी, खुङक्याला एम्मानेराङ क्षा हो़तालाक। धेनी खुङक्या थेना देगी पाङपो तेर थुक्कीलाक। 6को़न्क्षोकगी होरी धाङबी फामाक्याला जेजा धाम्चा देलाराङ, ङी रेवा श्याक्ती, धीरीङ खोङबाक्या दोङदु देरे झ्येरी लाङ घोये झ्युजुङ। 7होदे धाम्चा राक्येगी रेवा झ्येरी, होरी मीरीक च्युङङीक्याई ङीन-छेन को़न्क्षोकला क्षाक्क्षो़पा पुरी धेपालाक। ग्यावु आगारीपा, होदे रेवा देगी झ्येरी याहुदापाक्याई ङाला क्यो़न तो़न्दालाक। 8को़न्क्षोकगी स्यीस्या मीला सो़न्पो ॱलाङ जेगीलाक ॱनागीन लाब देला, खेराङक्या घीझ्येरी धेपा झ्यी ॱमीथुक्वाले?
9“ङीया थेङमा च्यीक नाजारेतगी येशुगी छेनला, झ्यी थुक्तु ग्याप्केल झ्यीयेहीन ॱनेरी साम्लो तावी। 10धेनी ङी येरुसालेमला देरे झ्यीये झ्येवी। ङी क्षो़पो़न क्षेक्याई आङजा जोरती, धाम्पे मी ॱमीच्यीकी माङाला चो़न्खाङदु दाक्पी धेनी होदेक्याला सेये झ्यीदाराङ, ङीया ङोलेन झ्येवी। 11धेनी थेङमा ॱमीच्यीकी माङा ङी खुङक्याला येशुला ॱमेटा पाप्तु च्युक्येला, छोक्खाङक्या नाङदु छेपा कारु च्युक्पी। ङा खुङक्यामुला ॱमीच्यीकी श्येताङ लारी, ङी श्येम्मा ग्याखापक्याला सोरी खुङक्याला दुक्पु तावी।”
पाउलुगी खोराङ ग्युरकीनगी कोरला लाब स्येपा
(जेपा ९:१९;२२:६-१६)
12“ङीमा च्यीक ङा क्षो़पो़न क्षेक्याई आङ धाङ का जोरती, दामासेको ग्याजा स्योकला सोवी। 13ग्यावु ला, होदे ङीङमो ङा लाम्गाला डी़ घाङला, ङीमागी हो़ने साला हो़क च्यीक ॱनामने ङा धाङ ङी रोवाक्या खाला स्यारजुङ। 14धेनी हेक्या घीरी साला गेजुङ। होदे घाङलाराङ ङी ईब्रीपा केकला देरे ॱनागीन च्यीक घोरजुङ, ‘साउल, साउल, ख्यो़ ङाला घीझ्येरी दुक्पु ताङाले? ङी दो़पागी ग्याप्केल झ्येरी, ख्यो़ला छो मेतालाक।’ 15‘चोवो खेराङ सु हीनो?’ ॱनेरी ङी ढीवी। धेनी चोवोगी सुजुङ, ‘ङा ख्यी़ दुक्पु ताङगीन येशु हीन। 16धा लोङ, ङा ख्यो़ला ङी श्यापच्यीपा धाङ ङी पाङपो तेरकीन, मी शोयेला दुरु होवाहीन। ख्यो़ ङी कोरला धान्दा थोथा धाङ माउपारला थोङगीन लाबक्या घीरीला स्येघोगीलाक। 17ङा ख्यो़ला याहुदापाक्या धाङ याहुदापा मेन्गीन मीरीकगी मीक्याने क्योप्येहीन। ङा ख्यो़ला याहुदापा मेन्गीन मीरीकक्या चारु झाङाहीन। 18ङा ख्यो़ला खुङक्याई ॱमीक पेरी, खुङक्याला मी़नाक्पाने हो़क स्योकला ठीक्ती हुङये धाङ धी़कगी आङजाने को़न्क्षोक चारु ठीक्ती हुङयेला झाङाहीन। धेनी ङाला धेपा झ्येरी, खुङक्याला खोरी धीक्पागी घोङपा राक्कीलाक धेनी खुङक्यालाः को़न्क्षोकगी मीक्यामुला धेये राक्कीलाक।’
19“ग्यावु आगारीपा, नाम्खे श्यीङखामने थोथा दे थोङनाङला, ङी खा लोक्ती धेक ॱमाथुक्जुङ। 20होझ्येरी ङा गोमाला दामासेकोरु धेनी येरुसालेमदु धेनी याहुदा ग्याखाप घीरीदु धाङ याहुदापा मेन्गीन मीरीकक्याई ग्याखापक्याला सोरी, मीक्याला मीरी-मीरी धीक्पा पारी सेम ग्युरती, को़न्क्षोक स्योकला लोक्ये धाङ होदे च्योक्रे लेगा झ्यीयेगी का स्येवी। 21होझ्येरी याहुदापाक्याई, ङाला क्षो़खाङने शीम्दी सेये झ्येजुङ। 22हीना धीरीङ दे ङीमा थुक्पे, ङाला को़न्क्षोकनेराङ रोक्राम जोरजुङ। होझ्येरी ङा दुरु हो़गीन क्षे-च्युङ घीरीला पाङपो तेरती लारी धेहो़क। ङी ॱङो़नस्येखेनक्या धाङ मोशेगी ॱङो़न स्येस्या माउपारगी लाब देक्या माना, श्येम्मा घीन्दा ॱलापच्या ॱमालाप हो़क। 23मास्यीकागी दुक्पु ङ्याङ घोगीलाक धेनी छीवाने याङ सो़न्पो लाङगीन, गोमा मी झ्युङगीलाक धेनी खोङबागी याहुदापाक्या धाङ याहुदापा मेन्गीन मीरीकक्या खाला हो़क टाम्गीलाक ॱनागीन, दे लाबक्या ङी ॱलाप हो़क।”
24दे लाबक्या घोरती फेस्तुगी फेरा ग्याप्ती ॱनेवालाक, “पाउलु, ख्यो़ ॱङ्योदुक! क्षो़ माङा ॱलाप्ती, ख्यो़ ॱङ्योम्बा झ्युदुक।”
25हीना पाउलुगी ॱनेवालाक, “फेस्तु ला, ङा ॱमाङ्यो हो़क। ङी ॱनागीन लाब देक्या धेन्पा लाक धेनी दो़न्दाक हो़गीन लाक। 26धेनी ग्यावु आगारीपाला दे लाबक्या घीरी क्षा हो़तालाक धेनी ङा खोङबाला दे लाबक्या मीजीया ॱना थुक्यी हो़क। खोङबाला दे लाबक्या साबा मालाक घीझ्येरी ॱनाना दे घीरी शुरला माझ्युवालाक। 27ग्यावु आगारीपा, खेराङ ॱङो़नस्येखेनक्याला धेपा जेदी हो़ते? ङाला क्षाहो़क, खेराङ धेपा झ्यीदालाक।”
28धेनी आगारीपागी ॱनेवालाक, “देरे धी़चो़ तीमेला ख्यो़ ङाला मास्यीकावा शोये साम्यी हो़ते?”
29पाउलुगी ॱनेवालाक, “ग्योवा हीन्ना धाला हीन्ना, दे च्याकक्या च्यीगा माना, श्येम्मा खेराङ धाङ धीरीङ दुरु ङाला ङेन्गीन घीरी ङा च्योक्रे हुङवास्योक ॱनेरी, ङा को़न्क्षोकला ॱमो़लाम ग्यावाहीन।”
30होदे स्याम्ने ग्यावु आगारीपा धाङ पो़न्पो फेस्तु धाङ बेरनीके धाङ खुङक्यामुला होवा मीक्या घीरी लारी सोवालाक। 31खुङक्या फीला डी़ घाङला देरे ॱनेवालाक, “दे मीला चो़न्खाङ नाङदु धाक घोये याङमेना से घोयेला घीया माझ्येदुक।”
32धेनी आगारीपागी फेस्तुला ॱनेवालाक, “दे मी देगी रोमापा ग्यावुचारु ठीम माश्यु हो़ना, खोला फीला तो़न्ना ढीक्ये हो़तालाक।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society