जेपा 28
28
पाउलु माल्तारु
1सा काम्बोरु घामोमा ॱलेप्ती, होदे ॱलीङठेनगो माल्ता ॱनालाक ॱनेरी हीकी स्येजुङ। 2होदे ॱलीङठेनगी मीक्याई हेक्याला ॱमीच्यीकी घा झ्येजुङ। होदुरु क्षावा भाप्ती ॱनाम ढाङा झ्युरी, होदे मीक्याई मे तारी, हेक्याला सी़याङ झ्येजुङ। 3पाउलुगी स्यीङ पाङपो घाङ धी़री मेला च्युक्पालाक। धेनी ढो़गी क्यो़नगी झ्येरी डुल च्यीक थो़न्दी, खी़ लाक्पाला ठीवालाक। 4ॱलीङठेनगी मीक्याई पाउलुगी लाक्पाला डुल ठीरी, धेगीन थोरी च्यीकगी च्यीकला ॱनेवालाक, “दे मी नी मी सेगीन हीन्दाराक। ग्याछोने थारती होवा हीन्ना, लेगी को़दाङगी खोला धेदु च्युक्कीमालाक।” 5हीना पाउलुगी डुल दे मे नाङदु ॱरुक्ती, खोराङला क्यो़न च्यीयाः माझ्युवालाक। 6मीक्याई खो भो़री याङमेना लाम्साङ साला रीरी स्यीटु ॱनेरी साम्बालाक हीना ॱमीच्यीकी माङा घुक्तीयाः, खोला घीन्दा क्यो़न ॱमाथोवा, खुङक्याई साम्लो ग्युरती खो नी ल्हा च्यीक लाक ॱनेरी ॱनेवालाक।
7होदे साजा डामदु होदे ॱलीङठेनगी पो़न्पो पुपलीहुगी सा हो़तालाक। खी़ हेक्याला ॱङीङजे झ्येरी खोरी नाङदु भो़री, श्याक्मो सुम थुक्पे डो़न कासोङ। 8पुपलीहुगी आकी छावा धाङ ठाकस्यालगी नेरी, ङ्याजारु हो़तालाक। पाउलु खी़ ङ्याजारु सोरी ॱमो़लाम ग्याप्ती लाक्पा श्याक्ती, खोला चो़गा झ्येवालाक। 9देरे झ्युरी होदे ॱलीङठेनगी मी नेपा श्येम्माक्याः होवालाक धेनी चो़गा झ्युवालाक। 10होदे मीक्याई हेक्याला घुस्याप झ्येरी धेनी हेक्या डी़ घाङला, हीकी डुला घो़गीन घीरी तेरसुङ।
पाउलु रोमला ॱलेप्पा
11दावा सुम स्याम्ने, हेक्या छीब्रु ल्हा ॱनागीन आलेक्जेन्डीयागी डुशीङ श्यो़न्दी माल्ताने सोवी। होदे डुशीङगो घुङगा दावा सुमगो माल्तारु राङ धेपालाक। 12हेक्या सुराकुसाईरु ॱलेप्ती श्याक्मो सुम होदुरु धेपालाक। 13होदेने सोरी हेक्या रीगीउनदु ॱलेप्पालाक। धेनी ङीमा स्याम्मागोला ल्हो स्योकने ॱलुङबु लावालाक धेनी श्याक्मो ॱङीवागोला हेक्या पोतीओलीदु ॱलेप्पालाक। 14होदुरु धेपा-झ्यीगीन पी़न रीङगा, हेला थुक्सुङ धेनी खुङक्याई हेला धी़न्डा च्यीक धेयेला भो़जुङ। धेनी हेक्या रोमला ॱलेप्सुङ। 15हेक्या हुङगीनगो छोरती होदुरु धेपा-झ्यीगीन पी़नक्या आपेहुगी ठोम धाङ डो़न्खाङ सुम ॱनागीन थुक्पे, हेला थुक्तु होजुङ। खुङक्याला थोरी पाउलुगी को़न्क्षोकला थुक्जेक्षे श्युवालाक धेनी सेमस्युक फारपालाक।
पाउलु रोमदु
16हेक्या रोमदु ॱलेप्ती पाउलुला ॱमाक्मी ॱरुङगीन च्यीक श्याक्ती, खोराङ च्यीगा धेदु च्युक्पालाक। 17श्याक्मो सुमगी स्याम्ला पाउलुगी याहुदापा गोठीक्याला भो़री, जोम्दु च्युक्पालाक। धेनी खी़ खुङक्याला ॱनेवालाक, “पी़नक्याओ, ङी होरी मीक्या धाङ होरी धाङबी फामे लुक्सो़ला ग्याप ॱलोक्ये लेगा घीन्दा माझ्येवालाः, ङाला येरुसालेमगी चो़न्खाङदु धाक्ती धेनी रोमापाक्याई लाक्पाला ची ग्याप्सुङ। 18रोमापाक्याई ङाला ताक्चा झ्येजुङ धेनी से घो़गीन ग्युम्जे घीन्दा ॱमाङेपा, ङाला ताङये दो़पा झ्येजुङ। 19याहुदापे गोठीक्याई होदे ढो़गोला ङोलोक झ्येरी, ङा केसारचारु श्योवा ॱमीपु कामे झ्युजुङ। राङगी मीरीकला क्यो़न्जुक घीन्दा ॱनाये ङाला मेक। 20होझ्येरी ङा खेराङक्याला थुक्ती लाब झ्यीयेला भो़वी। ईस्राएलगी रेवा झ्यीगीनगी क्षीला, ङा देरे झ्येरी च्याक्थाकला धाम्गो़ थुक्सुङ।”
21खुङक्याई ॱनेवालाक, “हेला ख्यी़ कोरला युदेयाने यीक ॱमालेप्सुङ। दुरु हुङगीन पी़न सी़या, ख्यी़ कोरला तामङेन स्येगीन माझ्युङ। 22हीना हेक्या ख्यी़ तावा घारे हीन्गीनगो घोरङी दो़दीक घीझ्येरी ॱनाना घारु हीन्ना क्षो़लुक देला ङोलोक झ्यीगीनगो हेला स्येयेहो़क।”
23होझ्येरी धी़चो़ च्यीक ढीक्पालाक धेनी होदे ङीमागोला, मी ॱमीच्यीकी माङा पाउलु धेजारु होवालाक। ॱङारोकने घोमो थुक्पे खी़ को़न्क्षोकगी ग्याखापगी कोरला पाङपो तेरपालाक धेनी मोशेगी क्षो़ठीम धाङ ॱङो़नस्येखेनक्याई धेपक्याने पे तो़न्दी, येशुगी कोरला मीक्याला यीच्चे तेरपालाक। 24खी़ स्येगीन लाबला रीङगागी धेपा झ्येवालाक हीना मी रीङगागी माझ्येवालाक। 25खुङक्या खा ॱमाछाम्पा डोये झ्यीदी घाङला, पाउलुगी थामाला दे ॱनेवालाक, “यस्याया ॱङो़नस्येखेनने धाम्पे थुक्ङीगी, खेक्याई धाङबी फामाक्याला सुङगीन लाब दे धेन्पा दुक,
26‘दे मीक्याचारु सोङ धेनी स्यो़क,
खेक्याई ङेन्गीलाक हीना ॱहाघोरकीमालाक,
धेनी खेक्याई तागीलाक हीना थोङगीमालाक।
27घीझ्येरी ॱनाना दे मीक्याई सेम ॱरा झ्युदुक,
धेनी देक्याई आमच्योक काक दुक,
धेनी खुङक्याई खोरी ॱमीक चुम्दुक,
होझ्येरी खुङक्याई ॱमीकगी थोङ थुक्कीमालाक,
आमच्योकगी ङेन थुक्कीमालाक,
धेनी खुङक्याई सेमगी ॱहाघोर थुक्कीमालाक,
धेनी ङी स्योकला लोक थुक्कीमालाक धेनी खुङक्याला चो़गा झ्यीरु च्युक्कीमालाक।’#यस्याया ६:९-१०
28“होझ्येरी को़न्क्षोकने थोप्कीन थारपा दे, याहुदापा मेन्गीन मीरीकक्याला ॱनाङ हो़तालाक धेनी खुङक्याई होदे ङेन्गीलाक ॱनेरी, खेक्याई स्येलाझ्यी ॱनेरी ङा दो़दीहो़क।” 29[खी़ दे लाब ॱनेसारती याहुदापाक्या खोराङ नाङदु थाप्यी-थाप्यी लोक्पालाक।]#२८:२९ एम्मागी गीरीक धेप ॱङीङबाला दे २९ दे मेतालाक। धेनी स्याम्ला धेप साबाक्याला दे ढीक्ती होवालाक
30लो ॱङी थुक्पे पाउलु रोमदु खाङबा ॱयारती धेदी, सु थुक्तु हुङना घीरीला फेप्सु झ्येरी धेपालाक। 31खी़ को़न्क्षोकगी ग्याखापगी कोरला सेटाक धाङ चोवो येशु मास्यीकागी कोरला, क्षो़ ॱङीङक्षे झ्येरी स्येपालाक। धेनी सी़या खोला काक्ये थापस्यी माझ्येवालाक।
Currently Selected:
जेपा 28: LOY
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
जेपा 28
28
पाउलु माल्तारु
1सा काम्बोरु घामोमा ॱलेप्ती, होदे ॱलीङठेनगो माल्ता ॱनालाक ॱनेरी हीकी स्येजुङ। 2होदे ॱलीङठेनगी मीक्याई हेक्याला ॱमीच्यीकी घा झ्येजुङ। होदुरु क्षावा भाप्ती ॱनाम ढाङा झ्युरी, होदे मीक्याई मे तारी, हेक्याला सी़याङ झ्येजुङ। 3पाउलुगी स्यीङ पाङपो घाङ धी़री मेला च्युक्पालाक। धेनी ढो़गी क्यो़नगी झ्येरी डुल च्यीक थो़न्दी, खी़ लाक्पाला ठीवालाक। 4ॱलीङठेनगी मीक्याई पाउलुगी लाक्पाला डुल ठीरी, धेगीन थोरी च्यीकगी च्यीकला ॱनेवालाक, “दे मी नी मी सेगीन हीन्दाराक। ग्याछोने थारती होवा हीन्ना, लेगी को़दाङगी खोला धेदु च्युक्कीमालाक।” 5हीना पाउलुगी डुल दे मे नाङदु ॱरुक्ती, खोराङला क्यो़न च्यीयाः माझ्युवालाक। 6मीक्याई खो भो़री याङमेना लाम्साङ साला रीरी स्यीटु ॱनेरी साम्बालाक हीना ॱमीच्यीकी माङा घुक्तीयाः, खोला घीन्दा क्यो़न ॱमाथोवा, खुङक्याई साम्लो ग्युरती खो नी ल्हा च्यीक लाक ॱनेरी ॱनेवालाक।
7होदे साजा डामदु होदे ॱलीङठेनगी पो़न्पो पुपलीहुगी सा हो़तालाक। खी़ हेक्याला ॱङीङजे झ्येरी खोरी नाङदु भो़री, श्याक्मो सुम थुक्पे डो़न कासोङ। 8पुपलीहुगी आकी छावा धाङ ठाकस्यालगी नेरी, ङ्याजारु हो़तालाक। पाउलु खी़ ङ्याजारु सोरी ॱमो़लाम ग्याप्ती लाक्पा श्याक्ती, खोला चो़गा झ्येवालाक। 9देरे झ्युरी होदे ॱलीङठेनगी मी नेपा श्येम्माक्याः होवालाक धेनी चो़गा झ्युवालाक। 10होदे मीक्याई हेक्याला घुस्याप झ्येरी धेनी हेक्या डी़ घाङला, हीकी डुला घो़गीन घीरी तेरसुङ।
पाउलु रोमला ॱलेप्पा
11दावा सुम स्याम्ने, हेक्या छीब्रु ल्हा ॱनागीन आलेक्जेन्डीयागी डुशीङ श्यो़न्दी माल्ताने सोवी। होदे डुशीङगो घुङगा दावा सुमगो माल्तारु राङ धेपालाक। 12हेक्या सुराकुसाईरु ॱलेप्ती श्याक्मो सुम होदुरु धेपालाक। 13होदेने सोरी हेक्या रीगीउनदु ॱलेप्पालाक। धेनी ङीमा स्याम्मागोला ल्हो स्योकने ॱलुङबु लावालाक धेनी श्याक्मो ॱङीवागोला हेक्या पोतीओलीदु ॱलेप्पालाक। 14होदुरु धेपा-झ्यीगीन पी़न रीङगा, हेला थुक्सुङ धेनी खुङक्याई हेला धी़न्डा च्यीक धेयेला भो़जुङ। धेनी हेक्या रोमला ॱलेप्सुङ। 15हेक्या हुङगीनगो छोरती होदुरु धेपा-झ्यीगीन पी़नक्या आपेहुगी ठोम धाङ डो़न्खाङ सुम ॱनागीन थुक्पे, हेला थुक्तु होजुङ। खुङक्याला थोरी पाउलुगी को़न्क्षोकला थुक्जेक्षे श्युवालाक धेनी सेमस्युक फारपालाक।
पाउलु रोमदु
16हेक्या रोमदु ॱलेप्ती पाउलुला ॱमाक्मी ॱरुङगीन च्यीक श्याक्ती, खोराङ च्यीगा धेदु च्युक्पालाक। 17श्याक्मो सुमगी स्याम्ला पाउलुगी याहुदापा गोठीक्याला भो़री, जोम्दु च्युक्पालाक। धेनी खी़ खुङक्याला ॱनेवालाक, “पी़नक्याओ, ङी होरी मीक्या धाङ होरी धाङबी फामे लुक्सो़ला ग्याप ॱलोक्ये लेगा घीन्दा माझ्येवालाः, ङाला येरुसालेमगी चो़न्खाङदु धाक्ती धेनी रोमापाक्याई लाक्पाला ची ग्याप्सुङ। 18रोमापाक्याई ङाला ताक्चा झ्येजुङ धेनी से घो़गीन ग्युम्जे घीन्दा ॱमाङेपा, ङाला ताङये दो़पा झ्येजुङ। 19याहुदापे गोठीक्याई होदे ढो़गोला ङोलोक झ्येरी, ङा केसारचारु श्योवा ॱमीपु कामे झ्युजुङ। राङगी मीरीकला क्यो़न्जुक घीन्दा ॱनाये ङाला मेक। 20होझ्येरी ङा खेराङक्याला थुक्ती लाब झ्यीयेला भो़वी। ईस्राएलगी रेवा झ्यीगीनगी क्षीला, ङा देरे झ्येरी च्याक्थाकला धाम्गो़ थुक्सुङ।”
21खुङक्याई ॱनेवालाक, “हेला ख्यी़ कोरला युदेयाने यीक ॱमालेप्सुङ। दुरु हुङगीन पी़न सी़या, ख्यी़ कोरला तामङेन स्येगीन माझ्युङ। 22हीना हेक्या ख्यी़ तावा घारे हीन्गीनगो घोरङी दो़दीक घीझ्येरी ॱनाना घारु हीन्ना क्षो़लुक देला ङोलोक झ्यीगीनगो हेला स्येयेहो़क।”
23होझ्येरी धी़चो़ च्यीक ढीक्पालाक धेनी होदे ङीमागोला, मी ॱमीच्यीकी माङा पाउलु धेजारु होवालाक। ॱङारोकने घोमो थुक्पे खी़ को़न्क्षोकगी ग्याखापगी कोरला पाङपो तेरपालाक धेनी मोशेगी क्षो़ठीम धाङ ॱङो़नस्येखेनक्याई धेपक्याने पे तो़न्दी, येशुगी कोरला मीक्याला यीच्चे तेरपालाक। 24खी़ स्येगीन लाबला रीङगागी धेपा झ्येवालाक हीना मी रीङगागी माझ्येवालाक। 25खुङक्या खा ॱमाछाम्पा डोये झ्यीदी घाङला, पाउलुगी थामाला दे ॱनेवालाक, “यस्याया ॱङो़नस्येखेनने धाम्पे थुक्ङीगी, खेक्याई धाङबी फामाक्याला सुङगीन लाब दे धेन्पा दुक,
26‘दे मीक्याचारु सोङ धेनी स्यो़क,
खेक्याई ङेन्गीलाक हीना ॱहाघोरकीमालाक,
धेनी खेक्याई तागीलाक हीना थोङगीमालाक।
27घीझ्येरी ॱनाना दे मीक्याई सेम ॱरा झ्युदुक,
धेनी देक्याई आमच्योक काक दुक,
धेनी खुङक्याई खोरी ॱमीक चुम्दुक,
होझ्येरी खुङक्याई ॱमीकगी थोङ थुक्कीमालाक,
आमच्योकगी ङेन थुक्कीमालाक,
धेनी खुङक्याई सेमगी ॱहाघोर थुक्कीमालाक,
धेनी ङी स्योकला लोक थुक्कीमालाक धेनी खुङक्याला चो़गा झ्यीरु च्युक्कीमालाक।’#यस्याया ६:९-१०
28“होझ्येरी को़न्क्षोकने थोप्कीन थारपा दे, याहुदापा मेन्गीन मीरीकक्याला ॱनाङ हो़तालाक धेनी खुङक्याई होदे ङेन्गीलाक ॱनेरी, खेक्याई स्येलाझ्यी ॱनेरी ङा दो़दीहो़क।” 29[खी़ दे लाब ॱनेसारती याहुदापाक्या खोराङ नाङदु थाप्यी-थाप्यी लोक्पालाक।]#२८:२९ एम्मागी गीरीक धेप ॱङीङबाला दे २९ दे मेतालाक। धेनी स्याम्ला धेप साबाक्याला दे ढीक्ती होवालाक
30लो ॱङी थुक्पे पाउलु रोमदु खाङबा ॱयारती धेदी, सु थुक्तु हुङना घीरीला फेप्सु झ्येरी धेपालाक। 31खी़ को़न्क्षोकगी ग्याखापगी कोरला सेटाक धाङ चोवो येशु मास्यीकागी कोरला, क्षो़ ॱङीङक्षे झ्येरी स्येपालाक। धेनी सी़या खोला काक्ये थापस्यी माझ्येवालाक।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society