१ कोरीन्थुपा 5
5
लोक्येम्पाला क्षो़छोकने पी़घोयेगी कोर
1याहुदापा मेन्गीनक्याई खोक्दुवाः झ्यी ॱमेक्षोक्कीन लोक्येमगी लेगागो, खीकी खोक्दु दुक ॱनेरी, ङी ॱङोन्नेगी घोरजुङ। खेक्याने च्यीकगी राङगी आकीगी केमी श्याक्दुक ॱनेरी, ङी घोरजुङ। 2धेनी खेक्यागो ङोम्सो झ्यीदाले? खेक्या ग्यो़पा झ्यीघोये हो़तामाले? देरे लेगा झ्यीगीनला खीकी घुङने पी़। 3ङा खीकी घुङदु ली़ला मेनाः, सेम्ङीगी थोक्ने खीकीमुला हो़क। धेनी ङा खीकीमुला हो़गीन च्योक्रे, ङी देरे लेगा झ्यीगीनगोला ठीम थाक चेसाहो़क। 4धेनी खेक्या चोवो येशुगी छेनगी थोक्ने जोमाराङ धेनी ङा सेम्ङीगी थोक्ने खीकीमुला हो़ताराङ, होरी चोवो येशुगी नी़थुगी गोने, 5देरे मीला धी़ सातानगी लाकला ची ग्योप। देरे झ्येरी खी़ धीक्पे ली़गो मेताला सोरी, चोवोगी ङीमाला खी़ सेम्ङीगो क्योप्कीलाक।
6खेक्या ङोम्सो झ्यीगीन दे घा मालाक। क्युरची च्यीमे च्यीकगी भाक्पे हो़लेला क्युर ॱलाङालाक ॱनेरी, खेक्या ॱमेस्येलालाक से? 7खेक्या ॱङोन्नेगी क्युरची मेन्गीन झ्येरी, खेक्या क्युरची मेगीन भाक्पे साबागो, झ्युङयेगी क्षीदु क्युरची ॱङीङबागो पोङ। घीझ्येरी ॱनाना होरी पेसाकगी लुक्टु हीन्गीन, मास्यीका नी क्षो़पाला पुसालाक।
8होझ्येरी ॱनो़सेम धाङ ङेन्सेमगी क्युरची ॱङीङबा मेन्दा, हीना क्युरची मेगीन ढाङा धाङ धेन्पागी ग्याङगा शेरी, पेसाकगी धी़छेन होराङ ताङु।
9ङी खेक्याला ताङगीन यीकगोला, लोक्येम्पाक्यामुला ढेवा माझ्यी ॱनेरी ढीक्पी। 10होदेगी दो़न्दाकगो दे जीक्तेनगी लोक्येम्पाक्या धाङ ॱहाम्बा झ्यीगीनक्या धाङ ॱली़गीनक्या धाङ कुन्डाला क्षो़गीनक्या, मुला फुक्की ढेवा माझ्यी ॱनेरी ॱना मालाक। देरे झ्यीये हीन्ना, खेक्या दे जाम्लीङ देनेराङ थो़न्दी डोघोगुलाक। 11हीना राङला मास्यीकावा पी़न हीन ॱनेरी ॱनागीन, हीना लोक्येम धाङ ॱहाम्बा धाङ कुन्डाला क्षो़ये धाङ ॱमेबेप ताङये धाङ रा शीये धाङ ॱली़गीन लेगा झ्यीगीनक्यामुला ढेवा माझ्यी ॱनेरी, ङा धान्दा खेक्याला ढीयाहीन। देरे मीक्यामुला शामाः मुला माशा। 12फीदी मीक्याई ठीम्चो़ झ्येरी ङाला घी हुङगीलाक से? क्षो़छोक नाङगी मीक्याला खेक्याई ठीम चे घोगुमाले? 13फीदी मीगी ठीम को़न्क्षोकगीराङ जेगीलाक। “खेरी खोक्ने, मी ङेन्पाक्याला पी़दी झोङ।”#काठीम १७:७;१९:१९;२१:२१;२२:२१,२४;२४:७
Currently Selected:
१ कोरीन्थुपा 5: LOY
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
