༢ ཐེ་ས་ལོ་ནི་ཀེ་པ། དེབ་ཀྱི་ངོ་སྤྲོད།
དེབ་ཀྱི་ངོ་སྤྲོད།
པའུ་ལུ་ཡིས་ཐེ་ས་ལོ་ནི་ཀེ་པ་ཀྱ་ལ་ཡིག་དང་པོ་གོ་བྲིས་ཏེ། ཏི་ཏེ་གཅིག་གཤམ་ནས་རང་ཁོས་ཀོ་རིན་ཐུ་ནས་འདི་ཡི་གེ་གཉིས་པ་འདི་བསྐུར་པ་ལགས།
ཐེ་ས་ལོ་ནི་ཀེ་པ་མཱ་ཤི་ཀ་བ་རིང་འགའ་ཡིས་པའུ་ལུ་ཡི་ཡིག་དང་པོ་ནས། ཡེ་ཤུ་མཱ་ཤི་ཀ་ལྡབ་ལེ་ཕེབས་གུ་བྱེད་འདིག་སྨྲ་གིན་ཧ་གོ་པ་ལགས། པའུ་ལུ་ཡིས་ཡེ་ཤུ་མཱ་ཤི་ཀ་ཧ་ཏག་པ་ལ་ཕེབས་གུ་ལགས་སྨྲས་རེ་བྲིས་པ་ལགས། (༡ ཐེ་ས་ལོ་ནི་ཀེ་ ༥:༣) ཡིན་ནའང་འོ་དེ་ཐེ་ས་ལོ་ནི་ཀེ་པ་ཀྱ་ཡིས་ཡེ་ཤུ་ལམ་སང་ཕེབས་བའི་འོད་གྲོ་བསམས་པ་ལགས། འོ་བྱས་རེ་མི་མང་ཆེ་ཡིས་མི་རི་མི་རི་ལས་ཀ་བོར་ཏེ། མཱ་ཤི་ཀའི་ལམ་སྒུག་སྟེ་འོ་བྱས་རེ་རང་བསྡད་འོད་ད་ལགས། མཱ་ཤི་ཀའི་ཕེབས་བསུ་ཡི་སྐོར་ལ་ཁོང་ཀྱ་ཡི་བསམ་བློ་ནོར་གྱིན་གོ་ལ་བསལ་ཡས་ལ་པའུ་ལུ་ཡིས་ཁོང་ཀྱ་ལ། ལོངས། དེ་ནས་ལས་ཀ་བྱེད། དེ་ནས་ལས་མེད་ལམ་གྱིན་མ་འབྱུང་སྨྲས་རེ་བསླབ་བྱ་སྟེར་ཡས་ལའང་། འདི་ཡིག་བྲིས་པ་ལགས།།
དཀར་ཆག
ངོ་སྤྲོད། ༡:༡-༢
བསྟོད་པ། ༡:༣-༡༢
མཱ་ཤི་ཀ་ཡང་བསྐྱར་ཕེབས་ཡས་ཀྱི་སྐོར་ལ་བསླབ་བྱ། ༢:༡-༡༧
མཱ་ཤི་ཀ་བ་སྤྱོད་ལམ་གྱི་ཆེད་དུ་བསླབ་བྱ། ༣:༡-༡༥
མཐའ་མ། ༣:༡༦-༡༨
Currently Selected:
༢ ཐེ་ས་ལོ་ནི་ཀེ་པ། དེབ་ཀྱི་ངོ་སྤྲོད།: LOY
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society