Zaburi Sya Daud 118
118
Confitemini Domino.
1Munsengusaye Bambo, ndawa wa bwino:
Ndawa lukolo lwake kitamile mumu pela.
2Wakakite Israel:
Kukita lukolo lwake kitamile mumu pela.
3Wakakite nyumba ya Harun:
Kukita lukolo lwake kitamile mumu pela.
4Wakakite wala wannjogopa Bambo:
Kukita lukolo lwake kitamile mumu pela.
5Kuhuma pakufinyika pangu ninkemalela Bambo:
Bambo anihigite na aniwika pandu pene kitando.
6Bambo kwa nenga; nakuyogopa:
Kiki yanikitile mwana wa adam?
7Bambo kwa nenga pagati pa wala wakunikimbisa:
Na yaniwone fila nigana pa wala wakufyoma na nenga.
8Mbasa kunkimbalila Bambo:
Si kumhuwalila mwana wa adam.
9Mbasa kunkimbalila Bambo:
Si kuwahuwalila wakamba.
10Mihuko yoha yanisyungutile:
Pa lihina lya Bambo chakaka yaniwadumule nganila.
11Wanisyungutila; ena yaniwadumule nganila chakaka:
Pa lihina lya Bambo koma yaniwadumule nganila.
12Wanimomalile ngati njuchi; wasimika waka ngati mwoto wa mifa:
Pa lihina lya Bambo yaniwadumule nganila.
13Kukanga wanikangite nigwe pasi:
Koma Bambo anitangatile.
14Bambo mbafu syangu ni zabur yangu:
Naapatite kuya uyokosi wangu.
15Njwawila ya kululuta ni ya uyokosi yiyile pa hema sya wakukita malinga:
Kiwoko kya kigosi kya Bambo kikita fya lipuga.
16Kiwoko kya kigosi kinyanyamulike kya Bambo:
Kiwoko kya kigosi kya Bambo kikita fya lipuga.
17Nakufwa, koma yanilame:
Ni yanikokose fila akita Bambo.
18Kuniyambulisa Bambo aniyambulise:
Koma nakunipeleka kwa kufwa.
19Unidundulile matanga ga kukita malinga:
Yaniyingile mumu, yanikasenguse Bambo.
20Ugu ndyango wa Bambo:
Wakukita malinga yawayingile mumu.
21Yanikusenguse, ndawa unihigite:
Na apatite kunitamila uyokosi.
22Liganga lila wakujenga walikanite:
Lipatite kuya mutu wa ndusula.
23Kuhuma pa Bambo kiyile iki:
Kiyii chakupamba pa miho gitu.
24Ili ligono lila Bambo alikite:
Yatihine na yatihekelele mumu.
25Chondi, Bambo, uyokole:
Chondi, Bambo unilinganile.
26Apelewe kihomo yula ahicha pa lihina lya Bambo:
Tikupile kihomo kuhuma pa nyumba ya Bambo.
27Mlungu Bambo, nayombe atimulikila:
Mukungaye nyambiko ya ligono likulungu ni migoyi, mpaka pa manyelo ga mazabah.
28Mlungu wangu wenga, yanikusenguse:
Mlungu wangu wenga, yanikupindi.
29Mukasenguse Bambo; ndawa wabwino:
Ndawa lukolo lwake kitamile mumu pela.
Currently Selected:
Zaburi Sya Daud 118: MGSPSA
Highlight
Copy
Compare
Share
Want to have your highlights saved across all your devices? Sign up or sign in
First published in 1913, by the Universities' Mission to Central Africa Mission Press
