ໂຢນາ ຄຳນຳ
ຄຳນຳ
ໜັງສືໂຢນາເລົ່າເລື່ອງລາວວ່າຖ້ອຍຄຳຂອງພຣະເຈົ້າຢາເວໄດ້ມາເຖິງໂຢນາຜູ້ທຳນວາຍໃນສະໄໝຂອງເຢໂລໂບອາມທີ 2 ໃນສັດຕະວັດທີ 8 ກ່ອນ ຄສ. ໃນບັນດາບັນດາໜັງສືພະຍາກອນນັ້ນ ໜັງສືໂຢນາມີຄວາມພິເສດຢູ່ທີ່ການເນັ້ນເລື່ອງລາວຂອງຜູ້ທຳນວາຍຫລາຍກວ່າການຮວບຮວມຄຳພະຍາກອນ ຄືມີຄຳພະຍາກອນພຽງປະໂຫຍກດຽວ.
ໂຢນາເປັນເລື່ອງລາວການຮຽກເອີ້ນຂອງພຣະເຈົ້າ ພຣະອົງເອີ້ນໂຢນາເພື່ອໃຫ້ໄປເຕືອນຊາວນີເນເວເຖິງຄວາມຈິບຫາຍທີ່ກຳລັງຈະເກີດຂຶ້ນ ໂດຍມີ 2 ເຫດການຫລັກ ແລະ ແຕ່ລະເຫດການມີ 2 ສາກ. ທັງສອງເຫດການແມ່ນເລີ່ມດ້ວຍການຢ້ຳຄຳສັ່ງຂອງພຣະເຈົ້າ ເພື່ອໃຫ້ໂຢນາໄປທີ່ເມືອງນີເນເວ. ສາກທຳອິດເກີດຂຶ້ນຢູ່ເທິງເຮືອຂະນະທີ່ໂຢນາກຳລັງສັ່ງສອນຄົນທັງຫລາຍໃນນີເນເວ ແລະ ພວກເຂົາໄດ້ກັບໃຈ. ສາກທີສອງເກີດຂຶ້ນຢູ່ນອກເມືອງທີ່ໂຢນາຕໍ່ສູ້ກັບຄວາມເມດຕາຂອງພຣະເຈົ້າ.
ເລື່ອງລາວຂອງໂຢນາຄືການສະແດງເຖິງທັດສະນະຄະຕິຂອງຄົນອິດສະຣາເອນທີ່ມີຕໍ່ຊົນຊາດອື່ນໆ ຄືແທນທີ່ພວກເຂົາຈະຍອມຮັບການຮຽກເອີ້ນເພື່ອຊ່ວຍໃຫ້ຊົນຊາດອື່ນໄດ້ມາຮູ້ຈັກພຣະເຈົ້າແທ້ຈິງ. ພວກເຂົາກັບເຫັນວ່າຊົນຊາດອື່ນເປັນສັດຕູ ແລະ ຄາດຫວັງໃຫ້ພຣະເຈົ້າທຳລາຍຖິ້ມ. ໂຢນາໄດ້ສອນວ່າຄວາມຮັກຂອງພຣະເຈົ້າບໍ່ໄດ້ມີຈຳກັດໄວ້ສຳລັບອິດສະຣາເອນເທົ່ານັ້ນ, ແຕ່ແຜ່ຂະຫຍາຍເຖິງສິ່ງທີ່ພຣະອົງສ້າງທັງໝົດ ແລະ ໄປເຖິງຊົນຊາດອື່ນໆຢ່າງແທ້ຈິງ. ດັ່ງນັ້ນ ຄຳຖາມສຸດທ້າຍທີ່ພຣະເຈົ້າຖາມໂຢນາຈຶ່ງເປັນຄຳຖາມສຳລັບພວກເຮົາເໝືອນກັນ.
Currently Selected:
ໂຢນາ ຄຳນຳ: LCV
Highlight
Copy
Compare
Share
Want to have your highlights saved across all your devices? Sign up or sign in
Holy Bible, Lao Contemporary Version™| © 2023, 2025 by Biblica, Inc.|
Used with permission. All rights reserved worldwide.© 2023, 2025 by Biblica, Inc.