ອົບພະຍົບ ຄຳນຳ
ຄຳນຳ
ໜັງສືອົບພະຍົບ, ລະບຽບເລວີ ແລະ ຈົດບັນຊີ ສືບຕໍ່ເລື່ອງລາວເຖິງວິທີທີ່ພຣະເຈົ້າໄດ້ສ້າງຊົນຊາດອິດສະຣາເອນຂຶ້ນເພື່ອສະແດງບົດບາດພິເສດຂອງພຣະອົງຕໍ່ໂລກທັງປວງ. ເມື່ອຊາວອິດສະຣາເອນຍັງເປັນທາດຢູ່ໃນປະເທດເອຢິບນັ້ນ, ພຣະເຈົ້າໄດ້ມາຫາພວກເຂົາ ແລະ ກະທຳການທີ່ເຕັມດ້ວຍລິດອຳນາດຜ່ານທາງໂມເຊເພື່ອປົດປ່ອຍພວກເຂົາ. ທີ່ພູເຂົາຊີນາຍ, ພຣະເຈົ້າໄດ້ເປີດເຜີຍກົດບັນຍັດຂອງພຣະອົງໃຫ້ແກ່ໂມເຊ, ລວມທັງບັນຍັດສິບປະການ ແລະ ຢືນຢັນພັນທະສັນຍາຂອງພຣະອົງກັບຊົນຊາດທີ່ຍັງໜຸ່ມນ້ອຍ. ອິດສະຣາເອນສ້າງ “ຫໍເຕັນ,” ຂຶ້ນ, ຫລື “ເຕັນນັດພົບ,” ເພື່ອວ່າພຣະເຈົ້າຈະຢູ່ທ່າມກາງພວກເຂົາ. ແລ້ວປະຊາຊົນກໍເດີນທາງຜ່ານຖິ່ນແຫ້ງແລ້ງກັນດານໄປສູ່ດິນແດນການາອານ.
ຂອບເຂດລະຫວ່າງໜັງສືອົບພະຍົບ, ລະບຽບເລວີ ແລະ ຈົດບັນຊີບໍ່ໄດ້ຖືກວາດພາບໃຫ້ເຫັນຢ່າງຊັດເຈນ. ໂຄງສ້າງທີ່ສຳຄັນທົ່ວໜັງສືທັງເຫລັ້ມກ່ຽວຂ້ອງກັບສະຖານທີ່ຕ່າງໆທີ່ຊາວອິດສະຣາເອນຢຸດພັກໃນຊ່ວງການເດີນທາງຂອງພວກເຂົາ. ແຕ່ລະສະຖານທີ່ໄດ້ຖືກບັນທຶກໄວ້ ແລະ ເຫດການຕ່າງໆໃນແຕ່ລະສະຖານທີ່ໄດ້ຖືກອະທິບາຍໄວ້. ສະຖານທີ່ສຳຄັນແມ່ນພູເຂົາຊີນາຍ; ໃນເຄິ່ງທີສອງຂອງພຣະຄຳອົບພະຍົບ, ໃນລະບຽບເລວີທັງໝົດ ແລະ ໃນການເລີ່ມຕົ້ນຂອງຈົດບັນຊີໄດ້ອະທິບາຍເຖິງສິ່ງທີ່ເກີດຂຶ້ນຢູ່ທີ່ນັ້ນ. ລະບຽບເລວີບັນທຶກສະເພາະເຈາະຈົງກົດບັນຍັດ ແລະ ລະບຽບການຕ່າງໆທີ່ ພຣະເຈົ້າຢາເວ ໄດ້ມອບໃຫ້ອິດສະຣາເອນ. ຈົດບັນຊີລາຍງານວິທີການຈັດຕັ້ງປະຊາຊົນເຂົ້າສູ່ກອງກຳລັງການສູ້ຮົບ ແລະ ການເຄື່ອນຍ້າຍໄປສູ່ດິນແດນແຫ່ງພັນທະສັນຍາ.
ຈົດບັນຊີທວນຄືນຄວາມຈຳທົ່ວລະບຽບເລວີ ແລະ ອົບພະຍົບ ແລະ ຢ້ຳຄືນປະໂຫຍກທີ່ເປັນໂຄງສ້າງຂອງປະຖົມມະການ: ນີ້ແມ່ນເລື່ອງລາວຄອບຄົວຂອງອາໂຣນ ແລະ ໂມເຊ (ຈບຊ 3:1). ພວກເຮົາໄດ້ຍິນປະໂຫຍກນີ້ສິບສອງຄັ້ງວ່າສິບສອງເຜົ່າໄດ້ຖືກຈັດເຂົ້າເປັນຊົນຊາດຢ່າງເໝາະສົມແລ້ວ. ໃກ້ຕອນທ້າຍຂອງຈົດບັນຊີ ຜູ້ທຳນວາຍບາລາອາມກ່າວແກ່ອິດສະຣາເອນວ່າ, ຂໍໃຫ້ບັນດາຜູ້ທີ່ອວຍພອນເຈົ້າຈົ່ງໄດ້ຮັບພອນ ແລະ ບັນດາຜູ້ທີ່ສາບແຊ່ງເຈົ້າຈົ່ງໄດ້ຮັບຄຳສາບແຊ່ງ. ປະໂຫຍກນີ້ເຮັດໃຫ້ຫວນຄືນເຖິງຄຳສັນຍາຂອງພຣະເຈົ້າທີ່ມີຕໍ່ອັບຣາຮາມໃນປະຖົມມະການວ່າ, ເຮົາຈະອວຍພອນບັນດາຜູ້ທີ່ອວຍພອນເຈົ້າ ແລະ ເຮົາຈະສາບແຊ່ງຜູ້ທີ່ສາບແຊ່ງເຈົ້າ. ຂໍ້ອ້າງອີງເຫລົ່ານີ້ສະແດງໃຫ້ເຫັນວ່າໜັງສືເຫລົ່ານີ້ພ້ອມກັນບອກເລື່ອງດຽວກັນເຊິ່ງກ່ຽວກັບການເລີ່ມຕົ້ນວຽກງານການໄຖ່ຂອງພຣະເຈົ້າໃນໂລກ.
Currently Selected:
ອົບພະຍົບ ຄຳນຳ: LCV
Highlight
Copy
Compare
Share
Want to have your highlights saved across all your devices? Sign up or sign in
Holy Bible, Lao Contemporary Version™| © 2023, 2025 by Biblica, Inc.|
Used with permission. All rights reserved worldwide.© 2023, 2025 by Biblica, Inc.