SOLOMON 7
7
Vbusbih
1Nvng gas svsoh yungh dah lonyi nghuot!
Nyhauqcont thyvkoq koq toh dah nah khyei ka kha iq shop?
Nah tanghbauh kuih zis gas
silho khyet soeu dah loqyos teh nghuot.
2Nah choq gas khanhamp eq ma thank loh,
xangh dah zvbiq khuq teh nghuot.
Nah womdau gas anghchau ban yah khomp toh dah
sunghso boms teh nghuot.
3Nah dyei nauh gas cvt lozoms teh,
lvlyo aiq doeu teh nghuot.
4Nah lainzain gas cang zwis tyoeuqzvm teh nghuot.
Nah nyoqjeih gas Heshbon wusmuh khomh nvm mas joq dah
thomhlo jens yah tsain doeusgoh.
Nah nho ka Damasku wus pheh xoeu toh dah
Lebanon tyoeuqzvm teh yoeuh jyet phoh nghuot.
5Nah uhloms gas Khamel boms teh nyhang joq.
Nah dah zaiq toh cam ka gis thank misyhwiq seh teh bvng joq.
Hau yungh zis gas, hwankti lhyi yoh nyhik she loh.#7.5 Hebre mas ma bvng.
6Nvng kha iq yungh!
nvng gas yoeuh jyet phoh dah wotwu yah dyinghjet joq!
7Nvng gas tsunpvlun zains teh yunghshop soeu nghuot.
Nah dyei nauh eq tsunpvlun shih dyoms teh nghuot.
8Ngos tsunpvlun zains doq las
nyah shih thyoq das.
Ngah jyank mas nah dyei nauh gas zvbiq shih dyoms teh,
nah soq gas, lvhomp shih shom teh nghuot.
9Nah nhuot#7.9 Nah nhuot ge zis Hebre mas, Yhet bang dah nhuotkuk teh. eq gis thank zvbiq teh nghuot.
Vmesbih
Hauh thang lhyi hauh zvbiq ngah hwank phoq jyank mas dan yaus loh bas jungh,
nyah nhuotkuk yahge zwis thoq mas yaus bas jungh.
10Ngos gas ngah hwank phoq yah sen lha nyang ngos lyis o mes.
11Ngos jyet soeu eh, los aq, boms mau pheh loh goh,
wukhau jens mas yhet goh.
12Yang noq yah toq las zvbiq khyam mha zvbiq nwis vkoq los shih lah,
vbuh vhaq los shih lah,
tvleh buh vbuh joq shih lah zis yoeuh goh.
Houmha ngos nvng lyis ngah jyetdap ehnyet kyauh das.
13Nvng dudai shih zains jens xangh shom xauh nam das.
Yah khomh nvm mas nghamh dah shih dvnganh bos.
Jyet soeu eh, ngos nah xiklyis
shih vcauh eq vsaiq eq kui coeu toh.
Currently Selected:
SOLOMON 7: NCB
Highlight
Share
Copy
Want to have your highlights saved across all your devices? Sign up or sign in
Ngochang Common Language Bible © Bible Society of Myanmar, 2010.