ESAIA Dangphank
Dangphank
Esaia buk lyis B.C. xet xobon vthang shot pheh Yerusalem wus mas nyeis dah lvpe dvyuk dah nyings lyis yoeus las lui toh zis nghuot. Haih buk lyis somh bon gvm toh.
(1) Sonzoh 1-39 Mautyi shot munghdan nghuot dah Yuda mau gas yomsoq bos dah yhenkyoh munghdan Asiria yah kyuktant zis xauh nyeis shishenh nghuot. Esaia nyvng zis gas Yuda mau lyis jyoengh kyuktant nyeis zis gas Asiria dah yomsoq ma nghuot. Nyah dius nyau jens dah yaunos yahge Mangso dah dang ma gyo cho, Mangso lhyi ma lomsjingh cho dvnghuot. Lvpe ka dius jens yahge nyamoq dah uhshe bang lyis bvng bvng taiq zis gas, dan dah kang dwis cho yahge lyi jus dah kang dwis cho kuot geh. Mangso dang ma gyo cho ka dom das cho yahge dyoqbis cho she los das, ge zaih nhang. Hauh thoq lyis mungkvn gonh yah sen dah nyenstap cho yahge lyi yah dvyhangteh guon das hwankti dvyuk Dawi vnyau vshih masyah thuq los das cho eq uhlhomh taiq.
(2) Sonzoh 40 - 55 gas Yuda jens nyoshoq Babilon mas jonsdoeus nyeis dah shishenh, gyvzaiq gyvnang xauh kham nyeis shishenh, nghamhloms cho ma bos dah shishenh nghuot. Lvpe taiq hoeuh zis gas, Mangso ka nyah dius jens lyis luiq los nhang lha nyamoq lyis Yerusalem mas shwih tauh los zis yah kang dwis cho vsaiq xi das. Heimha vgungs toh cho ka, Mangso ka sungson dah vsain nghuot. Israel jens yah dvgeh nyamoq gvng mas shvmanh yoh das bang dius nyau dvnganh xiklyis Mangso dah nghamh toeuq cho nghuot.Yhensaindah jyeidwis, ge dah dang gas Thanghchvp Cauh mas dius jens nyoshoq seq cho nghuot.
(3) Sonzoh 56-66 Yerusalem mas doms los bang xiklyis toeuq las lhaih toh. Mangso ka nyah dius jens mas nyah dangthoengh nyuk los das cho lhyi soh soh nghuot mes bang xiklyis lhaih toh. Dan cho yahge lyi jus cho, no nyeih chank kuot das cho, phudyei cho yahge shvmanh dung cho chixoeuq toh. Comh phoh zis 61:1-2 mas dang gas,YhensainYesu dah muh kuot xi lhyi nyang khi dah dang nghuot.
Danggvn
Zaih nhang cho yahge dangthoengh 1:1-12:6
Dius nyau jens lyis joeng 13:1-23:18
Mungkvn lyis Mangso dah soetuon cho 24:1-27:13
Tsoq zaih nhang cho yahge dangthoengh 28:1-35:10
Yuda hwankti Hezekia yahge Asiria jens 36:1-39:8
Dangthoengh yahge nghamhloms cho loeus 40:1-55:13
Zaih nhang cho yahge dangthoengh 56:1-66:24
Currently Selected:
ESAIA Dangphank: NCB
Highlight
Share
Copy
Want to have your highlights saved across all your devices? Sign up or sign in
Ngochang Common Language Bible © Bible Society of Myanmar, 2010.