Matius 8

Minomali' si Yisus nu lobuw binolangon

(Mrk 1:40-45; Luk 5:12-16)

1Nokountiba yo po si Yisus kiat so bulud-i, osuang lobuw minaid so Iyo. 2Iya oono lumogaa yo ido koyuwan binolangon.#8:2: Mongowaid nu oturan nu ugama Yaudi, lobuw kiosakit nu ono dai otoop mongusaa' so Kinoringan so waloi sosombooyangan. Sumurukudo yo iyo so tiningkuangon ni Yisus om mutongaro yo nu, “Oo Tuan, bang moingin Ko, opoli'an Mu ya aku,” koo.

3Topopo yo sono ni Yisus lobuw iiri om mutongaro yo nu, “Moingin Aku ya. Opoli'an ko yo,” koo, om sonduun-duun-a nopoli'an lobuw iiri. 4Tongaro yo Niyo lobuw iiri nu, “Ondomo yo! Kodi yo obar-obari itu no so isai-isai ya, nga ian-o osikap so imam mokiudio. Oopod ono pongusaa' yo suat so kinopoli'an mu soko iri nisuu' ni Musa, pongilaan nu lobuw suang nu nopoli'an ko yo sono,” koo.#Ot 14:1-32

Minomali' si Yisus nu uripon nu wowaidon nu soujar nu Ruum

(Luk 7:1-10)

5Iya ni Yisus masuw so ido kampung ingoranan nu Kapornaum, ido koyuwan wowaidon nu soujar okon ko lobuw Yaudi sinumambat so Iyo mokiponobangon nu, 6“Oo Tuan, osantap morosakit uripon ku ri, mili-gili so waloi dai koinsid,” koo.

7Sumombuto yo si Yisus nu, “Oo. Mian Aku ya momali' so iyo,” koo.

8Nga sumombuto yo soujar-i nu, “Dai su otoop pologa' so Ikau so waloi ku. Nga toowano ya tuui mutangar, tantu opoli'an-a uripon ku no. 9Oilaan ku ono so' aku kondiri kuwai wowaidon kikuasa om opangkat po ko' aku. Om aku nga wowaidon-a nu ongo soujar wokon. Bang suu'on ku soujar oono nu, ‘Panou kou,’ k'aku, mompanou-a nosiro. Bang suu'on ku nosiro nu, ‘Loga' kou,’ k'aku, lumoga' ya nosiro. Om bang suu'on ku uripon ku no nu, ‘Waal-o itu no,’ k'aku, waalon-a niyo,” koo soujar-i.

10Noiranan si Yisus nu norongou Niyo tangar iiri. Mutongaro yo sono Iyo so lobuw suang maid-waid so Iyo ri nu, “Dai po su insan kolalag nu lobuw soko itu kopiot nu koimaidan, pudi so lobuw Yaudi! 11Mutangar Aku so kou nu osuang lobuw lumoga' kiat so pusitan om lidopan maid sumudu'an so si Abraham, si Isak, om si Yakub nu tumimpuun Kinoringan mogkuasa.#Luk 13:29 12Nga kolobuwan otoop masuw so Pogkuosaan nu Kinoringan, niada' so kotuongan. Nai yo nosiro tumangi' osonsara',” koo.#Mat 22:13; 25:30; Luk 13:28 13Tongaro yo sono Niyo soujar oono nu, “Uli' yo. Onu-onu imaidon mu no otuman-a,” koo si Yisus.

Iya ya iiri nopoli'an-o uripon nu soujar-i.

Minomali' si Yisus nu lobuw suang

(Mrk 1:29-34; Luk 4:38-41)

14Miano yo si Yisus so waloi ni Pitrus. Nosiou Niyo iwan ni Pitrus mili-gili so poomoturuwan tumogom. 15Kuyuti yo Niyo longon nu woinoi iiri, om sonduun-duun-a nopoli'an. Tumungago yo sono woinoi iiri pookan so Iyo.

16Nolidop su runat, osuang lobuw minongowit dii so Iyo nu lobuw sinorungan nu moinat, om wokon po kirorooton nu boroginis, nga insan-o tinangar Niyo nopoli'an-o nosiro. 17Kiawi' oono winaal ni Yisus, tayon ong otuman tinangar ni Yisaya, iri poo'abar nu Kinoringan gulu ri nu,

“Tinanggung Niyo kosonsora'an toko,

om momali' nu osakit toko,”

koo ri.#Yis 53:4

Subai otoroido inawo maid so si Yisus

(Luk 9:57-62)

18Nosiou-o po ni Yisus lobuw suang so pililiwut Niyo ri, suuo yo Niyo mompomaid Niyo ri muripau so liu' ri. 19Lumogaa yo sono ido moomontuduk nu Ukum dii so Iyo om mutongaro yo nu, “Oo Guru, maid aku so Ikau siombo-ombo ya,” koo.

20Sumombuto yo Iyo nu, “Kulos-kulos om bombolog#8:20: bombolog; intawa: pumpulu kuwai ya ogolan nga Aku, Anak nu Riniba#8:20: Anak nu Riniba: Siowan Kamus Kitab. d'ado,” koo.

21Mutongaro yo mompomaid Niyo wokon nu, “Lilai aku po muli' polobong nu amo ku ri,” koo.

22Nga sumombuto yo Iyo nu, “Waid-o so Aku. Posimaidan-a lobuw minatoi polobong nu lobuw minatoi-o,” koo.

Nopoingkoyod si Yisus nu uos opogon

(Mrk 4:35-41; Luk 8:22-25)

23Sumokoyo yo si Yisus om mompomaid Niyo ri so alud. 24Muoso yo sono nu opogon, om liu' ri nga ginumumbang sampai nosungoyan alud-i, nga moturuw si Yisus. 25Riosi yo Iyo nosiro om tongaro yo nu, “Oo Tuan, sopulo kai! Matoi toko!” koo.

26Tongaro yo sono Niyo nosiro nu, “Nokuro su lumaa' kou? Dai kou gaam poimaid s'Aku,” koo. Mundiio yo sono Iyo pointoron nu uos om gumbang-i. Sonduun-duun-a miningkoyod, om liu' ri nga d'ado yo sono muad gimpung.

27Noiranan mompomaid Niyo ri, om mutotongar-tongaro yo nu, “Onu gaam nu lobuw Iyo? Insan uos om gumbang-o nga musimaid suu'on Niyo?” koo nosiro.

Minomali' si Yisus nu duo koyuwan sinorungan nu moinat

(Mrk 5:1-20; Luk 8:26-39)

28Nokologa' yo po si Yisus so Gadara#8:28: Gadara: tinu-tinu solinan silaid-i nokosurat nu Gorasa. (Bosa'on po Mrk 5:2 om Luk 8:26), om kuwai ya nokosurat nu Gorgisa. so sondipawon nu liu' ri, lumogaa yo sono dii so Iyo duo koyuwan sinorungan nu moinat kiat so kolobongan. Orampus sobana nosiro om d'ado lobuw kooku' tumalib dii. 29Nosiou-o po nosiro si Yisus, lumuapo yo nosiro nu, “Oo Anak nu Kinoringan, kuroon Mu ka kai? Sonsora'on Mu bo gaam kai pudi dai po nologa' pononsora'an so kai no!” koo.

30Dai orawu' dii, osuang ulod moingpoongokan. 31Mutongaro yo sono komoinatan sinumarung so duo koyuwan iiri so si Yisus nu, “Bang susubon Mu kai polabus so lobuw iitu, lilai kai yo sumarung so ulod-o,” koo nosiro.

32“Ian kou yo!” koo si Yisus. Mulaiwo yo komoinatan iiri kiat so duo lobuw-i, om sumorungo yo so ulod-i. Onu po sono nga noboiasan-a ulod-i mulaiw so piroung-i tumuop so liu' ri om nolosod.

33Mundako yo sono lobuw minongipat nu ulod iiri mian so bandar pokoilo nu noongolosod ulod-i, om botuturano yo suat so duo koyuwan baya' sinorungan iiri. 34Kiawi' lobuw so bandar iiri minian dii polaiw so si Yisus.

Currently Selected:

Matius 8: TomPWPgLgPn

Highlight

Copy

Compare