Matius 16

Pinopomaal si Yisus nu lobuw Parisi ri

nu koiran-iran

(Mrk 8:11-13; Luk 12:54-56)

1Tinu-tinu lobuw Parisi om Saduki ri minian dii si Yisus mokipoponginam so Iyo. Pinopomaal Iyo nosiro nu koiran-iran pongilaan nu kikopogboya'an Iyo ungkiat so Kinoringan.#Mat 12:38; Luk 11:16 2Nga mutongaro yo Iyo nu, “Bang lumidop runat-o, om omiang su langit, mutangar kou nu, muas ong suab. 3Nga bang omiang langit-o nu susuab, tongaron muyu nu muran nu runat tu, so' omiang langit om mogluung. Opirasat muyu kogoyaan nu wonuo tu nu muran ko' muas, so' siowan muyu langit-o, nga dai kou koorati nu waalon nu Kinoringan nu ono sono tu. 4Okon ko nowako-wako kooraai om koodouraka nu kolobuwan kosiono tu. Moingin nosiro nu ponondu'an koiran-iran kiat so Kinoringan om maid nai' nosiro so Aku, nga dai ya taakan nosiro nu tanda' sondiang ko tanda' ni Yunus, poo'abar nu Kinoringan gulu ri,” koo.#Mat 12:39; Luk 11:29

Nopupus-o po Iyo mutangar soko iri, laiwi yo Niyo nosiro.

Pongombang nu lobuw Parisi om Saduki

(Mrk 8:14-21)

5Nokologa' mompomaid ni Yisus so sondipawon nu liu' ri, noilaan nai' nosiro nu nokolupo mongowit nu baang-baang. 6Mutongaro yo si Yisus so nosiro nu, “Otago muyu yo! Mingat-ingat kou yo nu pongombang nu lobuw Parisi om Saduki,” koo.#Luk 12:1

7Norongou-o po nosiro tinangar Niyo ri, mutongar-tongaro yo nosiro nu, “Ono yo ko' mutangar Iyo nu soko ono, so' dai toko nokopongowit nu baang-baang,” koo.

8Noilaan-a Niyo pinutongar-tongaran nosiro ri, mutongaro yo sono Iyo nu, “Nokuro su umogutan kou nu ado baang-baang muyu no? Sobana ko dai kou poimaid! 9Kakal kou po dai koorati! Dai muyu ka oondoman limo yo nowatu baang-baang kinobi-kobi Ku ri om tinayad-tayad so lobuw limo noribu sampuw-i, om osuang po olu'-olu' inimpug muyu?#Mat 14:17-21 10Om onu koo nu iri turu nowatu baang-baang binaagi' so lobuw opat noribu sampuw-i, nga osuang po olu'-olu' inimpug muyu?#Mat 15:34-38 11Nokuro su dai po koorati kou nu okon-a ko suat so baang-baang tongaron Ku so kou no? Mingat-ingat kou yo nu pongombang nu lobuw Parisi om Saduki,” koo.

12Olaid-o om noorotian nai' nu mompomaid Niyo ri nu okon-a ko pongombang nu baang-baang su kuanon Niyo, ono ya nga pontudukan nu lobuw Parisi om Saduki.

Pongokunan ni Pitrus ong isai si Yisus

(Mrk 8:27-30; Luk 9:18-21)

13Miano yo si Yisus so tontong orani so bandar Kaisaria Pilipi. Nokologa' dii, tongaro yo Niyo mompomaid Niyo ri nu, “Ponokod nu lobuw, isai Aku ka, Anak nu Riniba oono?” koo.

14Sumombuto yo nosiro nu, “Kuwai mutangar nu si Yuanis Moongodiu', kuwai ya nu si Ilia, om wokon po mutangar nu si Yirimia intawa poo'abar wokon nu Kinoringan gulu ri,” koo.#Mat 14:1-2; Mrk 6:14-15; Luk 9:7-8

15“Nga ponokod muyu, isai Aku ka?” koo si Yisus.

16Sumombuto yo si Simun Pitrus nu, “Ikau-o su Raja Nijanji nu Kinoringan, Anak nu Kinoringan iri miau,” koo.#Yns 6:68-69

17Mutongaro yo si Yisus nu, “Osanang ko yo sobana, Simun Pitrus, anak ni Yuanis, so' okon ko lobuw su nopokoilo so ikau nu ono, sondiang ko Amo Ku so surga. 18Ono yo ko' ondomo yo nu ikau-o po si Pitrus, koorotian watu, om soko waloi maayo waalon so watu otagap, pokayon Ku ikau nu impuunon nu osuang lobuw poimaid so Aku om dai obinasa koimaidan nosiro pudi ko' poomatoi. 19Taakan Ku ikau nu kopogboya'an suat so isai yo po lobuw mokiaasuw so Pogkuosaan nu Kinoringan. Onu yo po nipogos mu so wonuo tu, nipogos-a so surga. Om onu yo po nilila' mu so wonuo tu, nilila' ya so surga,” koo.#Mat 18:18; Yns 20:23

20Nopupus iri, pogoso yo Niyo nosiro nu dai nipaabar so isai-isai ya nu Iyo yo su Raja Nijanji nu Kinoringan.

Kosonsora'an om kopotoyan ni Yisus

(Mrk 8:31—9:1; Luk 9:22-27)

21Kiat nu iri, nopokoilo sono si Yisus so mompomaid Niyo ri nu subai mian Iyo so Yirusalim, om osuang kosonsora'an oirosaan Niyo dii kiat so wowaidon nu tontong oono, wowaidon nu imam, om moomontuduk nu Ukum. Potoyon Iyo, nga oluli'an-a so kotolu no.

22Pudiko yo sono ni Pitrus si Yisus poobi' dii so iyo om tongaro yo nu, “Oo Tuan, muda-mudaan ong sopulon Ko ya nu Kinoringan kiat so kiawi' ono,” koo.

23Kumowiio yo sono Iyo om tongaro yo si Pitrus nu, “Pulaiw-o su moinat! Pikiran mu oono, pikiran-a nu lobuw, okon ko pikiran nu Kinoringan,” koo.

24Mutongaro yo Iyo so mompomaid Niyo ri nu, “Bang mokiwowaid lobuw so Aku, subai lupaan onu yo po koinginan niyo, om soko monimban nu salib, ono yo maid so Aku sumonsara' musingkopatoi.#Mat 10:38; Luk 14:27 25Isai landu momikir suat so kowiawan niyo kondiri, oliongan nai' nu kowiawan, nga isai dai landu momikir nu kowiawan niyo kondiri so' osulut so Aku, kikowiawan musingkolaid.#Mat 10:39; Luk 17:33; Yns 12:25 26Ado kosudaan nu lobuw kosongapan nu kiawi' so wonuo tu ong oraag-a kowiawan niyo insaadan nu Kinoringan musingkolaid. Ado onu-onu otoop pongoganti' niyo nu kowiawan niyo. 27Lumoga' Aku ya, Anak nu Riniba maid nu ongo susuu'on Ku, om kuasa nu Kinoringan, Amo so surga. Ukumon Ku kiawi' lobuw musuat nu onu yo po gogoma'on nosiro.#Mat 25:31; Lgu 62:12; Rm 2:6 28Ondomo muyu yo nu kuwai so kou tuui dai po matoi ong dai po kosiou so Aku, Anak nu Riniba, lumoga' mogkuasa soko raja,” koo si Yisus.

Currently Selected:

Matius 16: TomPWPgLgPn

Highlight

Copy

Compare