1 KOR 6
6
Ti kaura ɓaatǝ a wii ɓaa ɓǝ bǝɗɗaa Kaa ra ɓa
1Me yaake a ɗaaso waaso yǝn taa me kiyaa ti kaura ate isi, hankara sem mbu ɗuuranwaara ɓa yaa ko ma kaura a wiiyo a ɓan bǝɗɗa Kaa ra ɓa, pam me yaa sa ko a wiiyo a han ɓan bǝɗ Kaa ɓa rau? 2Hankara, sǝ maa me ɓan bǝɗ Kaa ɓa ndǝ ɓosa kǝɓaa kan kiita put taandi wa ɓa rau? Yaa me ndǝ saase kǝsaa kan kiita put taandi wa ɓa, pa sǝ nkaa sǝ kan kiita matamse u ngeek ngeek wa rau? 3Sǝ maa me kǝ ndǝ kan kiita ɓan timira Kaa ɓa ndase rau? Pa ndǝ yam mbu nteesǝ kaɗɗo put taandi wa ɓau? 4Me maaso, me sǝ ma nkamǝra rǝkata nga siso, pa tomtomni sǝn kosǝ a wiiyo ɓan kan kiita u ɓǝ sem ke ma kwauwo ɓan bǝɗ Kaa ɓa wa rau? 5Nǝ nkee u nwa me nǝsǝ na ɗuuranwaara. Waso yaake sem kǝn hana fin a ɗaaso waaso yaa yǝ weesǝ nuuwa ya, u kiyaa nkaa yǝsǝ kan mara a ɗaaso waaso ɓan bǝɗɗa wa rau? 6Pa hana yamni yǝn ko ma kaura ate isi ra, a hit kankiita wa, hana a wiiyo a ɓaa ɓǝ maa Kaa ra ɓa.
7Ti kaura ɓaatǝ u sǝn tomsǝ wa, susu maɗ weɗɗan me sǝ yamman. Para kama sǝ lee ɓaasǝ pǝk rau? Para kama sǝ sǝmǝ hana ɓaa saasǝ ɓongtǝra saa a kankiita wa rau? 8Pa waso sǝ sengge, saase ma nkweerase sǝn pǝk ɓaatǝ ɗǝm sǝn tom mbu kwalakwala ɓa, ɗǝm sǝn tom mbusǝsa ɓaata ɓǝsa hana ɓan bǝɗ Kaa ɓa.
9Hankara sǝ maa me, ɓaa ɓǝsǝ ma kwanatiro ɓa, ɓǝ taa kuɓsutu Kaa wa rau? Sǝ kong lee yaake sǝ nlaa ra! Ɓaata ka sem kǝn ɓaa ɓǝn nyoosǝ kwandamse ɓa, hana ɓaa ɓǝn tomsǝ pepeto ɓa, hana parata ɓaa ɓǝn tǝrsǝ ɓaata ɓosa parata ɓa, 10hana nkwiinya, hana ɓaa ɓǝn tomsǝ nɗeura mbu ɓaata ɓa wa, hana ɓaa ɓǝn weesǝ mbu kǝɓǝn taa ɓa, hana ɓaa ɓǝn tomsǝ sǝrmamse ɓa, hana ɓaa ɓǝn pǝksǝ koɓaa ɓeta ɓa, nsaad siso, yaake sem fin a ɗaaso ɓoso kiya taa kuɓsutu Kaa wa ra. 11Ɓaata a ɗaaso waaso tang kasǝ maaso, pa waso sǝ sem maaso ra, ɓaa nweerǝ sǝn sǝ tom fin Kaa, yǝ sǝ soɓ tenatenato waason, ɗǝm ndǝ yaa yǝ tisǝsǝ sǝ tom mbu yǝsǝ keke a wiiyo a Kaa ni ɓa, ma lau ɗǝnda Ankundi Yeso Almaseho wa, ma Wis Kaa ɓǝnda wa.
Sǝ too Kaa ma maabiri yaase
12Sǝn nkee me, “Mbusa nsaad ɓaa lee nǝ ɗǝɗan.” Pa a nani, sem mbusa nsaad ǝn mbu hima ɓa ra. Sǝn nkee me, “Mbusa nsaad ɓaa leenǝ ɗǝɗan.” Pa nase, nǝ fǝta kaɗ hoora mbuka ke wa ra. 13Sǝn nkee me, “Mbuseya ɓaa sǝk men kuɗa, kuɗa ɗǝm ɓaa sǝk men mbuseya.” Pa Kaa kiyǝ ɓǝ tum nsaad raɓ. Maabiri sisi ɓaa sǝk me aa tom pepeto ma siso ra, pa men Ankundi, Ankundi ɗǝm men maabiri. 14Kaa yaa yǝ niksǝ Ankundi a woɗɗa ya, maaso ndase kǝn kiyǝ ndǝ nik ma lau kwangto usu wa. 15Hankara sǝ maa me maabiri yaase ndǝ kakta maabiri Almaseho ta rau? Nase nǝ fǝta too kakta maabiri Almaseho ra, nǝ ɓǝ tǝmɓa ma tulara ra. 16Hankara sǝ maa me, yaa yǝ tǝrsǝ ma tulara ya, ɓǝ kang maabiri fin rau? Nga ɓaa nyorsǝ a Likarkar Kaa wa me, “Ɓosa raɓ siso ɓǝ kang maabiri fin.” 17Pa hanan nyamni yaa yǝ tǝmbasǝ ɗuura ira ma Ankundi ya, ɓǝ kang fin a wiso usun.
18Sǝ mon tom pepeto wa. Nsaad tentenato u ete yǝn tomsǝ wa, ntee maabiri isi ra, pa yaa yǝn tomsǝ pepeto ya, yǝn tom maabiri isi tenatenato. 19Hankara sǝ maa me, maabiri yaase ǝn hit Wis Ɗekɗek wa rau? Wis Ɗekɗek siso yǝ ɗaa a kuti yaase. Kaa ma nkweera ira, ndǝ sase yǝ nasǝsǝ Wis Ɗekɗek siso wa. Ai, sǝn u Kaa wa, sǝ sem u nkweerase wa ra, 20ɓaa tirisǝ tiri, ɗǝm ɓaa kwanan. Me maaso, sǝ too Kaa ma maabiri yaase.
Currently Selected:
1 KOR 6: LLA
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association
1 KOR 6
6
Ti kaura ɓaatǝ a wii ɓaa ɓǝ bǝɗɗaa Kaa ra ɓa
1Me yaake a ɗaaso waaso yǝn taa me kiyaa ti kaura ate isi, hankara sem mbu ɗuuranwaara ɓa yaa ko ma kaura a wiiyo a ɓan bǝɗɗa Kaa ra ɓa, pam me yaa sa ko a wiiyo a han ɓan bǝɗ Kaa ɓa rau? 2Hankara, sǝ maa me ɓan bǝɗ Kaa ɓa ndǝ ɓosa kǝɓaa kan kiita put taandi wa ɓa rau? Yaa me ndǝ saase kǝsaa kan kiita put taandi wa ɓa, pa sǝ nkaa sǝ kan kiita matamse u ngeek ngeek wa rau? 3Sǝ maa me kǝ ndǝ kan kiita ɓan timira Kaa ɓa ndase rau? Pa ndǝ yam mbu nteesǝ kaɗɗo put taandi wa ɓau? 4Me maaso, me sǝ ma nkamǝra rǝkata nga siso, pa tomtomni sǝn kosǝ a wiiyo ɓan kan kiita u ɓǝ sem ke ma kwauwo ɓan bǝɗ Kaa ɓa wa rau? 5Nǝ nkee u nwa me nǝsǝ na ɗuuranwaara. Waso yaake sem kǝn hana fin a ɗaaso waaso yaa yǝ weesǝ nuuwa ya, u kiyaa nkaa yǝsǝ kan mara a ɗaaso waaso ɓan bǝɗɗa wa rau? 6Pa hana yamni yǝn ko ma kaura ate isi ra, a hit kankiita wa, hana a wiiyo a ɓaa ɓǝ maa Kaa ra ɓa.
7Ti kaura ɓaatǝ u sǝn tomsǝ wa, susu maɗ weɗɗan me sǝ yamman. Para kama sǝ lee ɓaasǝ pǝk rau? Para kama sǝ sǝmǝ hana ɓaa saasǝ ɓongtǝra saa a kankiita wa rau? 8Pa waso sǝ sengge, saase ma nkweerase sǝn pǝk ɓaatǝ ɗǝm sǝn tom mbu kwalakwala ɓa, ɗǝm sǝn tom mbusǝsa ɓaata ɓǝsa hana ɓan bǝɗ Kaa ɓa.
9Hankara sǝ maa me, ɓaa ɓǝsǝ ma kwanatiro ɓa, ɓǝ taa kuɓsutu Kaa wa rau? Sǝ kong lee yaake sǝ nlaa ra! Ɓaata ka sem kǝn ɓaa ɓǝn nyoosǝ kwandamse ɓa, hana ɓaa ɓǝn tomsǝ pepeto ɓa, hana parata ɓaa ɓǝn tǝrsǝ ɓaata ɓosa parata ɓa, 10hana nkwiinya, hana ɓaa ɓǝn tomsǝ nɗeura mbu ɓaata ɓa wa, hana ɓaa ɓǝn weesǝ mbu kǝɓǝn taa ɓa, hana ɓaa ɓǝn tomsǝ sǝrmamse ɓa, hana ɓaa ɓǝn pǝksǝ koɓaa ɓeta ɓa, nsaad siso, yaake sem fin a ɗaaso ɓoso kiya taa kuɓsutu Kaa wa ra. 11Ɓaata a ɗaaso waaso tang kasǝ maaso, pa waso sǝ sem maaso ra, ɓaa nweerǝ sǝn sǝ tom fin Kaa, yǝ sǝ soɓ tenatenato waason, ɗǝm ndǝ yaa yǝ tisǝsǝ sǝ tom mbu yǝsǝ keke a wiiyo a Kaa ni ɓa, ma lau ɗǝnda Ankundi Yeso Almaseho wa, ma Wis Kaa ɓǝnda wa.
Sǝ too Kaa ma maabiri yaase
12Sǝn nkee me, “Mbusa nsaad ɓaa lee nǝ ɗǝɗan.” Pa a nani, sem mbusa nsaad ǝn mbu hima ɓa ra. Sǝn nkee me, “Mbusa nsaad ɓaa leenǝ ɗǝɗan.” Pa nase, nǝ fǝta kaɗ hoora mbuka ke wa ra. 13Sǝn nkee me, “Mbuseya ɓaa sǝk men kuɗa, kuɗa ɗǝm ɓaa sǝk men mbuseya.” Pa Kaa kiyǝ ɓǝ tum nsaad raɓ. Maabiri sisi ɓaa sǝk me aa tom pepeto ma siso ra, pa men Ankundi, Ankundi ɗǝm men maabiri. 14Kaa yaa yǝ niksǝ Ankundi a woɗɗa ya, maaso ndase kǝn kiyǝ ndǝ nik ma lau kwangto usu wa. 15Hankara sǝ maa me maabiri yaase ndǝ kakta maabiri Almaseho ta rau? Nase nǝ fǝta too kakta maabiri Almaseho ra, nǝ ɓǝ tǝmɓa ma tulara ra. 16Hankara sǝ maa me, yaa yǝ tǝrsǝ ma tulara ya, ɓǝ kang maabiri fin rau? Nga ɓaa nyorsǝ a Likarkar Kaa wa me, “Ɓosa raɓ siso ɓǝ kang maabiri fin.” 17Pa hanan nyamni yaa yǝ tǝmbasǝ ɗuura ira ma Ankundi ya, ɓǝ kang fin a wiso usun.
18Sǝ mon tom pepeto wa. Nsaad tentenato u ete yǝn tomsǝ wa, ntee maabiri isi ra, pa yaa yǝn tomsǝ pepeto ya, yǝn tom maabiri isi tenatenato. 19Hankara sǝ maa me, maabiri yaase ǝn hit Wis Ɗekɗek wa rau? Wis Ɗekɗek siso yǝ ɗaa a kuti yaase. Kaa ma nkweera ira, ndǝ sase yǝ nasǝsǝ Wis Ɗekɗek siso wa. Ai, sǝn u Kaa wa, sǝ sem u nkweerase wa ra, 20ɓaa tirisǝ tiri, ɗǝm ɓaa kwanan. Me maaso, sǝ too Kaa ma maabiri yaase.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association