1 KOR 5
5
Nǝng kiita a ɗuura ɓaa ɓǝn tomsǝ pepeto ra
1Ɓaa nkeenǝ me ɓan tom pepeto a ɗaaso waaso, u nkamǝra ira sem hana a ɗaaso ɓaa ɓǝ maa Kaa ra ɓa, u kansǝ atike yǝ kang ma toone paɓisi ya nga toonesi. 2Ɗǝm pa sǝn too ɗuura asi! Hankara, pam me kama sǝ kung ma kuɗa teptep ta, ɗǝm sǝ hik eɗ yǝ tomsǝ nkamǝra mbusa ra a ɗaaso waaso rau? 3Hanaka nǝsǝ sem ke ma sase a maabiri kǝnso ra wa, pa nǝ ke ma sase a wiso. Nǝ wee nǝng kiita yaa yǝ tomsǝ nkamǝra mbusa ra nga nǝ kǝnso. 4A fer sǝ kwausǝ a ɗǝnda Ankundi yaande Yeso ra wa, nǝ ke ma saase a wiso, ɗǝm kwangto Ankundi yaande Yeso wa, yǝ ke ma saase, 5pa sǝ na nkamǝra eɗsisi ya Shaitan, hanaka Shaitan yǝ tǝblǝ maabiri isin, ɓaa kǝ kon nkweera huurtu usu a kaa Ankundi ɓa.
6Too ɗuura waaso siso, yǝ sem yaɓ ra. Sǝ maa me yisti ngeek yǝn ti nkaadǝng yǝ mbiti kwangwa rau? 7Sǝ hik meera yisti u tenatenato wa, me sǝ kaɗ nga nfiinfii nkaaɗǝng u yisti sem ra wa, maaso sǝsǝ wa. Nǝ nkeesǝ maaso me, ɓaa wee tom haɗaya wa ma Au sabra ɓǝnda u Mbukamsa Taɗko wa ma, u yǝsǝn sase Almaseho wa. 8Me maaso, aa lee ndǝ tom mbukamsa nda, sem ma nkaaɗǝng u ma meera yisti wa ra, u yǝsǝn yisti u ma ɓaatǝ kwalakwala a kuti ya ma kwanatiro wa ra, pa ma nkaaɗǝng u yisti semra wa, u yǝsǝn nkaaɗǝng u teno wa ma u ɓongtǝra wa.
9Ka nǝ nyorsǝ a likarkar waano kǝra me, sǝ kong tǝmɓa ɗuura wa ma pepeta ra. 10Nǝn kanaa a ɗuura pepeta u a put taandi wa ɓa ra, hana a ɗuura ɓan ma nɗeura a mbu ɓaata ɓa ra, hana a ɗuura ɓan pǝkta ɓa ra, hana a ɗuura ɓan nyoosǝ kwandamse ɓa ra. Me mbusa tom maaso, kaɗɗan ɗaɗ, sǝ fiɗ a put taandi nwa. 11Pa waso nǝn nyorsǝ me, sǝ kong tǝmɓa ɗuura ma hanan nyamni yaa yǝn nkeesǝ nkweera ira me yǝn an bǝɗɗe ya, pa ding waso yǝn an tom pepeto ya, hana yǝn an kura nɗeura mbu ɓaata ɓa ya, hana yǝn an nyoo kwanda ya, hana yǝn an sǝr ɓeta ɓa ya, hana yaa yǝn weesǝ mbu kǝsa taa ɓa ya, hana yǝn an pǝk ɓeta ya, nkamǝrǝ ɓetsǝsǝ ra, hanan mbuseya sǝ se ma ɓosa ra.
12Mbu nteenǝ mbi ma nǝng kiita ɓaa ɓǝsǝ taandi a kwauwo ɓan bǝɗ Kaa ɓa wau? Sem ɓaa ɓǝsǝ ɗaan a kwauwo ɓan bǝɗ Kaa ɓa wa, kǝsǝ ɓǝn nǝng kiita wa rau? 13Kaa ndǝ sase kiyǝ nǝngsǝ kiita ɓaa ɓǝsǝ taandi a kwauwo ɓan bǝɗ Kaa ɓa wa. Sǝ pǝǝ yaa kwalakwala kaya a ɗaaso waaso.
Currently Selected:
1 KOR 5: LLA
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association
1 KOR 5
5
Nǝng kiita a ɗuura ɓaa ɓǝn tomsǝ pepeto ra
1Ɓaa nkeenǝ me ɓan tom pepeto a ɗaaso waaso, u nkamǝra ira sem hana a ɗaaso ɓaa ɓǝ maa Kaa ra ɓa, u kansǝ atike yǝ kang ma toone paɓisi ya nga toonesi. 2Ɗǝm pa sǝn too ɗuura asi! Hankara, pam me kama sǝ kung ma kuɗa teptep ta, ɗǝm sǝ hik eɗ yǝ tomsǝ nkamǝra mbusa ra a ɗaaso waaso rau? 3Hanaka nǝsǝ sem ke ma sase a maabiri kǝnso ra wa, pa nǝ ke ma sase a wiso. Nǝ wee nǝng kiita yaa yǝ tomsǝ nkamǝra mbusa ra nga nǝ kǝnso. 4A fer sǝ kwausǝ a ɗǝnda Ankundi yaande Yeso ra wa, nǝ ke ma saase a wiso, ɗǝm kwangto Ankundi yaande Yeso wa, yǝ ke ma saase, 5pa sǝ na nkamǝra eɗsisi ya Shaitan, hanaka Shaitan yǝ tǝblǝ maabiri isin, ɓaa kǝ kon nkweera huurtu usu a kaa Ankundi ɓa.
6Too ɗuura waaso siso, yǝ sem yaɓ ra. Sǝ maa me yisti ngeek yǝn ti nkaadǝng yǝ mbiti kwangwa rau? 7Sǝ hik meera yisti u tenatenato wa, me sǝ kaɗ nga nfiinfii nkaaɗǝng u yisti sem ra wa, maaso sǝsǝ wa. Nǝ nkeesǝ maaso me, ɓaa wee tom haɗaya wa ma Au sabra ɓǝnda u Mbukamsa Taɗko wa ma, u yǝsǝn sase Almaseho wa. 8Me maaso, aa lee ndǝ tom mbukamsa nda, sem ma nkaaɗǝng u ma meera yisti wa ra, u yǝsǝn yisti u ma ɓaatǝ kwalakwala a kuti ya ma kwanatiro wa ra, pa ma nkaaɗǝng u yisti semra wa, u yǝsǝn nkaaɗǝng u teno wa ma u ɓongtǝra wa.
9Ka nǝ nyorsǝ a likarkar waano kǝra me, sǝ kong tǝmɓa ɗuura wa ma pepeta ra. 10Nǝn kanaa a ɗuura pepeta u a put taandi wa ɓa ra, hana a ɗuura ɓan ma nɗeura a mbu ɓaata ɓa ra, hana a ɗuura ɓan pǝkta ɓa ra, hana a ɗuura ɓan nyoosǝ kwandamse ɓa ra. Me mbusa tom maaso, kaɗɗan ɗaɗ, sǝ fiɗ a put taandi nwa. 11Pa waso nǝn nyorsǝ me, sǝ kong tǝmɓa ɗuura ma hanan nyamni yaa yǝn nkeesǝ nkweera ira me yǝn an bǝɗɗe ya, pa ding waso yǝn an tom pepeto ya, hana yǝn an kura nɗeura mbu ɓaata ɓa ya, hana yǝn an nyoo kwanda ya, hana yǝn an sǝr ɓeta ɓa ya, hana yaa yǝn weesǝ mbu kǝsa taa ɓa ya, hana yǝn an pǝk ɓeta ya, nkamǝrǝ ɓetsǝsǝ ra, hanan mbuseya sǝ se ma ɓosa ra.
12Mbu nteenǝ mbi ma nǝng kiita ɓaa ɓǝsǝ taandi a kwauwo ɓan bǝɗ Kaa ɓa wau? Sem ɓaa ɓǝsǝ ɗaan a kwauwo ɓan bǝɗ Kaa ɓa wa, kǝsǝ ɓǝn nǝng kiita wa rau? 13Kaa ndǝ sase kiyǝ nǝngsǝ kiita ɓaa ɓǝsǝ taandi a kwauwo ɓan bǝɗ Kaa ɓa wa. Sǝ pǝǝ yaa kwalakwala kaya a ɗaaso waaso.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association