1 KOR 7
7
Matamse a ɗuura kon toone ra
1To, a ɗuura matamse sǝ nyorsǝ ra, yǝ kwalari ete yǝ kaɗ toone sem ra. 2Pa me tom pepeto kǝn dem wa, hana parara nara, yǝ tom ma toone si, ɗǝm hana toone naya yǝ tom ma kere si. 3Hana ker na ya, yǝ na toonesi mbu pamsǝ me kama aa tom toone ɓa, maaso ɗǝm toone yǝ tom kere si. 4Toone yǝ sem ma kwangto a maabiri isi ra, pa ndub kere si, maaso ɗǝm, kere yǝ semma kwangto a maabiri isi ra, pa ndub toone si. 5Tom yaake yǝ saa maabiri isi ate ra, ndub me sǝ kan kwaro fin nǝn, me sǝ taa ɗǝɗa saa tom kǝnara. Pa sǝ ɓaarǝ sǝ pam ɗǝm, me tom Shaitan yǝsǝ ti pǝtara ra, men aa yam maɗuura waaso. 6Nǝ nkeesǝ mbusǝsa maaso a senda na, sem ma masaka ra. 7Me ka hana nyamni yǝ nga niina, pa hana nyamni yǝma nkaamǝra nawoo u Kaa nasǝsǝ wa. Ate ɓaa nasǝ nkaamǝra nawoo ra, ate ɗǝm ɓaa nasǝ nkaamǝra sǝra.
8A ɗuura ɓaa ɓǝ kon toona ra ɓa, ma toona ɓaa ker ɓosa ɓǝ woɗsǝ ɓa, nǝn wǝr nga paman ɓǝ kaɗ ɓǝ kon toona hana ɓǝ nsaa kera ra nga nǝsǝ wa. 9Pa me ɓǝ nkaa ɓǝ ma ɗuura ɓosa ra, ɓǝ kon toona, me para ɓǝ kon toona me tom nɗeura ɓǝ ma ra.
10Ɓaa ɓǝ konsǝ toona ɓa, hana ɓaa ɓǝ nsaasǝ kera ɓa, nǝn nkeesǝ me, pa sem niina nǝn nkeesǝ wa ra, pa Ankundi yǝ nkee sase me, toone yǝ kong ɓaa ma kere si ra. 11Pa me yǝ ɓaa ma kere sin, yǝ ɓaarǝ yǝ nsaa ker ke ɓol ɗǝm ra, pa me yǝ nkaa yǝ kaɗ kere sem ra ra, para yǝ sǝk ma kere si. Kere ɗǝm, yǝ kong pǝǝ toonesi wa ra.
12A ɗuura pepere ɓaata ya, nǝ nkee niina sem Ankundi ra, me ate nyaange yǝma toone yaa yǝ bǝɗɗa Kaa ra ya, yǝ ɗǝm yauwan me ɓǝ kaɗ ke, to, yǝ ɓaa ma sase ra. 13Ɗǝm me toone ke yǝ ma kere, yaa yǝ na ɓongtǝra ra ya, ɗǝm yǝ yauwan me kiyǝ kaɗ ma toone sisi, to, yǝ ɓaa ma sase ra. 14Nǝ nkee maaso me, kere, yaa yǝ na ɓongtǝra ra ya, yǝ ɗekɗek ma lau kaɗɗo fin ma toonesi wa, maaso ɗǝm ma toone, yaa yǝ na ɓongtǝra ra ya, yǝ ɗekɗek ma lau kaɗɗo fin ma kere si wa. Me sem maaso ra, em ɓǝsaa ɓǝkǝ tom ma rumta, pa waso, ɓǝ ɓaa ɗekɗek ɓa.
15Me yaa yǝn bǝɗɗa Kaa ra sisi, yǝn taa me ɓǝ ɓaa ma an bǝɗɗe sisi, to, ɓǝ ɓaa. A nkamǝra kaɗɗo siso ra, an bǝɗɗe kere hana toone, kaɗɗo siso tom ɗaɗ a ɗuura an bǝɗɗe ya ra, me Kaa yǝ yar ndǝ aa tom kaɗɗo hurhurto wa. 16Ngase toone, ngǝ maan me minda kǝ ngǝ nkaa ngǝ kon nkweera kerange nǝu? Ngase kere, ngǝ maan me minda kǝ ngǝ nkaa ngǝ kon nkweera toonange nǝu?
Nkamǝra kaɗɗo Ankundi yǝn yausǝ me aa tom ya wa
17Hana maaso, aa lee hana nyamni yǝ faɗ wiiyo ma nkamǝra kaɗɗo u Ankundi yǝ tisǝsǝ wa, ɗǝm ma u Kaa yǝ yarsǝsǝ me yǝ tom ɓa ya. U nwa ndǝ fǝɗkǝra nǝn tomsǝ nsaad a han kwauwo ɓan bǝɗ Kaa ɓa wa. 18Nsaad yaa Kaa yǝ yarsǝsǝ me wo yaa bǝɗ ya, pa eɗ sisi ɓaa weesǝ firon, yǝ kong kǝro me kiyǝ fir ɗǝm ra. Ɗǝm nsaad yaa Kaa yǝ yarsǝsǝ pa kayǝ fir ra ya, yǝ kong nkee me kiyǝ kǝr ɓaa fir nhe ra. 19Hana ɓaa fir eten hana ɓaa fir ete ra, nsaad siso ǝn mbukake ra, pa bǝɗ masakasa Kaa wa, ndǝ siso faɗsǝ wa. 20Aa lee hana nyamni yǝ faɗ wiiyo ma nkamǝra kaɗɗo yǝsǝ ɗaan wa a fer Kaa yǝ yarsǝsǝ me wo yǝ bǝɗ wa. 21Meka ngǝn hoora a fer Kaa yǝ yar ngǝsǝ wa, ngǝ lee mbusa ngǝ rǝka ra, me kǝngǝ taa kaɗ hurhur wa, aa tom tinima ma siso. 22Nsaad yaa yǝsǝ hoora a fer ɓaa yarsǝsǝ yǝ wo a Ankundi ni wa, yǝn yaa ma kaɗ hurhur wa u Ankundi wa. Maaso ɗǝm, yaa ɓaa yarsǝsǝ a fer yǝsǝ ma kaɗ hurhur wa, yǝ kaɗ hoora Almaseho ran. 23Ɓaa tirisǝ tiri ɗǝm ɓaa kwanan, sǝ kong kaɗ hoota ɓeta ta ra. 24Ɓaata ɓǝna, aa lee hana nyamni yǝ faɗ wiiyo ma nkamǝra kaɗɗo yǝsǝ ɗaan wa, a fer Kaa yǝ yarsǝsǝ wa.
Ɓaa nsaawo semra ɓa ma ɓaa ker ɓosa ɓǝ woɗsǝ ɓa
25A ɗuura emtoona ɓaa ɓǝ nsaa kera ra ɓa, Ankundi yǝ nkeenǝ mbukake a si ra, pa nǝn nkeesǝ senda na, men nase nǝ yaa ɓaa yausǝ ma sase ya, ma lau nyorataara Ankundi ra. 26Nǝn wǝr me kǝ faɗ yaɓto ete yǝ kaɗ nga yǝsǝ wa, me nga waso ǝn fer kongsa wa. 27Me ngǝ eɗ yǝsǝ ma toone ya, ngǝ kong pǝǝ toone yaange ra. Me ngǝ sem ma toone ra, ngǝ kong kǝr me ngǝ kon toone ra. 28Pa me ngǝ kon toonen, ngǝ tom mbu tenatenato ɓa a wii Kaa ni ra, ɗǝm me autoone yǝ nsaa keren, yǝ tom mbu tenatenato ɓa ra. Pa ɓaa ɓǝ nsaasǝ ɓa, kǝɓǝ taa kongsa a kaɗɗo ɓoso, ndǝ siso mbu kwaasǝ nǝ yau me sǝ kana a nkamǝra kongsa sǝ ra.
29Ɓaata ɓǝna, mbu nǝn nkeesǝ a hamɓa ɓa ndǝ siso, tǝromse ɓaa nǝngsǝ wa pee ngeek a feɗɗe. Nii nga waso, ɓaa ɓǝ konsǝ toona, hana ɓaa ɓǝ nsaasǝ kera ɓa, ɓǝ kaɗ nga ɓǝ nsaa ra. 30Maaso ɗǝm, ɓaa ɓǝsa kuɗa teptep ra ɓa, ɓǝ tom nga ɓǝ sem a kuɗa teptep wa ra, ɓaa ɓǝn hursǝ kuɗa ɓa ɗǝm, ɓǝ tom nga ɓǝn huraa kuɗa ra, maaso ma ɓaa ɓǝn tirsǝ mbusa ɓa ɗǝm, ɓǝ ti kanggo a siso ra. 31Ɓaa ɓǝn tomsǝ tinima ma mbu a put taandi wa ɓa, ɓǝ tom nga ɓǝ ti kanggo a si ra, me put taandi wa yǝn talǝntalǝ.
32Nǝn taa me nǝsǝ hik a rǝkata saa. Yaa yǝ kon toone ra ya, yǝn sen ma tinimsa Ankundi ma, nga ɗǝɗa kiyaa tom yǝ tǝǝ Kaa ɓa. 33Pa yaa yǝsǝ ma toone ya, yǝn rǝka ɗuura ira ma senta mbu a put taandi wa ɓa, nga ɗǝɗa kiyaa tom yǝ tǝǝ toone si ya. 34Senda ira ɓaan raɓ. Ɗǝm toone yǝ sem a kere ra ya, hana autoone, yǝn taarǝ dem ma tinima Ankundi ma, nga ɗǝɗa kiyaa tom yǝ kaɗ ɗekɗek a maabiri ma wiso wa. Pa toone a kere ya, yǝn taarǝ a ɗuura mbu a put taandi wa ɓa, nga ɗǝɗa kiyaa tom yǝ tǝǝ kere si ya. 35Nǝn nkee maaso me nǝsǝ kwasi, sem me nǝsǝ rǝka ra, pa me nǝsǝ kwasi sǝ kaɗ kuɗa fin ma Ankundi sem ma ɓaa senta wa ra.
36Me yaake yǝ waa autoone u yǝ maasǝ nsaa wa, ɗǝm yǝn wǝr nga yǝ tomma mbu yǝsǝ keke a sanii ɓa ra, ɗǝm autoone sisi yǝ tǝǝsǝn dem, aa lee yaa kono. Me mbusa tom maaso, ǝn mbu tenatenato ɓa ra. 37Pa yaa yǝ nǝdsǝ kwakwa a senda kuɗa ira ya, mbusǝsa tom ɗaɗ a sanii ra, ɗǝm yǝn nkaa yǝ ma ɗuura ira, ɗǝm yǝ too a kuɗa iran, me yǝ kon autoone sisi ra, to, usu kǝn tommon keke. 38Me maaso, yaa yǝ konsǝ autoone yǝ waasǝ ya wa, yǝ tommon keke. Pa yaa yǝ kon autoone yǝ waasǝsǝ ya ra wa, yǝ faɗsǝ tom mbu yǝsǝ keke ɓa wan.
39Toone yǝ pǝta ɓaa ma kere si ra, me kere si ding ma huurtu. Pa me kere si woɗɗon, yǝ ma ɗǝɗa yǝ nsaa yaake ɓol u kuɗa ira tǝǝsǝ wa, pa tommon ɗaɗ, eɗ sisi yǝ tom an bǝɗ Ankundi ya. 40Pa a senda na, kiyǝ faɗ kura nebto wa, me yǝ kaɗ nga yǝsǝ wa. Ɗǝm a wǝro waano, nǝ ma Wis Kaa wa.
Currently Selected:
1 KOR 7: LLA
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association
1 KOR 7
7
Matamse a ɗuura kon toone ra
1To, a ɗuura matamse sǝ nyorsǝ ra, yǝ kwalari ete yǝ kaɗ toone sem ra. 2Pa me tom pepeto kǝn dem wa, hana parara nara, yǝ tom ma toone si, ɗǝm hana toone naya yǝ tom ma kere si. 3Hana ker na ya, yǝ na toonesi mbu pamsǝ me kama aa tom toone ɓa, maaso ɗǝm toone yǝ tom kere si. 4Toone yǝ sem ma kwangto a maabiri isi ra, pa ndub kere si, maaso ɗǝm, kere yǝ semma kwangto a maabiri isi ra, pa ndub toone si. 5Tom yaake yǝ saa maabiri isi ate ra, ndub me sǝ kan kwaro fin nǝn, me sǝ taa ɗǝɗa saa tom kǝnara. Pa sǝ ɓaarǝ sǝ pam ɗǝm, me tom Shaitan yǝsǝ ti pǝtara ra, men aa yam maɗuura waaso. 6Nǝ nkeesǝ mbusǝsa maaso a senda na, sem ma masaka ra. 7Me ka hana nyamni yǝ nga niina, pa hana nyamni yǝma nkaamǝra nawoo u Kaa nasǝsǝ wa. Ate ɓaa nasǝ nkaamǝra nawoo ra, ate ɗǝm ɓaa nasǝ nkaamǝra sǝra.
8A ɗuura ɓaa ɓǝ kon toona ra ɓa, ma toona ɓaa ker ɓosa ɓǝ woɗsǝ ɓa, nǝn wǝr nga paman ɓǝ kaɗ ɓǝ kon toona hana ɓǝ nsaa kera ra nga nǝsǝ wa. 9Pa me ɓǝ nkaa ɓǝ ma ɗuura ɓosa ra, ɓǝ kon toona, me para ɓǝ kon toona me tom nɗeura ɓǝ ma ra.
10Ɓaa ɓǝ konsǝ toona ɓa, hana ɓaa ɓǝ nsaasǝ kera ɓa, nǝn nkeesǝ me, pa sem niina nǝn nkeesǝ wa ra, pa Ankundi yǝ nkee sase me, toone yǝ kong ɓaa ma kere si ra. 11Pa me yǝ ɓaa ma kere sin, yǝ ɓaarǝ yǝ nsaa ker ke ɓol ɗǝm ra, pa me yǝ nkaa yǝ kaɗ kere sem ra ra, para yǝ sǝk ma kere si. Kere ɗǝm, yǝ kong pǝǝ toonesi wa ra.
12A ɗuura pepere ɓaata ya, nǝ nkee niina sem Ankundi ra, me ate nyaange yǝma toone yaa yǝ bǝɗɗa Kaa ra ya, yǝ ɗǝm yauwan me ɓǝ kaɗ ke, to, yǝ ɓaa ma sase ra. 13Ɗǝm me toone ke yǝ ma kere, yaa yǝ na ɓongtǝra ra ya, ɗǝm yǝ yauwan me kiyǝ kaɗ ma toone sisi, to, yǝ ɓaa ma sase ra. 14Nǝ nkee maaso me, kere, yaa yǝ na ɓongtǝra ra ya, yǝ ɗekɗek ma lau kaɗɗo fin ma toonesi wa, maaso ɗǝm ma toone, yaa yǝ na ɓongtǝra ra ya, yǝ ɗekɗek ma lau kaɗɗo fin ma kere si wa. Me sem maaso ra, em ɓǝsaa ɓǝkǝ tom ma rumta, pa waso, ɓǝ ɓaa ɗekɗek ɓa.
15Me yaa yǝn bǝɗɗa Kaa ra sisi, yǝn taa me ɓǝ ɓaa ma an bǝɗɗe sisi, to, ɓǝ ɓaa. A nkamǝra kaɗɗo siso ra, an bǝɗɗe kere hana toone, kaɗɗo siso tom ɗaɗ a ɗuura an bǝɗɗe ya ra, me Kaa yǝ yar ndǝ aa tom kaɗɗo hurhurto wa. 16Ngase toone, ngǝ maan me minda kǝ ngǝ nkaa ngǝ kon nkweera kerange nǝu? Ngase kere, ngǝ maan me minda kǝ ngǝ nkaa ngǝ kon nkweera toonange nǝu?
Nkamǝra kaɗɗo Ankundi yǝn yausǝ me aa tom ya wa
17Hana maaso, aa lee hana nyamni yǝ faɗ wiiyo ma nkamǝra kaɗɗo u Ankundi yǝ tisǝsǝ wa, ɗǝm ma u Kaa yǝ yarsǝsǝ me yǝ tom ɓa ya. U nwa ndǝ fǝɗkǝra nǝn tomsǝ nsaad a han kwauwo ɓan bǝɗ Kaa ɓa wa. 18Nsaad yaa Kaa yǝ yarsǝsǝ me wo yaa bǝɗ ya, pa eɗ sisi ɓaa weesǝ firon, yǝ kong kǝro me kiyǝ fir ɗǝm ra. Ɗǝm nsaad yaa Kaa yǝ yarsǝsǝ pa kayǝ fir ra ya, yǝ kong nkee me kiyǝ kǝr ɓaa fir nhe ra. 19Hana ɓaa fir eten hana ɓaa fir ete ra, nsaad siso ǝn mbukake ra, pa bǝɗ masakasa Kaa wa, ndǝ siso faɗsǝ wa. 20Aa lee hana nyamni yǝ faɗ wiiyo ma nkamǝra kaɗɗo yǝsǝ ɗaan wa a fer Kaa yǝ yarsǝsǝ me wo yǝ bǝɗ wa. 21Meka ngǝn hoora a fer Kaa yǝ yar ngǝsǝ wa, ngǝ lee mbusa ngǝ rǝka ra, me kǝngǝ taa kaɗ hurhur wa, aa tom tinima ma siso. 22Nsaad yaa yǝsǝ hoora a fer ɓaa yarsǝsǝ yǝ wo a Ankundi ni wa, yǝn yaa ma kaɗ hurhur wa u Ankundi wa. Maaso ɗǝm, yaa ɓaa yarsǝsǝ a fer yǝsǝ ma kaɗ hurhur wa, yǝ kaɗ hoora Almaseho ran. 23Ɓaa tirisǝ tiri ɗǝm ɓaa kwanan, sǝ kong kaɗ hoota ɓeta ta ra. 24Ɓaata ɓǝna, aa lee hana nyamni yǝ faɗ wiiyo ma nkamǝra kaɗɗo yǝsǝ ɗaan wa, a fer Kaa yǝ yarsǝsǝ wa.
Ɓaa nsaawo semra ɓa ma ɓaa ker ɓosa ɓǝ woɗsǝ ɓa
25A ɗuura emtoona ɓaa ɓǝ nsaa kera ra ɓa, Ankundi yǝ nkeenǝ mbukake a si ra, pa nǝn nkeesǝ senda na, men nase nǝ yaa ɓaa yausǝ ma sase ya, ma lau nyorataara Ankundi ra. 26Nǝn wǝr me kǝ faɗ yaɓto ete yǝ kaɗ nga yǝsǝ wa, me nga waso ǝn fer kongsa wa. 27Me ngǝ eɗ yǝsǝ ma toone ya, ngǝ kong pǝǝ toone yaange ra. Me ngǝ sem ma toone ra, ngǝ kong kǝr me ngǝ kon toone ra. 28Pa me ngǝ kon toonen, ngǝ tom mbu tenatenato ɓa a wii Kaa ni ra, ɗǝm me autoone yǝ nsaa keren, yǝ tom mbu tenatenato ɓa ra. Pa ɓaa ɓǝ nsaasǝ ɓa, kǝɓǝ taa kongsa a kaɗɗo ɓoso, ndǝ siso mbu kwaasǝ nǝ yau me sǝ kana a nkamǝra kongsa sǝ ra.
29Ɓaata ɓǝna, mbu nǝn nkeesǝ a hamɓa ɓa ndǝ siso, tǝromse ɓaa nǝngsǝ wa pee ngeek a feɗɗe. Nii nga waso, ɓaa ɓǝ konsǝ toona, hana ɓaa ɓǝ nsaasǝ kera ɓa, ɓǝ kaɗ nga ɓǝ nsaa ra. 30Maaso ɗǝm, ɓaa ɓǝsa kuɗa teptep ra ɓa, ɓǝ tom nga ɓǝ sem a kuɗa teptep wa ra, ɓaa ɓǝn hursǝ kuɗa ɓa ɗǝm, ɓǝ tom nga ɓǝn huraa kuɗa ra, maaso ma ɓaa ɓǝn tirsǝ mbusa ɓa ɗǝm, ɓǝ ti kanggo a siso ra. 31Ɓaa ɓǝn tomsǝ tinima ma mbu a put taandi wa ɓa, ɓǝ tom nga ɓǝ ti kanggo a si ra, me put taandi wa yǝn talǝntalǝ.
32Nǝn taa me nǝsǝ hik a rǝkata saa. Yaa yǝ kon toone ra ya, yǝn sen ma tinimsa Ankundi ma, nga ɗǝɗa kiyaa tom yǝ tǝǝ Kaa ɓa. 33Pa yaa yǝsǝ ma toone ya, yǝn rǝka ɗuura ira ma senta mbu a put taandi wa ɓa, nga ɗǝɗa kiyaa tom yǝ tǝǝ toone si ya. 34Senda ira ɓaan raɓ. Ɗǝm toone yǝ sem a kere ra ya, hana autoone, yǝn taarǝ dem ma tinima Ankundi ma, nga ɗǝɗa kiyaa tom yǝ kaɗ ɗekɗek a maabiri ma wiso wa. Pa toone a kere ya, yǝn taarǝ a ɗuura mbu a put taandi wa ɓa, nga ɗǝɗa kiyaa tom yǝ tǝǝ kere si ya. 35Nǝn nkee maaso me nǝsǝ kwasi, sem me nǝsǝ rǝka ra, pa me nǝsǝ kwasi sǝ kaɗ kuɗa fin ma Ankundi sem ma ɓaa senta wa ra.
36Me yaake yǝ waa autoone u yǝ maasǝ nsaa wa, ɗǝm yǝn wǝr nga yǝ tomma mbu yǝsǝ keke a sanii ɓa ra, ɗǝm autoone sisi yǝ tǝǝsǝn dem, aa lee yaa kono. Me mbusa tom maaso, ǝn mbu tenatenato ɓa ra. 37Pa yaa yǝ nǝdsǝ kwakwa a senda kuɗa ira ya, mbusǝsa tom ɗaɗ a sanii ra, ɗǝm yǝn nkaa yǝ ma ɗuura ira, ɗǝm yǝ too a kuɗa iran, me yǝ kon autoone sisi ra, to, usu kǝn tommon keke. 38Me maaso, yaa yǝ konsǝ autoone yǝ waasǝ ya wa, yǝ tommon keke. Pa yaa yǝ kon autoone yǝ waasǝsǝ ya ra wa, yǝ faɗsǝ tom mbu yǝsǝ keke ɓa wan.
39Toone yǝ pǝta ɓaa ma kere si ra, me kere si ding ma huurtu. Pa me kere si woɗɗon, yǝ ma ɗǝɗa yǝ nsaa yaake ɓol u kuɗa ira tǝǝsǝ wa, pa tommon ɗaɗ, eɗ sisi yǝ tom an bǝɗ Ankundi ya. 40Pa a senda na, kiyǝ faɗ kura nebto wa, me yǝ kaɗ nga yǝsǝ wa. Ɗǝm a wǝro waano, nǝ ma Wis Kaa wa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association