1 KOR 4
4
Ɓahona Almaseho ɓa
1Me maaso, ɓeta ɓǝtǝ too me tǝn ɓan tom tinima Almaseho ɓa, ɗǝm ɓaa ɓaa leeɓǝsǝ ɓǝ kaɗ ɓan ma mbu yǝsǝ a nhuukǝra a ɗuura Kaa ni ɓa. 2Maaso ɗǝm, tommon ɗaɗ ɓaa ɓaa leeɓǝsǝ ɓǝ kaɗ ɓan ma mbuka ɓa wa ya, ɓǝ kaɗ ɓan ma ɓongtǝra ɓa. 3A nani rau, ndǝ mbu papa ɓa, aa nkee me ndǝ saase kǝsǝ nǝ nǝng kiita wa, hana ɓaa nǝ nǝng kiita a han kan kiita u ɓeta wa. Niina nǝ pǝta nǝng kiita hana nkweerane ra. 4Nǝ maa me ko nǝ tom mbu kwalakwala kon da, pa hana maaso, nǝ nkee me nkweerane helek ra. Ankundi ndǝ sase yaa kiyǝ nǝn nǝng kiita ya. 5Me maaso, sǝ kong nǝng kiita yaake si fer kan kiita wa kan sundu ra, sǝ war me Ankundi kangan nhe. Ndǝ sase kiyǝsǝn nwanyǝsǝ mbu yǝsǝ a nhuukǝra a han teptep ɓa wa, ɗǝm kiyǝ nwanyǝ senta yǝsǝ a kuti ɓeta ya wa. A fer siso, hana nyamni kiyǝ kon minira ira a Kaa ni.
6Ɓaata ɓǝna, a ɗuura mbu sǝsa ra, nǝ tom mǝɗkǝra ma nkweerane ma ɗǝm Afollos me sǝ hima, me sǝ fǝɗkǝ a tani mbu mara ra ǝn sensǝ ɓa, u nkeesǝ me, “Sǝ kong taalǝ mbu ɓaa nyorsǝ a likarkar Kaa wa ɓa ra.” Me tom maaso, pa yaake a ɗaaso waaso yǝ nheu ma an fǝɗkǝra isi a ɗuura u ate wa ra. 7Yaa nkeengǝ nǝ me ngǝ faɗ ɓaata niu? Ndǝ mbi ngǝsǝ ma siso u sem Kaa yǝ na ngǝsǝ wa rau? Yaa me maaso, ngǝn nheu men mbi nga mbu ngǝsǝ ma siso ɓa, ɓaa na ngǝ sal rau?
8Sǝ wee taa mbu sǝn yausǝn yau ɓa wan nsaad! Sǝ wee kaɗ ɓan ma kǝna ɓa wan! Sǝ kang nga kuɓsan, taase ɗǝm tǝn mbuka ra! Me ka nkee me sǝn kuɓsa, kama kǝtǝ tom kuɓsutu ke ma saase! 9A wǝro nwano, Kaa yǝ weɗɗan a talte me, taase ɓahona, tǝn ɓaa a ndiira ɓa a mbusa nsaad, nga ɓaa ɓaa wee ɓǝsǝ nǝng kiita woɗɗa wa, me tǝ kang mbu nhii nuuwa u put taandi wa ɓan nsaad, ma ɓantimira Kaa ɓa, ma ɗǝm ɓeta. 10Tǝn kang hauta men Almaseho, pa waaso sǝ ma maawo ma lau Almaseho wa! Taase tǝ sem kokrok ra, pa waaso sǝ kokrok! Ɓeta ɓǝn nasǝ mbarta! Pa waato ɓǝn nataa mbarta ra. 11Aa wo nga waso, tǝn kura ɗoora ma mbraa sima, ɗǝm tǝ mbomtil, ɓan hoɓ tǝ, tǝ sem ma ɗuru ra. 12Tǝn tom tinima ma nema sǝta. Me ɓeta ɓǝ tomtǝ meto, tǝn tii ɓǝ saltǝra. Me ɓaa natǝ kongsa, tǝn sǝmǝ. 13Me ɓeta nkee mara a ɗuura ta u tǝblǝ ɗǝnda wa, tǝn kak ɓǝ ma hurhurto. Ding nga waso, tǝ kang nga tiura put taandi wa ɓa, mbu hana yamni, yǝn mbisisǝ ɓa.
14Nǝ nyorsǝ likarkar wa sem me nǝsǝ paa ɗuura nwaara ra, awo, pa me nǝsǝ wiin ngwee, me sǝ emɓǝna nǝn yauɓǝsǝ dem wa. 15Hanaka sǝ ma malǝmaa ɓan fǝɗkǝ mara Almaseho ra, u aa nkaa aa kau ra wa, sǝ sem ma papamse dem ra, niina nǝ kaɗ paase a ɗuura Almaseho Yeso ra ma lau mara kwalari ra wa. 16Me maaso, nǝn kǝnasǝ sǝ tom fǝɗko ma nase. 17Ndǝ siso mbu kwasi nǝ tungsǝsǝ Timoti a saani wa. Sase yǝn auwane u nǝ yausǝsǝ dem wa, yǝn tom tinima Ankundi ma kuɗa fin. Kiyǝsǝ ti sǝ ɗim ma nkamǝra siko nǝ sikisǝ a bǝɗ Almaseho Yeso ya wa, u yǝsǝ keke ma mbu nǝn fǝɗkǝsǝ hana na, ɗǝm a hana kwauwo ɓan bǝɗ Kaa na ɓa.
18Ɓaata a ɗaaso waaso ɓǝn wǝr nga nǝ ɓaarǝ nǝ wo a saani ɗǝm ra, pa ɓǝ kang ɓǝn too ɗuuti ɓoso. 19Pa me Ankundi yauwan, a tǝr kwang ra kǝnǝ wo a saani, pa kǝnǝ wǝr ko ma kwangto nawa, ɓaa ɓǝn toosǝ ɗuura sǝɓa ɓǝsǝ ma siso wa, sem matamse ɓoso ra. 20Tom maaso me, kuɓsutu Kaa wa sem u mara kana ee wa ra, pa a mara siko ma lau kwangto Kaa wa ra. 21Yaa nwa sǝ tau u nawa, nǝ wo a saani ma lǝɓra, ko nǝ wo ma yauta ma kwaro lǝmmǝ wau?
Currently Selected:
1 KOR 4: LLA
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association
1 KOR 4
4
Ɓahona Almaseho ɓa
1Me maaso, ɓeta ɓǝtǝ too me tǝn ɓan tom tinima Almaseho ɓa, ɗǝm ɓaa ɓaa leeɓǝsǝ ɓǝ kaɗ ɓan ma mbu yǝsǝ a nhuukǝra a ɗuura Kaa ni ɓa. 2Maaso ɗǝm, tommon ɗaɗ ɓaa ɓaa leeɓǝsǝ ɓǝ kaɗ ɓan ma mbuka ɓa wa ya, ɓǝ kaɗ ɓan ma ɓongtǝra ɓa. 3A nani rau, ndǝ mbu papa ɓa, aa nkee me ndǝ saase kǝsǝ nǝ nǝng kiita wa, hana ɓaa nǝ nǝng kiita a han kan kiita u ɓeta wa. Niina nǝ pǝta nǝng kiita hana nkweerane ra. 4Nǝ maa me ko nǝ tom mbu kwalakwala kon da, pa hana maaso, nǝ nkee me nkweerane helek ra. Ankundi ndǝ sase yaa kiyǝ nǝn nǝng kiita ya. 5Me maaso, sǝ kong nǝng kiita yaake si fer kan kiita wa kan sundu ra, sǝ war me Ankundi kangan nhe. Ndǝ sase kiyǝsǝn nwanyǝsǝ mbu yǝsǝ a nhuukǝra a han teptep ɓa wa, ɗǝm kiyǝ nwanyǝ senta yǝsǝ a kuti ɓeta ya wa. A fer siso, hana nyamni kiyǝ kon minira ira a Kaa ni.
6Ɓaata ɓǝna, a ɗuura mbu sǝsa ra, nǝ tom mǝɗkǝra ma nkweerane ma ɗǝm Afollos me sǝ hima, me sǝ fǝɗkǝ a tani mbu mara ra ǝn sensǝ ɓa, u nkeesǝ me, “Sǝ kong taalǝ mbu ɓaa nyorsǝ a likarkar Kaa wa ɓa ra.” Me tom maaso, pa yaake a ɗaaso waaso yǝ nheu ma an fǝɗkǝra isi a ɗuura u ate wa ra. 7Yaa nkeengǝ nǝ me ngǝ faɗ ɓaata niu? Ndǝ mbi ngǝsǝ ma siso u sem Kaa yǝ na ngǝsǝ wa rau? Yaa me maaso, ngǝn nheu men mbi nga mbu ngǝsǝ ma siso ɓa, ɓaa na ngǝ sal rau?
8Sǝ wee taa mbu sǝn yausǝn yau ɓa wan nsaad! Sǝ wee kaɗ ɓan ma kǝna ɓa wan! Sǝ kang nga kuɓsan, taase ɗǝm tǝn mbuka ra! Me ka nkee me sǝn kuɓsa, kama kǝtǝ tom kuɓsutu ke ma saase! 9A wǝro nwano, Kaa yǝ weɗɗan a talte me, taase ɓahona, tǝn ɓaa a ndiira ɓa a mbusa nsaad, nga ɓaa ɓaa wee ɓǝsǝ nǝng kiita woɗɗa wa, me tǝ kang mbu nhii nuuwa u put taandi wa ɓan nsaad, ma ɓantimira Kaa ɓa, ma ɗǝm ɓeta. 10Tǝn kang hauta men Almaseho, pa waaso sǝ ma maawo ma lau Almaseho wa! Taase tǝ sem kokrok ra, pa waaso sǝ kokrok! Ɓeta ɓǝn nasǝ mbarta! Pa waato ɓǝn nataa mbarta ra. 11Aa wo nga waso, tǝn kura ɗoora ma mbraa sima, ɗǝm tǝ mbomtil, ɓan hoɓ tǝ, tǝ sem ma ɗuru ra. 12Tǝn tom tinima ma nema sǝta. Me ɓeta ɓǝ tomtǝ meto, tǝn tii ɓǝ saltǝra. Me ɓaa natǝ kongsa, tǝn sǝmǝ. 13Me ɓeta nkee mara a ɗuura ta u tǝblǝ ɗǝnda wa, tǝn kak ɓǝ ma hurhurto. Ding nga waso, tǝ kang nga tiura put taandi wa ɓa, mbu hana yamni, yǝn mbisisǝ ɓa.
14Nǝ nyorsǝ likarkar wa sem me nǝsǝ paa ɗuura nwaara ra, awo, pa me nǝsǝ wiin ngwee, me sǝ emɓǝna nǝn yauɓǝsǝ dem wa. 15Hanaka sǝ ma malǝmaa ɓan fǝɗkǝ mara Almaseho ra, u aa nkaa aa kau ra wa, sǝ sem ma papamse dem ra, niina nǝ kaɗ paase a ɗuura Almaseho Yeso ra ma lau mara kwalari ra wa. 16Me maaso, nǝn kǝnasǝ sǝ tom fǝɗko ma nase. 17Ndǝ siso mbu kwasi nǝ tungsǝsǝ Timoti a saani wa. Sase yǝn auwane u nǝ yausǝsǝ dem wa, yǝn tom tinima Ankundi ma kuɗa fin. Kiyǝsǝ ti sǝ ɗim ma nkamǝra siko nǝ sikisǝ a bǝɗ Almaseho Yeso ya wa, u yǝsǝ keke ma mbu nǝn fǝɗkǝsǝ hana na, ɗǝm a hana kwauwo ɓan bǝɗ Kaa na ɓa.
18Ɓaata a ɗaaso waaso ɓǝn wǝr nga nǝ ɓaarǝ nǝ wo a saani ɗǝm ra, pa ɓǝ kang ɓǝn too ɗuuti ɓoso. 19Pa me Ankundi yauwan, a tǝr kwang ra kǝnǝ wo a saani, pa kǝnǝ wǝr ko ma kwangto nawa, ɓaa ɓǝn toosǝ ɗuura sǝɓa ɓǝsǝ ma siso wa, sem matamse ɓoso ra. 20Tom maaso me, kuɓsutu Kaa wa sem u mara kana ee wa ra, pa a mara siko ma lau kwangto Kaa wa ra. 21Yaa nwa sǝ tau u nawa, nǝ wo a saani ma lǝɓra, ko nǝ wo ma yauta ma kwaro lǝmmǝ wau?
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association