1 KOR 3
3
Sika a Tinima Kaa ma
1Ɓaata ɓǝna, nǝ nkaa nǝsǝ kan mara nga u ɓaa Wiso ǝn bǝɗsǝ ma ɓosa wa ra, pa kǝnǝsǝ kan nga ɓet a put taandi wa ɓa, nga welta aa bǝɗ Almaseho wa. 2Nǝ nasǝ meema, sem ma mbuse kwakwa ɓa ra, me sǝ maa se mbu kwakwa ɓa kweɗ ɗa. Ding waso sǝ kan sundura ra, 3me ding waso kaɗɗo waaso ǝn u maabiri wa. Pa me sǝn tom rǝmara ɓaatǝ, sǝn kong ma ɓaatǝ a ɗaaso waaso, ai, ding waso kaɗɗo waaso ǝn u maabiri wa, ɗǝm sǝn tom tinimsa u maabiri wa. 4Me pa ate kiyǝ nkee me, “Niina nǝn bǝɗ Bulus,” ate ɗǝm yǝ nkee me, “Niina nǝn bǝɗ Afollos,” siso weɗɗa me saa kaɗɗo a maabiri wa rau?
5Yaa, ndǝ yamni Afollos sǝu? Ndǝ yamni Bulus sǝu? Hankara, ɓǝ sem ɓan tom tinima ɓa maɗ, ɓaa sǝ nasǝ ɓongtǝra ma lau ɓoso wa, hanan nyamni a ɗaaso ɓosa, yǝn tom tinima Ankundi yǝ nasǝsǝ ma rau? 6Nase nǝ rǝksǝ nkaama ya, Afollos ɗǝm yǝ mbaɗ mbraa asi, pa Kaa ndǝ sase yǝ tiisǝ mbu rǝksǝ ɓa yǝ mbar ya. 7Me maaso, hana yaa yǝ rǝksǝ nkaama ya, ma yaa yǝ mbaɗsǝ mbraa ya, nsaad ɓosa ɓǝn mbuka ra, pa Kaa fin mbusa maɗ, ndǝ sase yǝn tiisǝ mbu rǝksǝ ɓa yǝ mbar ya. 8Ma an rǝko ya ma an mbaɗ mbraa ya, ɓǝ keke nsaad, pa hana nyamni, kiyǝ taa nsaa keke ma kongsa isa. 9Waato tǝn sika a tinima Kaa ma, saase ɗǝm sǝ nyaanyo Kaa wa, maro Kaa wa ɗǝm.
10Ma lau kwasira u Kaa yǝ nanǝsǝ wa, nǝ ntiisǝ tiyo ɗungate mar hito ya wa, nga yaa yǝ pǝrsǝ dem ya, atike ɓol ɗǝm yǝn ɗangrǝ maro a ɗuura. Tommon ɗaɗ, hana nyamni yaa yǝn ɗangrǝsǝ maro ya, yǝ nhii nwaa ma nkaamǝra maro yǝn ɗangrǝsǝ wa. 11Yaake sem kǝn kiya nkaa yǝ ti ɗungara kǝra ɓol u ntiiri mar hito ya wa, a faɗ u ɓaa weesǝ tiyo wa, ǝn ndǝ sase Yeso Almaseho. 12Me yaake kiyǝ ɗangrǝ maro a ɗuura ɗungara ntii mar hito siso wa ma zinariya, hana ma azurfa hana ma kundate yaɓ yaɓ ya, hana ma ngwate hana ma kii hito wa, hana ma kǝta, 13ai, ɓaa kǝ wǝr tinima maro u hana yamni ma ya, me ɓaa kǝ nwanyǝ a kaa kan kiita ɓa. A kaa sǝsa ma ara ɓaa ka nwanyǝ tinima hana yamni ma, ɗǝm ar sǝsa kiyǝ pǝta nkamǝra tinima hana yamni yǝ tomsǝ ɓa. 14Me maro yaase yǝ ɗangrǝsǝ a ɗuura ɗungara ntii mar hito kawa kǝɗ ɗa, to, yaa yǝ marsǝ sisi, kiyǝ taa nsaa. 15Me pa ɗǝm tinima yaa sisi ma kǝɗɗǝn, yaa marsǝ sisi, kiyǝ ɓaa ma tinima ima, pa sase nkweeresi kiyǝ taa kon nkweera wa, pa kiyǝ tom nga yaa ɓaa hiksǝsǝ a ara ɗaan ya.
16Hankara sǝ maa me sǝn hit Kaa wa rau, ɗǝm Wis Kaa wa, yǝ ɗaa a kuti yaase rau? 17Me yaake yǝ tǝblǝ hit Kaa wan, Kaa kǝ yaa tǝblǝ kǝn, me hit Kaa yǝn kaɗsǝ ɗaan wa yǝ ɗekɗek, ɗǝm saase sǝn hit Kaa siso.
18Sǝ lee nlaa nkweere yaase wa. Me yaake a ɗaaso waaso yǝn sen me yǝ wee nuuwan, nga ɓet a put taandi wa ɓa, ɓǝ toosǝ wee nuuwa wa, aa lee yǝ kang nkweeresi nga haura, me yǝ tom yaa weesǝ nuuwa ya. 19Maawo ɓet a put taandi wa ɓa, ndǝ hautǝma a Kaa ni, nga ɓaa nyorsǝ a Likarkar Kaa wa me, “Kaa yǝn ma ɓan ma maawo ɓa, ma wee nuuwa ɓoso.” 20Maaso ɗǝm nga ɓaa nyorsǝ a likarkar Kaa wa me, “Ankundi yǝ maan me, senta ɓan ma maawo ɓa, yǝ sal.” 21Me maaso, yaake yǝ kong nheuwo ma ɓeta ra, me mbusa nsaad ndǝ waaso, 22hana Bulus, hana Afollos, hana Kefas, hana put taandi wa, hana huurtu, hana woɗɗa, hana mbu waso ɓa, hana mbu a wiiyo ɓa, mbusa nsaad, ndǝ waaso. 23Ɗǝm saase kǝn, sǝn u Almaseho wa, Almaseho ɗǝm, yǝn u Kaa wa.
Currently Selected:
1 KOR 3: LLA
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association
1 KOR 3
3
Sika a Tinima Kaa ma
1Ɓaata ɓǝna, nǝ nkaa nǝsǝ kan mara nga u ɓaa Wiso ǝn bǝɗsǝ ma ɓosa wa ra, pa kǝnǝsǝ kan nga ɓet a put taandi wa ɓa, nga welta aa bǝɗ Almaseho wa. 2Nǝ nasǝ meema, sem ma mbuse kwakwa ɓa ra, me sǝ maa se mbu kwakwa ɓa kweɗ ɗa. Ding waso sǝ kan sundura ra, 3me ding waso kaɗɗo waaso ǝn u maabiri wa. Pa me sǝn tom rǝmara ɓaatǝ, sǝn kong ma ɓaatǝ a ɗaaso waaso, ai, ding waso kaɗɗo waaso ǝn u maabiri wa, ɗǝm sǝn tom tinimsa u maabiri wa. 4Me pa ate kiyǝ nkee me, “Niina nǝn bǝɗ Bulus,” ate ɗǝm yǝ nkee me, “Niina nǝn bǝɗ Afollos,” siso weɗɗa me saa kaɗɗo a maabiri wa rau?
5Yaa, ndǝ yamni Afollos sǝu? Ndǝ yamni Bulus sǝu? Hankara, ɓǝ sem ɓan tom tinima ɓa maɗ, ɓaa sǝ nasǝ ɓongtǝra ma lau ɓoso wa, hanan nyamni a ɗaaso ɓosa, yǝn tom tinima Ankundi yǝ nasǝsǝ ma rau? 6Nase nǝ rǝksǝ nkaama ya, Afollos ɗǝm yǝ mbaɗ mbraa asi, pa Kaa ndǝ sase yǝ tiisǝ mbu rǝksǝ ɓa yǝ mbar ya. 7Me maaso, hana yaa yǝ rǝksǝ nkaama ya, ma yaa yǝ mbaɗsǝ mbraa ya, nsaad ɓosa ɓǝn mbuka ra, pa Kaa fin mbusa maɗ, ndǝ sase yǝn tiisǝ mbu rǝksǝ ɓa yǝ mbar ya. 8Ma an rǝko ya ma an mbaɗ mbraa ya, ɓǝ keke nsaad, pa hana nyamni, kiyǝ taa nsaa keke ma kongsa isa. 9Waato tǝn sika a tinima Kaa ma, saase ɗǝm sǝ nyaanyo Kaa wa, maro Kaa wa ɗǝm.
10Ma lau kwasira u Kaa yǝ nanǝsǝ wa, nǝ ntiisǝ tiyo ɗungate mar hito ya wa, nga yaa yǝ pǝrsǝ dem ya, atike ɓol ɗǝm yǝn ɗangrǝ maro a ɗuura. Tommon ɗaɗ, hana nyamni yaa yǝn ɗangrǝsǝ maro ya, yǝ nhii nwaa ma nkaamǝra maro yǝn ɗangrǝsǝ wa. 11Yaake sem kǝn kiya nkaa yǝ ti ɗungara kǝra ɓol u ntiiri mar hito ya wa, a faɗ u ɓaa weesǝ tiyo wa, ǝn ndǝ sase Yeso Almaseho. 12Me yaake kiyǝ ɗangrǝ maro a ɗuura ɗungara ntii mar hito siso wa ma zinariya, hana ma azurfa hana ma kundate yaɓ yaɓ ya, hana ma ngwate hana ma kii hito wa, hana ma kǝta, 13ai, ɓaa kǝ wǝr tinima maro u hana yamni ma ya, me ɓaa kǝ nwanyǝ a kaa kan kiita ɓa. A kaa sǝsa ma ara ɓaa ka nwanyǝ tinima hana yamni ma, ɗǝm ar sǝsa kiyǝ pǝta nkamǝra tinima hana yamni yǝ tomsǝ ɓa. 14Me maro yaase yǝ ɗangrǝsǝ a ɗuura ɗungara ntii mar hito kawa kǝɗ ɗa, to, yaa yǝ marsǝ sisi, kiyǝ taa nsaa. 15Me pa ɗǝm tinima yaa sisi ma kǝɗɗǝn, yaa marsǝ sisi, kiyǝ ɓaa ma tinima ima, pa sase nkweeresi kiyǝ taa kon nkweera wa, pa kiyǝ tom nga yaa ɓaa hiksǝsǝ a ara ɗaan ya.
16Hankara sǝ maa me sǝn hit Kaa wa rau, ɗǝm Wis Kaa wa, yǝ ɗaa a kuti yaase rau? 17Me yaake yǝ tǝblǝ hit Kaa wan, Kaa kǝ yaa tǝblǝ kǝn, me hit Kaa yǝn kaɗsǝ ɗaan wa yǝ ɗekɗek, ɗǝm saase sǝn hit Kaa siso.
18Sǝ lee nlaa nkweere yaase wa. Me yaake a ɗaaso waaso yǝn sen me yǝ wee nuuwan, nga ɓet a put taandi wa ɓa, ɓǝ toosǝ wee nuuwa wa, aa lee yǝ kang nkweeresi nga haura, me yǝ tom yaa weesǝ nuuwa ya. 19Maawo ɓet a put taandi wa ɓa, ndǝ hautǝma a Kaa ni, nga ɓaa nyorsǝ a Likarkar Kaa wa me, “Kaa yǝn ma ɓan ma maawo ɓa, ma wee nuuwa ɓoso.” 20Maaso ɗǝm nga ɓaa nyorsǝ a likarkar Kaa wa me, “Ankundi yǝ maan me, senta ɓan ma maawo ɓa, yǝ sal.” 21Me maaso, yaake yǝ kong nheuwo ma ɓeta ra, me mbusa nsaad ndǝ waaso, 22hana Bulus, hana Afollos, hana Kefas, hana put taandi wa, hana huurtu, hana woɗɗa, hana mbu waso ɓa, hana mbu a wiiyo ɓa, mbusa nsaad, ndǝ waaso. 23Ɗǝm saase kǝn, sǝn u Almaseho wa, Almaseho ɗǝm, yǝn u Kaa wa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association