1 KOR 2
2
Mara a ɗuura kwaakǝra Almaseho ra
1Ɓaata ɓǝna, a fer nǝ wosǝ a saani me nǝsǝ nkee mbu a nhuukǝra Kaa ɓa wa, nǝ nkeesǝ matamse u kwangkwang wa ra, ɗǝm nǝ kan mara nǝ weɗɗa nga nǝ ma maawo dem ra. 2Mbu kwaasǝ ɓa me nǝ wee tiiyon a kuɗa nan me, nǝ yau me nǝ maa mbukake ra, a fer nǝsǝ ke ma saase wa, me sem Yeso Almaseho, yaa ɓaa kwaakǝsǝsǝ ya ra. 3A fer nǝsǝ ke ma saase wa, maabiri yaane woɗɗon, nǝn maɗki maabiri men kokto. 4Matamse yaane ma mara kwalari nǝn nkeesǝ wa, nǝ tomma ma nreeta ra hana ma weɗɗa maa mbuka wa ra, pa nǝn tom ma weɗɗa kwangto Wiso wa, 5me tom naɓongtǝra waaso aa kaɗ a maawo tǝna wa ra, pa aa kaɗ a kwangto Kaa wa.
Maawo Kaa wa
6Hana maaso, tǝn kan mara u maawo wa a ɓaa ɓǝ kinisǝ a naɓongtǝra ɓoso wa, pa sem nkamǝra maawo u kareyase wa ra, ɗǝm sem nkamǝra u ɓan kuɓsutu kareyase u yǝn talǝsǝ wa ra. 7Pa mara maawo tǝn kansǝ ra ǝn u Kaa wa, tǝn kan a ɗuura maawo kayǝ leesǝ a nhuukǝra ɓa wa, ǝn siso maawo u Kaa yǝ weesǝ tiyo tǝng a ntiiri put taandi wa, me yǝ ndǝ na too. 8A ɓaa ɓǝn tomsǝ kuɓsutu a kaareyase ɓa, yaake sem kǝn yǝ maasǝ maawo siso ra, me ka ɓǝ maan, kama ɓǝ kwaakǝ Ankundi yaa ma too ya ra. 9Pa nga ɓaa nyorsǝ a likarkar wa me,
“Nsaad mbu Kaa yǝ werkǝsǝ ɓaa ɓǝn yausǝsǝ ɓa ya,
yaake yǝ pǝta wǝro ra,
yaake pǝta kuraa ra,
yaake ɗǝm yǝ pǝta seno ra.”
10Pa ndǝ siso mbu Kaa yǝ weɗɗatǝsǝ ɓa ma lau Wiso wa, me Wiso yǝn kǝr hana mbi, hana mbu a ɗuura Kaa ra, u tomsǝ lǝklǝk aa maa wa. 11Ndǝ nyamni yǝ maasǝ senda a kuɗa ate ra, me sem wis eɗsisi wa mbusa rau? Maaso ɗǝm, yaake sem kǝn yǝ maasǝ senda Kaa ra wa ra, me sem Wis Kaa wa ra. 12Waato tǝ kon wis put taandi wa ɓa ra, pa tǝ kon Wis fiɗsǝ a Kaa ni wa, me tǝ maa mbu Kaa yǝ natǝsǝ neme hoo ɓa. 13Ndǝ ɓosa tǝn nkeesǝ mara ɓeta a ɗuura ira wa, me tǝn nkee mara kwalari sǝsa, tǝ kanaa ma maawo ete wa ra, pa u Wiso wa, ma lau weɗɗa Wiso yǝn weɗɗasǝ ɓaa ɓǝsa a Wiso ɓa. 14Eɗ yǝ sem ma wiso ra ya, yǝn mbisi naɓongtǝra wa ma mbu Wis Kaa wa yǝn fǝɗkǝsǝ ɓa, me matamse siso ndǝ hautǝma a sani, nkamǝra ɓeta sǝsa, ɓǝ nkaa ɓǝ maa ra, me mbu sǝsa ɓeta ɓǝn maa ma lau Wiso wa maɗ. 15Eɗ yǝsǝ ma Wiso ya, yǝn nkaa yǝ maa ɓolɓolto mbusa wa nsaad, pa sase ma nkweera ira, yaake yǝ nkaa yǝ nǝng mara a ɗuura ira ra.
16“Ən yamni yǝ pǝtasǝ maa senda Ankundi ra,
u kiyaa nkaa yaa nkee mbu kiyaa tom ɓau?”
Pa ndase senta nda ǝn u Almaseho wa.
Currently Selected:
1 KOR 2: LLA
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association
1 KOR 2
2
Mara a ɗuura kwaakǝra Almaseho ra
1Ɓaata ɓǝna, a fer nǝ wosǝ a saani me nǝsǝ nkee mbu a nhuukǝra Kaa ɓa wa, nǝ nkeesǝ matamse u kwangkwang wa ra, ɗǝm nǝ kan mara nǝ weɗɗa nga nǝ ma maawo dem ra. 2Mbu kwaasǝ ɓa me nǝ wee tiiyon a kuɗa nan me, nǝ yau me nǝ maa mbukake ra, a fer nǝsǝ ke ma saase wa, me sem Yeso Almaseho, yaa ɓaa kwaakǝsǝsǝ ya ra. 3A fer nǝsǝ ke ma saase wa, maabiri yaane woɗɗon, nǝn maɗki maabiri men kokto. 4Matamse yaane ma mara kwalari nǝn nkeesǝ wa, nǝ tomma ma nreeta ra hana ma weɗɗa maa mbuka wa ra, pa nǝn tom ma weɗɗa kwangto Wiso wa, 5me tom naɓongtǝra waaso aa kaɗ a maawo tǝna wa ra, pa aa kaɗ a kwangto Kaa wa.
Maawo Kaa wa
6Hana maaso, tǝn kan mara u maawo wa a ɓaa ɓǝ kinisǝ a naɓongtǝra ɓoso wa, pa sem nkamǝra maawo u kareyase wa ra, ɗǝm sem nkamǝra u ɓan kuɓsutu kareyase u yǝn talǝsǝ wa ra. 7Pa mara maawo tǝn kansǝ ra ǝn u Kaa wa, tǝn kan a ɗuura maawo kayǝ leesǝ a nhuukǝra ɓa wa, ǝn siso maawo u Kaa yǝ weesǝ tiyo tǝng a ntiiri put taandi wa, me yǝ ndǝ na too. 8A ɓaa ɓǝn tomsǝ kuɓsutu a kaareyase ɓa, yaake sem kǝn yǝ maasǝ maawo siso ra, me ka ɓǝ maan, kama ɓǝ kwaakǝ Ankundi yaa ma too ya ra. 9Pa nga ɓaa nyorsǝ a likarkar wa me,
“Nsaad mbu Kaa yǝ werkǝsǝ ɓaa ɓǝn yausǝsǝ ɓa ya,
yaake yǝ pǝta wǝro ra,
yaake pǝta kuraa ra,
yaake ɗǝm yǝ pǝta seno ra.”
10Pa ndǝ siso mbu Kaa yǝ weɗɗatǝsǝ ɓa ma lau Wiso wa, me Wiso yǝn kǝr hana mbi, hana mbu a ɗuura Kaa ra, u tomsǝ lǝklǝk aa maa wa. 11Ndǝ nyamni yǝ maasǝ senda a kuɗa ate ra, me sem wis eɗsisi wa mbusa rau? Maaso ɗǝm, yaake sem kǝn yǝ maasǝ senda Kaa ra wa ra, me sem Wis Kaa wa ra. 12Waato tǝ kon wis put taandi wa ɓa ra, pa tǝ kon Wis fiɗsǝ a Kaa ni wa, me tǝ maa mbu Kaa yǝ natǝsǝ neme hoo ɓa. 13Ndǝ ɓosa tǝn nkeesǝ mara ɓeta a ɗuura ira wa, me tǝn nkee mara kwalari sǝsa, tǝ kanaa ma maawo ete wa ra, pa u Wiso wa, ma lau weɗɗa Wiso yǝn weɗɗasǝ ɓaa ɓǝsa a Wiso ɓa. 14Eɗ yǝ sem ma wiso ra ya, yǝn mbisi naɓongtǝra wa ma mbu Wis Kaa wa yǝn fǝɗkǝsǝ ɓa, me matamse siso ndǝ hautǝma a sani, nkamǝra ɓeta sǝsa, ɓǝ nkaa ɓǝ maa ra, me mbu sǝsa ɓeta ɓǝn maa ma lau Wiso wa maɗ. 15Eɗ yǝsǝ ma Wiso ya, yǝn nkaa yǝ maa ɓolɓolto mbusa wa nsaad, pa sase ma nkweera ira, yaake yǝ nkaa yǝ nǝng mara a ɗuura ira ra.
16“Ən yamni yǝ pǝtasǝ maa senda Ankundi ra,
u kiyaa nkaa yaa nkee mbu kiyaa tom ɓau?”
Pa ndase senta nda ǝn u Almaseho wa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association