1 KOR 1
1
Tooma
1Bulus, ǝn ɓahone Yeso Almaseho ya ma lau yauwo Kaa wa ya, ndǝ sase ke ma ate yaande Sastanis ɓǝ nyorsǝ likarkar wa ya, 2aa ko a kwauwo ɓan bǝɗ Kaa ɓǝsa ur Korinti ɓa wa, ɓaa ɓaa nweerǝ ɓǝsǝ ɓǝ tom fin ma Almaseho Yeso ɓa, ɗǝm ɓaa yarɓǝ ɓǝ kaɗ ɓaa ɗekɗek ɓa, ke ma nsaad ɓaa ɓǝn tomsǝ kǝnara hana naɓa, a ɗǝnda Yeso Almaseho Ankundi yaande ra, Ankundi ɓose ma waando nsaad.
3Aa lee kwasira ma kaɗɗo hurhur u fiɗsǝ a Kaa Paande ni ma u Ankundi Yeso Almaseho wa, aa kaɗ ke ma saase.
Na himara wa
4Nǝn na himara Kaa nfee a ɗuura saa, me a kwasira yǝ nasǝsǝ ma lau Almaseho Yeso wa ya. 5Ma lau usu, ɓaa nasǝsǝ kwasira a ɗǝta ɓolɓol wa, ma lau kanmǝra saa nsaad wa, ma ɗǝm maa mbusa waaso nsaad wa. 6Nǝ nkee maaso me, mara tǝ nkeesǝ a ɗuura Almaseho ra, yǝ weɗɗan a ɗaaso waaso, me ndǝ ɓongtǝra. 7Me maaso, sǝ wal taa nawoo Kaa wa ko ra, nga sǝn nhiisǝ nuuwa sǝn warsǝ wo Ankundi yaande Yeso Almaseho ya wa. 8Ankundi yaande kiyǝsǝ na nkwiiti aa kan a feɗefeɗe, me tom sǝ taa ma mbu tenatenato ɓa ra, a kaa Ankundi yaande Yeso Almaseho kiyaa wo ɓa. 9Kaa yǝ yaa yǝn kungsǝ mbu yǝ nkeesǝ ɓa ya, ndǝ sase yǝ yarsǝsǝ me sǝ tom siktǝra ke ma Auwesi Yeso Almaseho Ankundi yaande wa.
Ɓaa ɗuuti wa a ɗaaso ɓan bǝɗɗa ɓa
10Ɓaata ɓǝna ɓan bǝɗɗa, nǝn kǝnasǝ a ɗǝnda Ankundi yaande Yeso Almaseho ra, me sǝ yau ma ɓaatǝ nsaad, me tom pa aa taa ɓaa ɗuuti wa a ɗaaso waaso ra, pa aa lee sǝ tǝmba ɗuura, ee yaase aa tom fin, senda saa ɗǝm aa tom fin. 11Ɓaata ɓǝna ɓan bǝɗɗa, ɓaataka a ɗur Kuluwi wa, ɓǝ nkee nǝ me, saa kito ma ɓaatǝ a ɗaaso waaso. 12Mbu nǝn sensǝ ɓa ndǝ siso me, hana yamni a ɗaaso waaso yǝn nkee mbuka ɓol, ate yǝn nkee me, “Niina nǝ eɗ Bulus ya,” ate ɗǝm yǝn nkee me, “Niina nǝ eɗ Afollos ya,” ate ɗǝm yǝn nkee me, “Niina nǝ eɗ Kefas ya,” ate ɗǝm yǝ nkee me, “Niina nǝ eɗ Almaseho ya.”
13Ko Almaseho yǝ ɓaasǝ ɓaasǝu? Ko ndǝ Bulus ɓaa kwaakǝsǝ a ɗuura saau? Ko ɓaa tomsǝ soɓ ɗuura wa ma ɗǝnda Bulus rau? 14Nǝ hima Kaan, nǝ soɓ ɗuura yaake a ɗaaso waaso ra, me sem Kiribus ma Gayus ra. 15Me maaso, yaake yǝ nkaa yǝ nkee me, ɓaa soɓsǝ ɗuura ma ɗǝnda na ra. 16Ee nwa nǝ ɗimin, nǝ soɓ ɗuura taanda Istifanus ra, pa me siso ra, nǝ nkaa nǝ ɗim me ko nǝ soɓ ɗuura yaa ken ɓol ra. 17Ai, Almaseho yǝ timinǝ me nǝ wo nǝ soɓ ɗuuti ra, pa me nǝ wo nǝ nkee mara kwalari ra, sem ma tom tinima ma maawo ete wa ra, me tom kwaakǝra Almaseho ra, yǝ tom mbu sal ɓa a ɓaa ɓǝn kurasǝn kura ɓa ra.
Almaseho ndǝ Kwangto Kaa wa ma Maawo usu
18Mara a ɗuura kwaakǝra ra, ndǝ mbu hautǝma ɓa a ɓaa ɓǝsaa ɗǝɗa tumoo ra ɓa, pa a ndani ndase, ɓaa konndǝsǝ nkweera ɓa, mara konnkweera ra, ndǝ kwangto Kaa wa. 19Nga ɓaa nyorsǝ a Likarkar Kaa wa me,
“Kǝnǝ tǝblǝ maawo ɓan maawo ɓa,
Kǝnǝ kang wee nuuwa ɓan wee nuuwa ɓa aa tom sal.”
20Waso, ɓan maawo ɓa ɓǝ nau? Malǝmaa fǝɗkǝra Musa sa ɓǝ nau? Ɓaa ɓǝn sensǝ me ɓǝ maa mbuka nsaad ɓa ya, ɓǝ nau? Sika, Kaa yǝ weɗɗa me maawo ɓet a put taandi wa ɓa, ndǝ hautǝma rau? 21Tom maaso me Kaa a maawo usu, yǝ ti me ɓan ma maawo a put taandi wa ɓa, ɓǝ maa Kaa ma lau maawo ɓoso ra. Pa me maaso, Kaa yǝ tau me yǝ kon nkweera ɓaa ɓǝ nasǝ ɓongtǝra ma sase ɓa, ma lau mara kwalari u tǝn nkeesǝ mara ira wa, u ɓǝn wǝrsǝ nga ǝn mbu hautǝma ɓa wa. 22Ɓaa Yahudawa ɓa ɓoso, ɓǝn taa me ɓǝ wǝr mbu nhiinyanhiinya ɓa, ɗǝm ɓaa Helenawa ɓa ɓoso kǝn, ɓǝn taa me ɓǝ taa maawo, 23pa waato, tǝn nkee mara a ɗuura Almaseho, yaa yǝ woɗɗsǝ a kwaakǝra ya. Mara kwaakǝra ra, yǝ kaɗ mbu kwiɗɗa a ɓaa Yahudawa ɓa ni, ɗǝm yǝ kaɗ mbu hautǝma ɓa a ɓaa ɓǝn Yahudawa ra ɓa ni, 24pa a ɓaa Kaa yǝ yar ɓǝsǝ ɓa, nsaad ɓaa Yahudawa ɓa, ma ɓaa ɓǝn Yahudawa ra ɓa, Almaseho ndǝ sase kwangto Kaa wa ma maawo Kaa wa. 25Hana mbu Kaa yǝ tomsǝ u ɓan wǝrsǝ nga hautǝma ɓa wa, yǝ faɗ maawo u tǝne wan, ɗǝm wallo Kaa wa yǝ faɗ kokrokto tǝne wan.
26Ɓaata ɓǝna, sǝ ɗim ma kaɗɗo waaso ko sǝ miniu a fer Kaa yǝ yarsǝsǝ me sǝ wo sǝ bǝɗ Almaseho wa, ngeek maɗ a ɗaaso waaso ɓaa ɓǝsǝ ma maawo ɓa a wǝro tǝna wa, ɗǝm ngeek a ɗaaso waaso ɓaa ɓǝ masǝ kwangto a ɗuura ɓaata ra, ɗǝm ngeek a ɗaaso waaso ɓǝsǝ em wiina ɓa wa. 27Pa Kaa yǝn tau mbu ɓeta ɓǝn sensǝ me ndǝ hautǝma ɓa wa, me yǝ na ɓaa ɓǝsǝ ma maawo u a put taandi wa ɓa ɗuuranwaara. Kaa yǝn tau mbu ɓeta ɓǝn wǝrsǝ nga yǝ wallan ɓa, me yǝ na ɓaa kokrok ɓa ɗuuranwaara. 28Kaa yǝn tau mbu ɓeta ɓǝn wǝrsǝ nga yǝ sem mbarta ra ɓa, hana mbu yǝsǝ sal ɓa, hana mbu ɓan wǝrsǝ yǝn mbuka ra ɓa wa, ndǝ siso Kaa yǝn tomsǝ tinima me yǝ tǝblǝ mbu ɓeta ɓǝn wǝrsǝ nga yǝ yaɓ dem wa. 29Kaa yǝ tom mbu sǝsa me tom yaake yǝ nheu a wii usu ra. 30Kaa ndǝ sase yǝ kwaasǝ sǝ kaɗ fin ma Almaseho Yeso wa, ɗǝm ndǝ sase yǝ tisǝ Almaseho yǝ kang maawo a ndani ya. Ma lau Almaseho wa, ndǝ taasǝ kaɗɗo ɓaa ɓǝn tomsǝ mbu yǝsǝ keke a wiiyo a Kaa ni ɓa wa, ma ɗekɗekto ɗǝm ma konnkweera wa. 31Me maaso, nga ɓaa nyorsǝ a Likarkar Kaa wa me, “Hana yamni yaa yǝn nheusǝ ya, aa lee yǝ tom nheura ma Ankundi.”
Currently Selected:
1 KOR 1: LLA
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association
1 KOR 1
1
Tooma
1Bulus, ǝn ɓahone Yeso Almaseho ya ma lau yauwo Kaa wa ya, ndǝ sase ke ma ate yaande Sastanis ɓǝ nyorsǝ likarkar wa ya, 2aa ko a kwauwo ɓan bǝɗ Kaa ɓǝsa ur Korinti ɓa wa, ɓaa ɓaa nweerǝ ɓǝsǝ ɓǝ tom fin ma Almaseho Yeso ɓa, ɗǝm ɓaa yarɓǝ ɓǝ kaɗ ɓaa ɗekɗek ɓa, ke ma nsaad ɓaa ɓǝn tomsǝ kǝnara hana naɓa, a ɗǝnda Yeso Almaseho Ankundi yaande ra, Ankundi ɓose ma waando nsaad.
3Aa lee kwasira ma kaɗɗo hurhur u fiɗsǝ a Kaa Paande ni ma u Ankundi Yeso Almaseho wa, aa kaɗ ke ma saase.
Na himara wa
4Nǝn na himara Kaa nfee a ɗuura saa, me a kwasira yǝ nasǝsǝ ma lau Almaseho Yeso wa ya. 5Ma lau usu, ɓaa nasǝsǝ kwasira a ɗǝta ɓolɓol wa, ma lau kanmǝra saa nsaad wa, ma ɗǝm maa mbusa waaso nsaad wa. 6Nǝ nkee maaso me, mara tǝ nkeesǝ a ɗuura Almaseho ra, yǝ weɗɗan a ɗaaso waaso, me ndǝ ɓongtǝra. 7Me maaso, sǝ wal taa nawoo Kaa wa ko ra, nga sǝn nhiisǝ nuuwa sǝn warsǝ wo Ankundi yaande Yeso Almaseho ya wa. 8Ankundi yaande kiyǝsǝ na nkwiiti aa kan a feɗefeɗe, me tom sǝ taa ma mbu tenatenato ɓa ra, a kaa Ankundi yaande Yeso Almaseho kiyaa wo ɓa. 9Kaa yǝ yaa yǝn kungsǝ mbu yǝ nkeesǝ ɓa ya, ndǝ sase yǝ yarsǝsǝ me sǝ tom siktǝra ke ma Auwesi Yeso Almaseho Ankundi yaande wa.
Ɓaa ɗuuti wa a ɗaaso ɓan bǝɗɗa ɓa
10Ɓaata ɓǝna ɓan bǝɗɗa, nǝn kǝnasǝ a ɗǝnda Ankundi yaande Yeso Almaseho ra, me sǝ yau ma ɓaatǝ nsaad, me tom pa aa taa ɓaa ɗuuti wa a ɗaaso waaso ra, pa aa lee sǝ tǝmba ɗuura, ee yaase aa tom fin, senda saa ɗǝm aa tom fin. 11Ɓaata ɓǝna ɓan bǝɗɗa, ɓaataka a ɗur Kuluwi wa, ɓǝ nkee nǝ me, saa kito ma ɓaatǝ a ɗaaso waaso. 12Mbu nǝn sensǝ ɓa ndǝ siso me, hana yamni a ɗaaso waaso yǝn nkee mbuka ɓol, ate yǝn nkee me, “Niina nǝ eɗ Bulus ya,” ate ɗǝm yǝn nkee me, “Niina nǝ eɗ Afollos ya,” ate ɗǝm yǝn nkee me, “Niina nǝ eɗ Kefas ya,” ate ɗǝm yǝ nkee me, “Niina nǝ eɗ Almaseho ya.”
13Ko Almaseho yǝ ɓaasǝ ɓaasǝu? Ko ndǝ Bulus ɓaa kwaakǝsǝ a ɗuura saau? Ko ɓaa tomsǝ soɓ ɗuura wa ma ɗǝnda Bulus rau? 14Nǝ hima Kaan, nǝ soɓ ɗuura yaake a ɗaaso waaso ra, me sem Kiribus ma Gayus ra. 15Me maaso, yaake yǝ nkaa yǝ nkee me, ɓaa soɓsǝ ɗuura ma ɗǝnda na ra. 16Ee nwa nǝ ɗimin, nǝ soɓ ɗuura taanda Istifanus ra, pa me siso ra, nǝ nkaa nǝ ɗim me ko nǝ soɓ ɗuura yaa ken ɓol ra. 17Ai, Almaseho yǝ timinǝ me nǝ wo nǝ soɓ ɗuuti ra, pa me nǝ wo nǝ nkee mara kwalari ra, sem ma tom tinima ma maawo ete wa ra, me tom kwaakǝra Almaseho ra, yǝ tom mbu sal ɓa a ɓaa ɓǝn kurasǝn kura ɓa ra.
Almaseho ndǝ Kwangto Kaa wa ma Maawo usu
18Mara a ɗuura kwaakǝra ra, ndǝ mbu hautǝma ɓa a ɓaa ɓǝsaa ɗǝɗa tumoo ra ɓa, pa a ndani ndase, ɓaa konndǝsǝ nkweera ɓa, mara konnkweera ra, ndǝ kwangto Kaa wa. 19Nga ɓaa nyorsǝ a Likarkar Kaa wa me,
“Kǝnǝ tǝblǝ maawo ɓan maawo ɓa,
Kǝnǝ kang wee nuuwa ɓan wee nuuwa ɓa aa tom sal.”
20Waso, ɓan maawo ɓa ɓǝ nau? Malǝmaa fǝɗkǝra Musa sa ɓǝ nau? Ɓaa ɓǝn sensǝ me ɓǝ maa mbuka nsaad ɓa ya, ɓǝ nau? Sika, Kaa yǝ weɗɗa me maawo ɓet a put taandi wa ɓa, ndǝ hautǝma rau? 21Tom maaso me Kaa a maawo usu, yǝ ti me ɓan ma maawo a put taandi wa ɓa, ɓǝ maa Kaa ma lau maawo ɓoso ra. Pa me maaso, Kaa yǝ tau me yǝ kon nkweera ɓaa ɓǝ nasǝ ɓongtǝra ma sase ɓa, ma lau mara kwalari u tǝn nkeesǝ mara ira wa, u ɓǝn wǝrsǝ nga ǝn mbu hautǝma ɓa wa. 22Ɓaa Yahudawa ɓa ɓoso, ɓǝn taa me ɓǝ wǝr mbu nhiinyanhiinya ɓa, ɗǝm ɓaa Helenawa ɓa ɓoso kǝn, ɓǝn taa me ɓǝ taa maawo, 23pa waato, tǝn nkee mara a ɗuura Almaseho, yaa yǝ woɗɗsǝ a kwaakǝra ya. Mara kwaakǝra ra, yǝ kaɗ mbu kwiɗɗa a ɓaa Yahudawa ɓa ni, ɗǝm yǝ kaɗ mbu hautǝma ɓa a ɓaa ɓǝn Yahudawa ra ɓa ni, 24pa a ɓaa Kaa yǝ yar ɓǝsǝ ɓa, nsaad ɓaa Yahudawa ɓa, ma ɓaa ɓǝn Yahudawa ra ɓa, Almaseho ndǝ sase kwangto Kaa wa ma maawo Kaa wa. 25Hana mbu Kaa yǝ tomsǝ u ɓan wǝrsǝ nga hautǝma ɓa wa, yǝ faɗ maawo u tǝne wan, ɗǝm wallo Kaa wa yǝ faɗ kokrokto tǝne wan.
26Ɓaata ɓǝna, sǝ ɗim ma kaɗɗo waaso ko sǝ miniu a fer Kaa yǝ yarsǝsǝ me sǝ wo sǝ bǝɗ Almaseho wa, ngeek maɗ a ɗaaso waaso ɓaa ɓǝsǝ ma maawo ɓa a wǝro tǝna wa, ɗǝm ngeek a ɗaaso waaso ɓaa ɓǝ masǝ kwangto a ɗuura ɓaata ra, ɗǝm ngeek a ɗaaso waaso ɓǝsǝ em wiina ɓa wa. 27Pa Kaa yǝn tau mbu ɓeta ɓǝn sensǝ me ndǝ hautǝma ɓa wa, me yǝ na ɓaa ɓǝsǝ ma maawo u a put taandi wa ɓa ɗuuranwaara. Kaa yǝn tau mbu ɓeta ɓǝn wǝrsǝ nga yǝ wallan ɓa, me yǝ na ɓaa kokrok ɓa ɗuuranwaara. 28Kaa yǝn tau mbu ɓeta ɓǝn wǝrsǝ nga yǝ sem mbarta ra ɓa, hana mbu yǝsǝ sal ɓa, hana mbu ɓan wǝrsǝ yǝn mbuka ra ɓa wa, ndǝ siso Kaa yǝn tomsǝ tinima me yǝ tǝblǝ mbu ɓeta ɓǝn wǝrsǝ nga yǝ yaɓ dem wa. 29Kaa yǝ tom mbu sǝsa me tom yaake yǝ nheu a wii usu ra. 30Kaa ndǝ sase yǝ kwaasǝ sǝ kaɗ fin ma Almaseho Yeso wa, ɗǝm ndǝ sase yǝ tisǝ Almaseho yǝ kang maawo a ndani ya. Ma lau Almaseho wa, ndǝ taasǝ kaɗɗo ɓaa ɓǝn tomsǝ mbu yǝsǝ keke a wiiyo a Kaa ni ɓa wa, ma ɗekɗekto ɗǝm ma konnkweera wa. 31Me maaso, nga ɓaa nyorsǝ a Likarkar Kaa wa me, “Hana yamni yaa yǝn nheusǝ ya, aa lee yǝ tom nheura ma Ankundi.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association