1 KOR 10
10
Wiin ngwee a ɗuura tom hooto kwanda wa
1Ɓaata ɓǝna, nǝ yau me sǝ maa me, nsaad sirta ɓǝnda ɓǝ siki a kunda liuta ra, ɗǝm nsaad ɓǝ bǝɗ ma ɗaaso aulaara wa. 2Nsaad ɓaa soɓ ɓǝ ɗuura ɗaan a liuta ɗǝm ɗaan a aulaara siso, me ɓǝ bǝɗ Musa. 3Nsaad ɓosa ɓǝ se mbuseya fin u wiso wa, 4ɗǝm nsaad ɓosa ɓǝ wee mbraa fin u wiso wa, me ɓǝ wee mbraa u fiɗsǝ a ɗungara u wiso wa, u yǝ sikisǝ ke ma ɓosa wa. Ɗungara sǝra, ndǝ Almaseho. 5Pa nsaad siso, Kaa yǝ kura nebto ma ɓaata dem a ɗaaso ɓoso ra, u kansǝ ɓaa ɓǝ toɗ a sanglo wa.
6To, mbusǝsa tom maaso me ndǝ wiin ngwee, me ndǝ kura nɗeura aa tom mbu kwalakwala ɓa nga ɓosa ɓǝ tomsǝ wa ra. 7Sǝ kong tom ɓan nyoo kwandamse ɓa, nga ɓaata ɓosa ɓǝ tomsǝ wa ra. Nga ɓaa nyorsǝ a likarkar Kaa wa me, “Ɓet sǝsa ɓǝ kaɗ ɗaa, ɓǝ se, ɓǝ wee a wii kwandamse ɓose wa, pa ɓǝ nii ɓǝ ntii hira.” 8Ndǝ kong tom pepeto nga ɓaata ɓosa ɓǝ tomsǝ wa ra, aa kwaa ɓeta puusa pu pu pwausa aa nhaa taatǝn, ɓǝ woɗ kaa fina. 9Ndǝ kong pǝta Ankundi wa, nga ɓaata ɓosa ɓǝ tomsǝ wa ra, aa kwaa nsaamse ɓǝ toɗɗo. 10Ndǝ kong tom nhurunhuru, nga ɓaata ɓosa ɓǝ tomsǝ wa ra, aa kwaa antimira Kaa an toɗ ɓeta ya, ǝɓǝ toɗɗo.
11Nsaad mbu ntee ɓǝsǝ sǝsa, ndǝ mǝɗkǝra, ɗǝm ɓaa nyor me ndǝ wiin ngwee, ndase ndǝsǝ a feɗefeɗe kareya wa. 12Me maaso, me ngǝn wǝr nga ngǝ nǝɗǝn kǝɗ kokrok, a nhii nwaa tom pa ngǝ nwii ra! 13Nsaad ɓeta ɓǝ kanan a pǝtǝra nga saase sǝ kansǝ ɗaan wa kǝn. Kaa yǝ yaa ma ɓongtǝra ya, yǝ pǝta yǝsǝ lee sǝ kan a pǝtara u faɗsǝ kokrokto waaso wa ra. Pa kiyǝ wil ɗǝɗa fiɗ fiɗɗa, u kǝsǝ nkaa sǝ sǝm wa.
14Me maaso, ɓaata ɓǝna, ɓaa nǝn yausǝsǝ ɓa, sǝ mon nyoo kwandamse wa. 15Nǝn kan ma saase, me sǝn ɓaa ma senta kwalari ɓa, sǝ sengge mara na nlaa ma nkweerase, kǝsǝ maa mbu nǝn nkeesǝsǝ ɓa. 16Sem kofi nahimara siya, u ndǝn nasǝ himara Kaa a si wa, ǝn siso yǝ tǝmbandǝsǝ ndǝ kaɗ fin a monma Almaseho wa rau? Ɗǝm nkaadǝng ndǝn kǝusǝ wa, ǝn siso yǝ tǝmbandǝsǝ ndǝ kaɗ fin ma lau maabiri Almaseho wa rau? 17Nga nkaadǝng siso fin wa, hanaka ndase ndǝsǝ peler wa, ndǝ maabiri fin, me nsaad nkaadǝng fin ndǝn kǝusǝ wa.
18Sǝ sengge ɓaa Isra'ila ɓa. Hankara, ɓaa ɓǝn sesǝ mbuseya ɓaa nǝngsǝ haɗayamse ɓa wa, ɓǝ sem ɓaa fina aa se haɗayamse u ɓaa nasǝ Kaa a bagadi haɗaya wa rau? 19Nǝn sen mbi nǝ nkeesǝ maasou? Mbuseya ɓaa nǝngsǝ men kwanda ɓa, ǝn siso mbukau? Hana kwanda sǝra, ǝn siso mbukau? 20Awo, pa nǝn sen me, mbu ɓaa ɓǝn nyoosǝ kwandamse ɓǝ nasǝ haɗaya wa, ɓǝn na nsaamse, sem Kaa ra. Nǝ yau me sǝ kaɗ fin ma nsaamse ra. 21Ɗǝɗa sem kǝn kǝsaa nkaa sǝ wee a kofi Ankundi ya, ɗǝm sǝ wee a kofi nsaamse wa ra. Ɗǝɗa sem kǝn kǝsaa nkaa sǝ se mbuseya Ankundi ɓa, ɗǝm sǝ se mbuseya nsaamese wa ra. 22Ndǝn kǝr me ndǝ ti Ankundi yǝ tom rǝmarau? Ko ndǝ faɗsǝ kokroktou?
Aa tom hana mbi me too Kaa wa
23Sǝn nkee me, “Mbusa nsaad ɓaa lee nǝ ɗǝɗan.” Pa a nani, sem mbusa nsaad ǝn mbu hima ɓa ra. Sǝn nkee me, “Mbusa nsaad ɓaa leenǝ ɗǝɗan.” Pa a nani, sem mbusa nsaad ǝn tisǝ aa mbar wa ra. 24Ngǝ kǝr nkweerange seɗɗe mbu kǝnga hima ɓa ra, pa ngǝ kǝr mbu ɓaata ɓǝka hima ɓa kǝn.
25Sǝ se hana nkaamǝra tuu nara u ɓan fangsǝ wa, sǝ taa me fiɗ nau ra, me tom pa senta saa sǝ rǝka ma han tuu siso fiɗsǝ ɓa ra. 26Nga ɓaa nyorsǝ a likarkar Kaa wa me, “Put taandi wa ma mbu ɗaan ɓa nsaad, ǝn u Ankundi wa.”
27Me yaake a ɗaaso ɓaa ɓǝ bǝɗɗa Kaa ra ɓa, yǝ yarsǝ aa se mbuseya wa, ɗǝm sǝ yau sǝ kon, sǝ se hana mbi u ɓǝ tisǝsǝ a wiiyo ɓa, sǝ taa me fiɗ nau ra, me tom pa senta saa sǝ rǝka ra. 28Pa me yaake nkeesǝ me, “Mbuseya ɓa, ɓaa nǝng men kwanda wa,” sǝ kong se mbuseya siso ra, me sǝ sen eɗ yǝ nkeesǝsǝ siya, ɗǝm me tom senta saa sǝ rǝka ra. 29Nǝn ɗim senda kuɗa eɗ sisi ra, sem u waaso ra. To, ate a ɗaaso waaso kiyǝ nkaa yǝ nkee me, “Mbu kǝ kwaa mbi senda kuɗa ate ta, nǝ saa kaɗ hurhurto wa nwaanou? 30Me nǝ se mbuseya u nǝ tomsǝ himara a si wa, pa kǝ tomtomni yaake kiyaa nkee me, nǝ tom tenatenato a mbuseya nǝ nasǝ himara Kaa a siso ɓau?”
31Waso, hana sǝn tom mbi, hana sǝn se mbi, hana sǝn wee mbi, sǝ tom mbusa nsaad men nyoo ɗǝnda Kaa ra wa. 32Sǝ kong tom mbu kwiɗɗa a ɓaa Yahudawa ɓa ni ra, hana ɓaa ɓǝn Yahudawa ra ɓa, hana kwauwo ɓan bǝɗ Kaa ɓa wa. 33Sǝ tom mbusǝsa keke nga nǝn kweetǝ me nǝ hur kuɗa hana yamni a mbu nǝn tomsǝ ɓa nsaad wa. Sem himara nkweerane seɗɗe nǝn kǝrsǝ wa ra, pa nǝn kǝr me ɓeta peler ɓǝ hima, me ɓǝ taa konnkweera wa.
Currently Selected:
1 KOR 10: LLA
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association
1 KOR 10
10
Wiin ngwee a ɗuura tom hooto kwanda wa
1Ɓaata ɓǝna, nǝ yau me sǝ maa me, nsaad sirta ɓǝnda ɓǝ siki a kunda liuta ra, ɗǝm nsaad ɓǝ bǝɗ ma ɗaaso aulaara wa. 2Nsaad ɓaa soɓ ɓǝ ɗuura ɗaan a liuta ɗǝm ɗaan a aulaara siso, me ɓǝ bǝɗ Musa. 3Nsaad ɓosa ɓǝ se mbuseya fin u wiso wa, 4ɗǝm nsaad ɓosa ɓǝ wee mbraa fin u wiso wa, me ɓǝ wee mbraa u fiɗsǝ a ɗungara u wiso wa, u yǝ sikisǝ ke ma ɓosa wa. Ɗungara sǝra, ndǝ Almaseho. 5Pa nsaad siso, Kaa yǝ kura nebto ma ɓaata dem a ɗaaso ɓoso ra, u kansǝ ɓaa ɓǝ toɗ a sanglo wa.
6To, mbusǝsa tom maaso me ndǝ wiin ngwee, me ndǝ kura nɗeura aa tom mbu kwalakwala ɓa nga ɓosa ɓǝ tomsǝ wa ra. 7Sǝ kong tom ɓan nyoo kwandamse ɓa, nga ɓaata ɓosa ɓǝ tomsǝ wa ra. Nga ɓaa nyorsǝ a likarkar Kaa wa me, “Ɓet sǝsa ɓǝ kaɗ ɗaa, ɓǝ se, ɓǝ wee a wii kwandamse ɓose wa, pa ɓǝ nii ɓǝ ntii hira.” 8Ndǝ kong tom pepeto nga ɓaata ɓosa ɓǝ tomsǝ wa ra, aa kwaa ɓeta puusa pu pu pwausa aa nhaa taatǝn, ɓǝ woɗ kaa fina. 9Ndǝ kong pǝta Ankundi wa, nga ɓaata ɓosa ɓǝ tomsǝ wa ra, aa kwaa nsaamse ɓǝ toɗɗo. 10Ndǝ kong tom nhurunhuru, nga ɓaata ɓosa ɓǝ tomsǝ wa ra, aa kwaa antimira Kaa an toɗ ɓeta ya, ǝɓǝ toɗɗo.
11Nsaad mbu ntee ɓǝsǝ sǝsa, ndǝ mǝɗkǝra, ɗǝm ɓaa nyor me ndǝ wiin ngwee, ndase ndǝsǝ a feɗefeɗe kareya wa. 12Me maaso, me ngǝn wǝr nga ngǝ nǝɗǝn kǝɗ kokrok, a nhii nwaa tom pa ngǝ nwii ra! 13Nsaad ɓeta ɓǝ kanan a pǝtǝra nga saase sǝ kansǝ ɗaan wa kǝn. Kaa yǝ yaa ma ɓongtǝra ya, yǝ pǝta yǝsǝ lee sǝ kan a pǝtara u faɗsǝ kokrokto waaso wa ra. Pa kiyǝ wil ɗǝɗa fiɗ fiɗɗa, u kǝsǝ nkaa sǝ sǝm wa.
14Me maaso, ɓaata ɓǝna, ɓaa nǝn yausǝsǝ ɓa, sǝ mon nyoo kwandamse wa. 15Nǝn kan ma saase, me sǝn ɓaa ma senta kwalari ɓa, sǝ sengge mara na nlaa ma nkweerase, kǝsǝ maa mbu nǝn nkeesǝsǝ ɓa. 16Sem kofi nahimara siya, u ndǝn nasǝ himara Kaa a si wa, ǝn siso yǝ tǝmbandǝsǝ ndǝ kaɗ fin a monma Almaseho wa rau? Ɗǝm nkaadǝng ndǝn kǝusǝ wa, ǝn siso yǝ tǝmbandǝsǝ ndǝ kaɗ fin ma lau maabiri Almaseho wa rau? 17Nga nkaadǝng siso fin wa, hanaka ndase ndǝsǝ peler wa, ndǝ maabiri fin, me nsaad nkaadǝng fin ndǝn kǝusǝ wa.
18Sǝ sengge ɓaa Isra'ila ɓa. Hankara, ɓaa ɓǝn sesǝ mbuseya ɓaa nǝngsǝ haɗayamse ɓa wa, ɓǝ sem ɓaa fina aa se haɗayamse u ɓaa nasǝ Kaa a bagadi haɗaya wa rau? 19Nǝn sen mbi nǝ nkeesǝ maasou? Mbuseya ɓaa nǝngsǝ men kwanda ɓa, ǝn siso mbukau? Hana kwanda sǝra, ǝn siso mbukau? 20Awo, pa nǝn sen me, mbu ɓaa ɓǝn nyoosǝ kwandamse ɓǝ nasǝ haɗaya wa, ɓǝn na nsaamse, sem Kaa ra. Nǝ yau me sǝ kaɗ fin ma nsaamse ra. 21Ɗǝɗa sem kǝn kǝsaa nkaa sǝ wee a kofi Ankundi ya, ɗǝm sǝ wee a kofi nsaamse wa ra. Ɗǝɗa sem kǝn kǝsaa nkaa sǝ se mbuseya Ankundi ɓa, ɗǝm sǝ se mbuseya nsaamese wa ra. 22Ndǝn kǝr me ndǝ ti Ankundi yǝ tom rǝmarau? Ko ndǝ faɗsǝ kokroktou?
Aa tom hana mbi me too Kaa wa
23Sǝn nkee me, “Mbusa nsaad ɓaa lee nǝ ɗǝɗan.” Pa a nani, sem mbusa nsaad ǝn mbu hima ɓa ra. Sǝn nkee me, “Mbusa nsaad ɓaa leenǝ ɗǝɗan.” Pa a nani, sem mbusa nsaad ǝn tisǝ aa mbar wa ra. 24Ngǝ kǝr nkweerange seɗɗe mbu kǝnga hima ɓa ra, pa ngǝ kǝr mbu ɓaata ɓǝka hima ɓa kǝn.
25Sǝ se hana nkaamǝra tuu nara u ɓan fangsǝ wa, sǝ taa me fiɗ nau ra, me tom pa senta saa sǝ rǝka ma han tuu siso fiɗsǝ ɓa ra. 26Nga ɓaa nyorsǝ a likarkar Kaa wa me, “Put taandi wa ma mbu ɗaan ɓa nsaad, ǝn u Ankundi wa.”
27Me yaake a ɗaaso ɓaa ɓǝ bǝɗɗa Kaa ra ɓa, yǝ yarsǝ aa se mbuseya wa, ɗǝm sǝ yau sǝ kon, sǝ se hana mbi u ɓǝ tisǝsǝ a wiiyo ɓa, sǝ taa me fiɗ nau ra, me tom pa senta saa sǝ rǝka ra. 28Pa me yaake nkeesǝ me, “Mbuseya ɓa, ɓaa nǝng men kwanda wa,” sǝ kong se mbuseya siso ra, me sǝ sen eɗ yǝ nkeesǝsǝ siya, ɗǝm me tom senta saa sǝ rǝka ra. 29Nǝn ɗim senda kuɗa eɗ sisi ra, sem u waaso ra. To, ate a ɗaaso waaso kiyǝ nkaa yǝ nkee me, “Mbu kǝ kwaa mbi senda kuɗa ate ta, nǝ saa kaɗ hurhurto wa nwaanou? 30Me nǝ se mbuseya u nǝ tomsǝ himara a si wa, pa kǝ tomtomni yaake kiyaa nkee me, nǝ tom tenatenato a mbuseya nǝ nasǝ himara Kaa a siso ɓau?”
31Waso, hana sǝn tom mbi, hana sǝn se mbi, hana sǝn wee mbi, sǝ tom mbusa nsaad men nyoo ɗǝnda Kaa ra wa. 32Sǝ kong tom mbu kwiɗɗa a ɓaa Yahudawa ɓa ni ra, hana ɓaa ɓǝn Yahudawa ra ɓa, hana kwauwo ɓan bǝɗ Kaa ɓa wa. 33Sǝ tom mbusǝsa keke nga nǝn kweetǝ me nǝ hur kuɗa hana yamni a mbu nǝn tomsǝ ɓa nsaad wa. Sem himara nkweerane seɗɗe nǝn kǝrsǝ wa ra, pa nǝn kǝr me ɓeta peler ɓǝ hima, me ɓǝ taa konnkweera wa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association