1 KOR 11
11
1Sǝ tom mǝɗkǝra ma nase nga nǝn tomsǝ mǝɗkǝra ma Almaseho wa.
Toona ɓǝ liki ɗuuti ɓose
2Nǝn minisǝ me sǝn ɗim ma nase a mbusa nsaad, ɗǝm sǝn bǝɗ fǝɗkǝra keke nga nǝ nasǝsǝ wa. 3Pa nǝn yau me sǝ maa me, Almaseho ndǝ sase anwii hana yamni ya, parara ɗǝm ndǝ sase anwii toone si ya, Kaa ɗǝm, ndǝ sase anwii Almaseho ya. 4Hana parara na ra, yaa yǝ tomsǝ kǝnara ya, hana yǝ na wanto ma ɗuura ira likisǝ ya, yǝ na ɗuuranwaara anwii isi. 5Ɗǝm hana toone na ya, yaa yǝ tomsǝ kǝnara ya, hana yǝ na wanto ɗuura ira liki ra ya, yǝ na ɗuuranwaara anwii isi, ɗǝm yǝ keke nga aa nkee me yǝ nhii ɗuura iran. 6Me toone yǝ mbisi liki ɗuura ira wan, to, para yǝ nhii ɗuura ira, pa me ǝn mbu ɗuuranwaara ɓa a toone ni yǝ nhii ɗuura ira wa, faɗɗan yǝ liki ɗuura ira. 7Parara pam me yǝ liki ɗuura ira ra, me sase yǝn sakankuura ma too Kaa wa wa. Pa toone usu yǝn weɗɗa too parara wa. 8Ai, a ntiiri sem parara yǝ fiɗsǝ a maabiri toone ya ra, pa toone yǝ fiɗ sase a maabiri parara ya. 9Ɗǝm ɓaa mar parara men toone ra, pa ɓaa mar toone men parara. 10Me maaso, tommon ɗaɗ toone yǝ liki ɗuura ira, u nwa yǝn weɗɗa kwangto me ɓan timira Kaa ɓa.
11Hana maaso, ma lau Ankundi wa, toone yǝ sem ɓaasǝ ma parara ra, parara ɗǝm yǝ sem ɓaasǝ ma toone ra. 12Nga toone yǝ fiɗsǝ a parara ni wa, maaso kǝn, toone yǝ haasǝ parara wa. Pa mbusa nsaad fiɗɗa Kaa ni. 13Sǝ sengge ma nkweerase, pamman keke toone yǝ tom kǝnara a Kaa ni ɗuura ira liki rau? 14Ai, kaɗɗo a put taandi wa, yǝ fǝɗkǝsǝ me parara yǝ lee nhiinyo usu aa mbar dem wa, ǝn mbu ɗuuranwaara ɓa a sani. 15Pa me toone yǝ ma nhiinyo mbarsǝ dem, ǝn mbu kwalari ɓa a sani, me ɓaa nasǝ nhii siso me mbu liki ɗuura ɓa. 16Me yaake yǝ taa yǝ tom renǝta a mara ra, waato, tǝ sem ma fǝɗkǝra kǝra ɓol ra, maaso ɗǝm ma nsaad pepere kwauwo ɓan bǝɗ Kaa ɓa wa.
Wiin ngwee a ɗuura se mbuseya Ankundi ɓa
17Pa waso, a ɗuura fǝɗkǝra nǝn yausǝ me kǝnǝsǝ na ra, nǝsǝ mini ra me kwauwo waaso ǝn mbu tena ra. 18A ntiiri, fer sǝ tomsǝ kwauwo ɓan bǝɗ Kaa ɓa wa, nǝ kura me ɓaa ɗuuti wa kǝn a ɗaaso waaso, u kansǝ nǝ nasǝ ɓongtǝra ma mara sǝra wa. 19Ɓongtǝra, kǝ taa ɓaa ɗuuti wa a ɗaaso waaso, me aa nkaa aa maa ɓaa ɓǝn tomsǝ mbu keke ɓa a ɗaaso waaso. 20Hankara me sǝ kwauwan a han finaa wa, sem me sesǝ mbuseya Ankundi ɓa maɗ ra! 21Nǝ nkee maaso me, han se mbuseya ɓa, hanan yamni yǝn faɗ wiiyo ma se mbuseya wa, yǝ waraa ate ra, ǝn kwaa aa lee ate aa ɗoora, ate ɗǝm yǝ se, yǝ wee, aa taan. 22Sǝ sem ma hitsa u kǝsaa se sǝ wee ɗaan wa rau? Ko ɗǝm sǝ bini kwauwo ɓan bǝɗ Kaa ɓa wa, ɗǝm sǝ na ɗuuranwaara hanhantau? Nwa, nǝsǝ nkee mbi, nǝsǝ mini a mbusǝsau? Awo, nǝsǝ mini ra.
Se mbuseya Ankundi ɓa
23Fǝɗkǝra nǝ nasǝsǝ ra, nǝ kon a Ankundi ni, ǝn u nwa, Ankundi Yeso, a pǝrtǝra ɓaa fangsǝsǝ ra, yǝ too nkaadǝng, 24ndiira yǝ nasǝ himara wa, pa yǝ ɓaa, yǝ nkee me, “U nwa ndǝ maabiri yaane, u ɓaa nasǝ a ɗuura saa wa. Sǝ tom maaso me sa ɗim ma niina.” 25Maaso ɗǝm, ndiira se mbuseya sǝsa wa, yǝ too kofi, yǝ nkee me, “Kofi ya, ndǝ nfiinfiira waa ra, ma monma naa. Sǝ tom aa tommo maaso hana kauni me kǝsǝ wee, me sǝn ɗim ma niina.” 26U nwa sen me, hana kauni me sǝn kǝu nkaadǝng nwa, ɗǝm sǝ wee a kofi ya, sǝn nkee mara a ɗuura woɗɗo Ankundi ra wa, a kan a fer kiyaa kang wa.
Se mbuseya Ankundi ɓa a ɗǝɗa u pam ra wa
27Me maaso, hana yamni yaa yǝ kǝusǝ nkaaɗǝng wa ya, hana yǝ wee a kofi u Ankundi wa a ɗǝɗa u pam ra wa, yǝ tom tenatenato maabiri ma monma u Ankundi wa. 28Hana yamni yǝ mǝɗkǝ nkweeresi nhe, pa yǝ kǝu nkaaɗǝng siso, ɗǝm yǝ wee a kofi siso. 29Hana yamni yaa yǝ kǝusǝ nkaadǝng siso ya, ɗǝm yǝ wee a kofi siso ya, sem ma na mbarta maabiri Ankundi ya ra, yǝ wiin nkweeresi nǝng kiita wa, ma lau kǝuwo ma weeyo siso wa. 30Ndǝ siso mbu kwaasǝ dem a ɗaaso waaso ɓǝ kini ra ɓa, ɗǝm ɓǝ sem kwakwa ra, ɓaata ɗǝm ɓǝ woɗɗon. 31Pa me ka ndǝ mǝɗkǝ nkweerande nhe, kama ɓaa ndǝ nǝng kiita ra. 32Me Ankundi yǝ kanndǝ kiita sase, yǝn wiin ndǝ ngwee, me tom yǝ ndǝ nǝng kiita ke ma ɓet put taandi wa ɓa ra. 33Me maaso, ɓaata ɓǝna, me sǝ kwau a han se mbuseya ɓan, sǝ war ɓaatǝ nhe. 34Me yaake usu ɗoora sisǝ dem, yǝ se mbuseya ɗuur usu nhe, me tom kwauwo waaso a kwaa Ankundi yǝsǝ kan kiita ra.
Pa me nǝ won, kǝnǝsǝ nkee pepere fǝɗkǝra ya.
Currently Selected:
1 KOR 11: LLA
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association
1 KOR 11
11
1Sǝ tom mǝɗkǝra ma nase nga nǝn tomsǝ mǝɗkǝra ma Almaseho wa.
Toona ɓǝ liki ɗuuti ɓose
2Nǝn minisǝ me sǝn ɗim ma nase a mbusa nsaad, ɗǝm sǝn bǝɗ fǝɗkǝra keke nga nǝ nasǝsǝ wa. 3Pa nǝn yau me sǝ maa me, Almaseho ndǝ sase anwii hana yamni ya, parara ɗǝm ndǝ sase anwii toone si ya, Kaa ɗǝm, ndǝ sase anwii Almaseho ya. 4Hana parara na ra, yaa yǝ tomsǝ kǝnara ya, hana yǝ na wanto ma ɗuura ira likisǝ ya, yǝ na ɗuuranwaara anwii isi. 5Ɗǝm hana toone na ya, yaa yǝ tomsǝ kǝnara ya, hana yǝ na wanto ɗuura ira liki ra ya, yǝ na ɗuuranwaara anwii isi, ɗǝm yǝ keke nga aa nkee me yǝ nhii ɗuura iran. 6Me toone yǝ mbisi liki ɗuura ira wan, to, para yǝ nhii ɗuura ira, pa me ǝn mbu ɗuuranwaara ɓa a toone ni yǝ nhii ɗuura ira wa, faɗɗan yǝ liki ɗuura ira. 7Parara pam me yǝ liki ɗuura ira ra, me sase yǝn sakankuura ma too Kaa wa wa. Pa toone usu yǝn weɗɗa too parara wa. 8Ai, a ntiiri sem parara yǝ fiɗsǝ a maabiri toone ya ra, pa toone yǝ fiɗ sase a maabiri parara ya. 9Ɗǝm ɓaa mar parara men toone ra, pa ɓaa mar toone men parara. 10Me maaso, tommon ɗaɗ toone yǝ liki ɗuura ira, u nwa yǝn weɗɗa kwangto me ɓan timira Kaa ɓa.
11Hana maaso, ma lau Ankundi wa, toone yǝ sem ɓaasǝ ma parara ra, parara ɗǝm yǝ sem ɓaasǝ ma toone ra. 12Nga toone yǝ fiɗsǝ a parara ni wa, maaso kǝn, toone yǝ haasǝ parara wa. Pa mbusa nsaad fiɗɗa Kaa ni. 13Sǝ sengge ma nkweerase, pamman keke toone yǝ tom kǝnara a Kaa ni ɗuura ira liki rau? 14Ai, kaɗɗo a put taandi wa, yǝ fǝɗkǝsǝ me parara yǝ lee nhiinyo usu aa mbar dem wa, ǝn mbu ɗuuranwaara ɓa a sani. 15Pa me toone yǝ ma nhiinyo mbarsǝ dem, ǝn mbu kwalari ɓa a sani, me ɓaa nasǝ nhii siso me mbu liki ɗuura ɓa. 16Me yaake yǝ taa yǝ tom renǝta a mara ra, waato, tǝ sem ma fǝɗkǝra kǝra ɓol ra, maaso ɗǝm ma nsaad pepere kwauwo ɓan bǝɗ Kaa ɓa wa.
Wiin ngwee a ɗuura se mbuseya Ankundi ɓa
17Pa waso, a ɗuura fǝɗkǝra nǝn yausǝ me kǝnǝsǝ na ra, nǝsǝ mini ra me kwauwo waaso ǝn mbu tena ra. 18A ntiiri, fer sǝ tomsǝ kwauwo ɓan bǝɗ Kaa ɓa wa, nǝ kura me ɓaa ɗuuti wa kǝn a ɗaaso waaso, u kansǝ nǝ nasǝ ɓongtǝra ma mara sǝra wa. 19Ɓongtǝra, kǝ taa ɓaa ɗuuti wa a ɗaaso waaso, me aa nkaa aa maa ɓaa ɓǝn tomsǝ mbu keke ɓa a ɗaaso waaso. 20Hankara me sǝ kwauwan a han finaa wa, sem me sesǝ mbuseya Ankundi ɓa maɗ ra! 21Nǝ nkee maaso me, han se mbuseya ɓa, hanan yamni yǝn faɗ wiiyo ma se mbuseya wa, yǝ waraa ate ra, ǝn kwaa aa lee ate aa ɗoora, ate ɗǝm yǝ se, yǝ wee, aa taan. 22Sǝ sem ma hitsa u kǝsaa se sǝ wee ɗaan wa rau? Ko ɗǝm sǝ bini kwauwo ɓan bǝɗ Kaa ɓa wa, ɗǝm sǝ na ɗuuranwaara hanhantau? Nwa, nǝsǝ nkee mbi, nǝsǝ mini a mbusǝsau? Awo, nǝsǝ mini ra.
Se mbuseya Ankundi ɓa
23Fǝɗkǝra nǝ nasǝsǝ ra, nǝ kon a Ankundi ni, ǝn u nwa, Ankundi Yeso, a pǝrtǝra ɓaa fangsǝsǝ ra, yǝ too nkaadǝng, 24ndiira yǝ nasǝ himara wa, pa yǝ ɓaa, yǝ nkee me, “U nwa ndǝ maabiri yaane, u ɓaa nasǝ a ɗuura saa wa. Sǝ tom maaso me sa ɗim ma niina.” 25Maaso ɗǝm, ndiira se mbuseya sǝsa wa, yǝ too kofi, yǝ nkee me, “Kofi ya, ndǝ nfiinfiira waa ra, ma monma naa. Sǝ tom aa tommo maaso hana kauni me kǝsǝ wee, me sǝn ɗim ma niina.” 26U nwa sen me, hana kauni me sǝn kǝu nkaadǝng nwa, ɗǝm sǝ wee a kofi ya, sǝn nkee mara a ɗuura woɗɗo Ankundi ra wa, a kan a fer kiyaa kang wa.
Se mbuseya Ankundi ɓa a ɗǝɗa u pam ra wa
27Me maaso, hana yamni yaa yǝ kǝusǝ nkaaɗǝng wa ya, hana yǝ wee a kofi u Ankundi wa a ɗǝɗa u pam ra wa, yǝ tom tenatenato maabiri ma monma u Ankundi wa. 28Hana yamni yǝ mǝɗkǝ nkweeresi nhe, pa yǝ kǝu nkaaɗǝng siso, ɗǝm yǝ wee a kofi siso. 29Hana yamni yaa yǝ kǝusǝ nkaadǝng siso ya, ɗǝm yǝ wee a kofi siso ya, sem ma na mbarta maabiri Ankundi ya ra, yǝ wiin nkweeresi nǝng kiita wa, ma lau kǝuwo ma weeyo siso wa. 30Ndǝ siso mbu kwaasǝ dem a ɗaaso waaso ɓǝ kini ra ɓa, ɗǝm ɓǝ sem kwakwa ra, ɓaata ɗǝm ɓǝ woɗɗon. 31Pa me ka ndǝ mǝɗkǝ nkweerande nhe, kama ɓaa ndǝ nǝng kiita ra. 32Me Ankundi yǝ kanndǝ kiita sase, yǝn wiin ndǝ ngwee, me tom yǝ ndǝ nǝng kiita ke ma ɓet put taandi wa ɓa ra. 33Me maaso, ɓaata ɓǝna, me sǝ kwau a han se mbuseya ɓan, sǝ war ɓaatǝ nhe. 34Me yaake usu ɗoora sisǝ dem, yǝ se mbuseya ɗuur usu nhe, me tom kwauwo waaso a kwaa Ankundi yǝsǝ kan kiita ra.
Pa me nǝ won, kǝnǝsǝ nkee pepere fǝɗkǝra ya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association