1 KOR 9
9
Mbu pamsǝ me ɓahone ɓǝ taa ɓa
1Nase nǝ sem ma kaɗ hurhur wa rau? Nase nǝn ɓahone Yeso ya rau? Nǝ wǝr Yeso Ankundi yaande rau? Saase sǝ sem tinima nema sǝna a tinima Ankundi ma rau? 2Hanaka nǝn ɓahone Yeso ya a yaake ni ra, pa nǝn ɓahone isi a saani, me kaɗɗo waaso ɓan bǝɗɗa wa weɗɗa me, nǝn ɓahone Ankundi ya.
3Ma mbuɓa, nǝn nkweetǝsǝ nkweerane ma siso a wii ɓaa ɓǝn kannǝsǝ kiita ɓa. 4Waso tǝ sem ma ɗǝɗa me ɓaa tǝ na mbuseya ma mbu weeya ɓa rau? 5Tǝ sem ma ɗǝɗa kǝta siki ke ma toona ɓǝta ɓan bǝɗɗa, nga pepere ɓahona ma ɓaata koɓ Ankundi ɓa, ɗǝm ma Kefas, ɓǝn tomsǝ wa rau? 6Ko ndǝ niina ma Barnaba seɗɗe tomsǝ ɗaɗ tǝ nsee nkweerate wau?
7Ndǝ yamni yǝn tomsǝ tinima nsosa ma, pa yǝ nsee nkweere isiu? Ndǝ yamni kiyaa waa nyaanyo emngwate inabi ma, pa yǝ yam kǝu emɓisa wau? Ndǝ yamni kiyaa tom wanda kuru ra, pa yǝ yam ma wee meema ima wau? 8Nǝ nkeesǝ maaso wa, ndǝn senda ete rau? Hana a fǝɗkǝra Masaka Musa wa ɓaa nyor maaso rau? 9Nga ɓaa nyorsǝ a Masaka Musa wa me, “Ngǝ kong liki ee naa mor mbusa wa a fer yǝn morsǝ nyaanyo wa ra.” Ndǝ naa seɗɗe Kaa yǝn sengge ɓǝsǝ wau? 10Sem a ɗuura nda yǝn kansǝ mara sǝra wa rau? Tumoto, ɓaa nyor men ndase. Pam me an waawo ya, ma an suɓ koma ya, ɓǝ ti senda me ɓǝ taa nsaa ɓoso a mbu ɓaa taasǝ a nyaanyo siso ɓa. 11Me tǝ rǝk nkaama wiso ma a kuti yaase, to, ǝn mbiu mbu kwalakwala ɓa, me tǝ kon mbu sǝ taasǝ a nyaanyo ɓau? 12Me ɓaata ɓǝ ma ɗǝɗa ɓǝ taa nsaa a saani, taase tǝ sem ma ɗǝɗa u faɗsǝ ɓoso wa rau?
Pa nsaad siso, tǝ tom tinima ma ɗǝɗa sǝra ra, awo, pa tǝ sǝmǝn ma mbusa nsaad me tom aa saa mara kwalari u Almaseho kǝ taa nkee wa ra. 13Hankara sǝ maa me, ɓaa ɓǝn tomsǝ tinima a hit bǝɗ Kaa Urshalima wa, ɓǝn taa mbuseya ɓosa ɗaan kǝnso rau? Ɗǝm ɓaa ɓǝn tomsǝ tinima a bagadi ɓa, ɓǝn taa ɓoso ɗaan a mbu ɓaa nǝngsǝ men haɗaya wa rau? 14Maaso ɗǝm, Ankundi yǝ nkee me, ɓaa ɓǝn nkeesǝ mara kwalari ra ɓa, ɓǝkǝ taa mbu kǝɓǝn ɗanyǝ ɓa a tinima sǝma.
15Pa nase nǝ pǝta tom tinima ma ɗǝta sǝta ra hana fin, ɗǝm nǝ nyoraa me ɓǝ nǝ tom mbusa nga siso maaso ra. Ai, para nǝ woɗɗo, a ɗuura yaake kiyǝ nǝn saa nheuwo siso wa. 16Hanaka nǝn tom tinima nkee mara kwalari ra wa, siso kang nǝ mbu tom nheura ɓa ra, me tommon ɗaɗ a nani, nǝ tom tinima sǝma. Ən mbu nyorataara ɓa a nani, me nǝ nkee mara kwalari ra ra! 17Me ka nǝn tom ma yauwo waano, kama ɓaa kǝnǝ na nsaa. Pa waano sem maaso ra, tommon ɗaɗ nǝ tom tinima sǝma, me ɓaa tinǝ me nǝ tommo. 18Yaa waso nsaa waano ǝn mbiu? Nsaa waano ndǝ siso, me nǝ nkee mara kwalari ra a salto. Ɗǝm nǝ pǝta nkee mara kwalari ra ma ɗǝta na sǝta ra.
19Hanaka nasǝn hoora yaake wa ra, nǝ kang ɗuura naa hoora hana yamni ra, me nǝ wiin ɓeta dem. 20A ɓaa Yahudawa ɓa ni, nǝ kang nga Bayahude, me nǝ wiin ɓaa Yahudawa ɓa. A ɓaa Masaka Musa wa yǝn tomsǝ kuɓsutu a ɗuura ɓora wa, pa nǝ kang nga yaa Masaka wa yǝn tomsǝ kuɓsutu a ɗuura ira ya, hanaka Masaka siso yǝ tomsǝ kuɓsutu a ɗuura naa ra wa. Pa nǝ tom mbusǝsa nsaad me nǝ wiin ɓaa Masaka siso yǝn tomsǝ kuɓsutu a ɗuura ɓora ɓa. 21Ɗǝm a ɓaa ɓǝ bǝɗɗa Masaka Musa wa ra ɓa, pa nǝ kang nga yaa yǝ bǝɗɗa Masaka siso wa ra, sem me Masaka Kaa wa yǝ tomma kuɓsutu a ɗuura naa ra, awo, nǝn bǝɗ Masaka Almaseho wa, me nǝ wiin ɓaa ɓǝ bǝɗɗa Masaka Musa wa ra ɓa. 22A ɓaa ɓǝ kini a naɓongtǝra wa ra ɓa, nǝn kang nga yaa yǝ kini ra ya, me nǝ ɓǝ wiinni. Nǝ kang nga hana mbi, a hana nkamǝra ɓeta na ra, me hana minimini, nǝ kon nkweera ɓaata. 23Nsaad mbusǝsa nǝn tom men mara kwalari ra, me nǝ taa nsaa waano ɗaan a saltǝra ira.
24Hankara sǝ maa me, a han pala monee ɓa, nsaad ɓan monee ɓa, ɓǝn kweetǝ me ɓǝ taalǝ ɓaatǝ, pa sem fin maɗ a ɗaaso ɓoso yǝn taasǝ se wa rau? Pa me maaso, sǝ tomaa monee u kǝsa taa sǝ se wa. 25Nsaad ɓan pala monee ɓa, ɓǝn ma ɗuura ɓora a hana mbi. Ɓǝn tom maaso me ɓǝ taa nsaa kukǝra wa, u yǝn tǝblǝsǝ wa, pa nsaa kukǝra waando, aa pǝta tǝblo ra. 26Me maaso, monee yaane sem u sal wa ra, ɗǝm ɗaktǝra na, nǝ ɗaktaa yoro ra. 27Pa nǝn ma ɗuura naa ma maabiri yaane, naa ti yǝ kang hoora na, me tom pa ndiira nǝ nkeesǝ ɓaata mara kwalari ra wa, nase nkweerane, nǝ yam taa nsaa wa.
Currently Selected:
1 KOR 9: LLA
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association
1 KOR 9
9
Mbu pamsǝ me ɓahone ɓǝ taa ɓa
1Nase nǝ sem ma kaɗ hurhur wa rau? Nase nǝn ɓahone Yeso ya rau? Nǝ wǝr Yeso Ankundi yaande rau? Saase sǝ sem tinima nema sǝna a tinima Ankundi ma rau? 2Hanaka nǝn ɓahone Yeso ya a yaake ni ra, pa nǝn ɓahone isi a saani, me kaɗɗo waaso ɓan bǝɗɗa wa weɗɗa me, nǝn ɓahone Ankundi ya.
3Ma mbuɓa, nǝn nkweetǝsǝ nkweerane ma siso a wii ɓaa ɓǝn kannǝsǝ kiita ɓa. 4Waso tǝ sem ma ɗǝɗa me ɓaa tǝ na mbuseya ma mbu weeya ɓa rau? 5Tǝ sem ma ɗǝɗa kǝta siki ke ma toona ɓǝta ɓan bǝɗɗa, nga pepere ɓahona ma ɓaata koɓ Ankundi ɓa, ɗǝm ma Kefas, ɓǝn tomsǝ wa rau? 6Ko ndǝ niina ma Barnaba seɗɗe tomsǝ ɗaɗ tǝ nsee nkweerate wau?
7Ndǝ yamni yǝn tomsǝ tinima nsosa ma, pa yǝ nsee nkweere isiu? Ndǝ yamni kiyaa waa nyaanyo emngwate inabi ma, pa yǝ yam kǝu emɓisa wau? Ndǝ yamni kiyaa tom wanda kuru ra, pa yǝ yam ma wee meema ima wau? 8Nǝ nkeesǝ maaso wa, ndǝn senda ete rau? Hana a fǝɗkǝra Masaka Musa wa ɓaa nyor maaso rau? 9Nga ɓaa nyorsǝ a Masaka Musa wa me, “Ngǝ kong liki ee naa mor mbusa wa a fer yǝn morsǝ nyaanyo wa ra.” Ndǝ naa seɗɗe Kaa yǝn sengge ɓǝsǝ wau? 10Sem a ɗuura nda yǝn kansǝ mara sǝra wa rau? Tumoto, ɓaa nyor men ndase. Pam me an waawo ya, ma an suɓ koma ya, ɓǝ ti senda me ɓǝ taa nsaa ɓoso a mbu ɓaa taasǝ a nyaanyo siso ɓa. 11Me tǝ rǝk nkaama wiso ma a kuti yaase, to, ǝn mbiu mbu kwalakwala ɓa, me tǝ kon mbu sǝ taasǝ a nyaanyo ɓau? 12Me ɓaata ɓǝ ma ɗǝɗa ɓǝ taa nsaa a saani, taase tǝ sem ma ɗǝɗa u faɗsǝ ɓoso wa rau?
Pa nsaad siso, tǝ tom tinima ma ɗǝɗa sǝra ra, awo, pa tǝ sǝmǝn ma mbusa nsaad me tom aa saa mara kwalari u Almaseho kǝ taa nkee wa ra. 13Hankara sǝ maa me, ɓaa ɓǝn tomsǝ tinima a hit bǝɗ Kaa Urshalima wa, ɓǝn taa mbuseya ɓosa ɗaan kǝnso rau? Ɗǝm ɓaa ɓǝn tomsǝ tinima a bagadi ɓa, ɓǝn taa ɓoso ɗaan a mbu ɓaa nǝngsǝ men haɗaya wa rau? 14Maaso ɗǝm, Ankundi yǝ nkee me, ɓaa ɓǝn nkeesǝ mara kwalari ra ɓa, ɓǝkǝ taa mbu kǝɓǝn ɗanyǝ ɓa a tinima sǝma.
15Pa nase nǝ pǝta tom tinima ma ɗǝta sǝta ra hana fin, ɗǝm nǝ nyoraa me ɓǝ nǝ tom mbusa nga siso maaso ra. Ai, para nǝ woɗɗo, a ɗuura yaake kiyǝ nǝn saa nheuwo siso wa. 16Hanaka nǝn tom tinima nkee mara kwalari ra wa, siso kang nǝ mbu tom nheura ɓa ra, me tommon ɗaɗ a nani, nǝ tom tinima sǝma. Ən mbu nyorataara ɓa a nani, me nǝ nkee mara kwalari ra ra! 17Me ka nǝn tom ma yauwo waano, kama ɓaa kǝnǝ na nsaa. Pa waano sem maaso ra, tommon ɗaɗ nǝ tom tinima sǝma, me ɓaa tinǝ me nǝ tommo. 18Yaa waso nsaa waano ǝn mbiu? Nsaa waano ndǝ siso, me nǝ nkee mara kwalari ra a salto. Ɗǝm nǝ pǝta nkee mara kwalari ra ma ɗǝta na sǝta ra.
19Hanaka nasǝn hoora yaake wa ra, nǝ kang ɗuura naa hoora hana yamni ra, me nǝ wiin ɓeta dem. 20A ɓaa Yahudawa ɓa ni, nǝ kang nga Bayahude, me nǝ wiin ɓaa Yahudawa ɓa. A ɓaa Masaka Musa wa yǝn tomsǝ kuɓsutu a ɗuura ɓora wa, pa nǝ kang nga yaa Masaka wa yǝn tomsǝ kuɓsutu a ɗuura ira ya, hanaka Masaka siso yǝ tomsǝ kuɓsutu a ɗuura naa ra wa. Pa nǝ tom mbusǝsa nsaad me nǝ wiin ɓaa Masaka siso yǝn tomsǝ kuɓsutu a ɗuura ɓora ɓa. 21Ɗǝm a ɓaa ɓǝ bǝɗɗa Masaka Musa wa ra ɓa, pa nǝ kang nga yaa yǝ bǝɗɗa Masaka siso wa ra, sem me Masaka Kaa wa yǝ tomma kuɓsutu a ɗuura naa ra, awo, nǝn bǝɗ Masaka Almaseho wa, me nǝ wiin ɓaa ɓǝ bǝɗɗa Masaka Musa wa ra ɓa. 22A ɓaa ɓǝ kini a naɓongtǝra wa ra ɓa, nǝn kang nga yaa yǝ kini ra ya, me nǝ ɓǝ wiinni. Nǝ kang nga hana mbi, a hana nkamǝra ɓeta na ra, me hana minimini, nǝ kon nkweera ɓaata. 23Nsaad mbusǝsa nǝn tom men mara kwalari ra, me nǝ taa nsaa waano ɗaan a saltǝra ira.
24Hankara sǝ maa me, a han pala monee ɓa, nsaad ɓan monee ɓa, ɓǝn kweetǝ me ɓǝ taalǝ ɓaatǝ, pa sem fin maɗ a ɗaaso ɓoso yǝn taasǝ se wa rau? Pa me maaso, sǝ tomaa monee u kǝsa taa sǝ se wa. 25Nsaad ɓan pala monee ɓa, ɓǝn ma ɗuura ɓora a hana mbi. Ɓǝn tom maaso me ɓǝ taa nsaa kukǝra wa, u yǝn tǝblǝsǝ wa, pa nsaa kukǝra waando, aa pǝta tǝblo ra. 26Me maaso, monee yaane sem u sal wa ra, ɗǝm ɗaktǝra na, nǝ ɗaktaa yoro ra. 27Pa nǝn ma ɗuura naa ma maabiri yaane, naa ti yǝ kang hoora na, me tom pa ndiira nǝ nkeesǝ ɓaata mara kwalari ra wa, nase nkweerane, nǝ yam taa nsaa wa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2023 Seed Company in collaboration with Language Developers and Bible Translators Association