MATEUS EFALOMO
EFALOMO
Evaangeli ndika otali popi onkundana ombwanawa kutya Jesus oye Omuhupithi a uvanekwa, mungoka Kalunga a gwanitha omauvaneko ge kaantu yomEtestamendi Ekulu. Onkundana ndjika ombwanawa kayi shi owala yAajuda, moshigwana moka mwa valelwa Jesus, ihe oyaantu ayehe muuyuni.
Embo ndika olya tungwa nuukeka. Otali tameke nokuvalwa kwaJesus, tali hokolola eshasho nokumakelwa kwe, notali tsikile nokuholola nkene a uvitha, a nongeke nokwa aludha aavu muGalilea. Opo ihe otali hokolola olweendo lwaJesus okuza kuGalilea nokuuka kuJerusalem niiningwanima yomoshiwike shaJesus shahugunina, nokuhulitha nokwaalelwa komushigakano nokuyumudhwa kwe.
Evaangeli otali ulike Jesus, Omunongeki omunene ngoka ta vulu okufatulula Ompango yaKalunga nokombinga yEpangelo lyaKalunga. Oshindji shomelongo lye membo ndika oshi li miihampi itano: (1) Euvitho lyokondundu ndyoka tali fatulula omikalo, iinakugwanithwa, uuthemba nethikilo lyaakwashilongo shomegulu (oontopolwa 5-7); (2) Omayelithilo kaalongwa omulongo nayaali manga inaaya tumwa (ontopolwa 10); (3) Omayele taga fatulula Oshilongo shaKalunga (Epangelo lyaKalunga), (ontopolwa 13); (4) Elongo kombinga yomulongwa nenge omulanduli gwaJesus (ontopolwa 18); (5) Elongo kombinga yehulilo lyuuyuni nokuholoka kwEpangelo lyaKalunga (oontopolwa 24-25)
Elandulathano lyoshikalimo
Ezimo nokuvalwa kwaJesus Kristus 1:1—2:23
Iilonga yaJohannes Omushashi 3:1-12
Okushashwa nokumakelwa kwaJesus 3:13—4:11
Iilonga yaJesus muGalilea 4:12—18:35
Okuza kuGalilea nokuuka kuJerusalem 19:1—20:34
Oshiwike shahugunina muJerusalem nomuushiinda washo 21:1—27:66
Eyumuko neihololo lyOmuwa 28:1-20
Currently Selected:
MATEUS EFALOMO: ONDB
Highlight
Share
Copy
Want to have your highlights saved across all your devices? Sign up or sign in
Oshindonga Bible © Bible Society of Namibia, 2008.