MALEAKI 4
4
Esiku lyOmuwa otali ya
1Omuwa Omunankondoawike ota ti: “Esiku otali ya, uuna aanuuntsa naadhudhu ayehe taa ka hwama ya fa iihenguti. Esiku ndyoka otaa ka lunguna po thilu noitapu ka thigala nando osha. 2Ihe one mboka hamu vulika kungame, otamu ka pitilwa ketango lyuuyuuki tali mu aludha noonte dhalyo. Otamu ka manguluka e tamu nyanyukwa ngaashi uutaagona tau dhana omalondo. 3Mesiku ndyoka tandi li gandja, otamu ka sinda aadhudhu, e taa ningi ya fa ontsi kohi yoompadhi dheni.
4“Dhimbulukweni omalongo gomuntu gwandje Moses, oompango nomalombwelo ngoka nde mu pe kondundu Sinai, opo oshigwana ashihe shaIsrael shi vulike kugo.
5“Ihe esiku ndyoka enene netilithi lyOmuwa manga inaali ya, otandi mu tumine omuhunganeki Elia. 6Ota ka hanganitha natango oohe noyana, opo ndaa ye, ndi yone po evi lyeni.”
Currently Selected:
MALEAKI 4: ONDB
Highlight
Share
Copy
Want to have your highlights saved across all your devices? Sign up or sign in
Oshindonga Bible © Bible Society of Namibia, 2008.
