JESAJA 12
12
Eimbilo lyehambelelo
1Esiku otali ya, uuna to popi e to ti:
“Otandi ku hambelele, Omuwa!
Owa geele ndje, ihe ondjahi yoye oya loto,
ongoye nowa fudhitha ndje.
2Oshili, Kalunga oye ehupitho lyandje;
onde mu inekela no ihe tila sha.
Omuwa, Omuwa oye oonkondo dhandje neimbilo lyandje.
Oye a ningi ehupitho lyandje.”
3Nenyanyu otamu ka teka mo omeya momithima dhehupitho.
4Esiku ndyoka otamu popi e tamu ti:
“Hambeleleni Omuwa! Uvitheni edhina lye!
Hokololeni iilonga ye mokati kiigwana!
Uvitheni tamu ti edhina lye olya simana pombanda!
5Imbileni Omuwa, oshoka okwa longo iinima iinene!
Yi tseyithileni uuyuni auhe!
6Igidheni mokule ne mu imbe nenyanyu, ne Aasioni,
oshoka Kalunga Omuyapuki gwaIsrael oye omunene, a kala mokati keni.”
Currently Selected:
JESAJA 12: ONDB
Highlight
Share
Compare
Copy
Want to have your highlights saved across all your devices? Sign up or sign in
Oshindonga Bible © Bible Society of Namibia, 2008.
