2 ONDJALULO 3
3
1Omukwaniilwa David, he yaSalomo, okwa li a longekidha nale ehala mpoka otempeli tayi ka tungilwa. Olya li muJerusalem, kondundu Moria, ehala tuu ndyoka Arauna Omuyebusi a li e li ninga olupale lwe. Omukwaniilwa Salomo okwa tameke etungo 2momwedhi omutiyali gwomumvo omutine gwelelo lye. 3Otempeli ndjoka omukwaniilwa Salomo a tungu oya li oometa 27 muule noometa 9 momutamo. 4Ondjugo yethikilo oya li oometa 9 momutamo, ngoka gu thike pamwe nomutamo gwotempeli, nomutumbo gwayo ogwa li oometa 54. Meni omwa li mwa kolongwa noshingolilela. 5Ela enene olya li lya siikilwa niipilangi yomisedeli ya kolongithwa oshingolilela mo mwa takelwa omafano gomilunga nogomalyenge. 6Omukwaniilwa okwa opaleke otempeli nomamanya gondilo noshingoli sha za kevi lyaParvaim. 7Ongulu ayihe okwe yi kolongitha oshingoli, omiti dhontala, omishigo, omakuma nomiyelo. Komakuma aaniilonga oya takele ko omafano gaakerubi. 8Ela lyomeni, ndyoka lya lukwa Ehala lyUuyapukielela, olya li oometa 9 momutaandelo noometa 9 momutamo ngaashi otempeli yo yene. Oshingoli shondjundo yootona 20 osha longithwa mokukolonga Ehala lyUuyapukielela. 9Oshingoli shoograma 570 osha hambulwa oomboha. Noondjugo dhopombanda wo okwe dhi kolongitha noshingoli.
10Omukwaniilwa okwa hambulitha aakerubi yaali, e ya kolongitha noshingoli e te ya tula mEhala lyUuyapukielela, 11-13moka taa thikama ya tegama ya taalela kosheelo. Shaa ngoka oku na omawawa gaali, ewawa kehe li thike poometa 2,2 muule. Omawawa ga yalalekwa oga tsakanene pokati kela ga tsa kekuma koombinga adhihe mbali dhongulu. Oga taakana ano omutamo aguhe gwoometa 9 gwEhala lyUuyapukielela. 14Etopolitho lyotempeli ndyoka lya topola ko Ehala lyUuyapukielela, olya li lya tungwa moshiyata sholiina nomoshiyata oshimbulau, oshitiliganembwilili noshitiligane, sha tungilwa omafano gaakerubi.
Oongudhi mbali dhoshikushu
(1 Aak. 7:15-22)
15Omukwaniilwa okwa tholomitha po oongundhi mbali, shaa ndjoka yuule woometa 15,5 omilongo ndatu nantano, e te dhi dhike komeho gotempeli. Ongundhi kehe oyi na oshipaka shi na uule woometa 2,2. 16Koshipaka shongundhi kehe okwa li uulenga wa tatwa niiyimati ethele yomuti omugranati ya tholomwa moshikushu. 17Oongundhi ndhika odha tulwa posheelo shotempeli: ndjoka ya li kombinga yokuumbugantu, oya lukwa Jakin naandjoka yokuumbangalantu oBoas.
Currently Selected:
2 ONDJALULO 3: ONDB
Highlight
Share
Copy
Want to have your highlights saved across all your devices? Sign up or sign in
Oshindonga Bible © Bible Society of Namibia, 2008.