Rom 11

Kumu kainya ga Israél cong ’eno

1’Enung go ’engeré dé, Kumu kain kalang gai cong ga? Na main kain ’eno bering, cawa ’enung banga go Israél bua, ’enunga Abraham moindi go to moin go Bénjamin koi bu’. 2Kumu kainya kalang gai ga ddi ba pargé tumu din cong ’eno, keng sol kual go Eli koi go ké ba pasu duro cidab do Kumu toi kiddin ga ddi ba olang meregdé ca ga Israél tumu Kumu, ddi yé wa: 3Bagulong, ké deddu kalang gain ga cogelé kebu bua, ké dosié dandang doin do tibé bu’, ’enung banga jo pena, ké wa darang ca deddung bu’. 4Ama Kumu jogu yeia mena ga? ’Enung magu kalang gang wo kené dubu jurgum, ké ga ba pia gomdigé tumu kula go Baal ’eno. 5A duro saman do cakcak kua kau, kalang ga pena wo kené ga Kumu ba pargé ca olum doi. 6Ddi parga ca olum doi, na ca gié gogé go lo ’eno, nia kain ’eno na, olum do Kumu toi na do cindi ’eno.

7Na ya mena ga? Henga ga Israél ba dargé na, ké waiegé ’eno, ama ké ga Kumu ba pargé na, ké waigé, kané ga ba wa ’eno na, ké sela kual lé toi ’eno. 8Main cidab do Kumu toi ba yang waldong wang kain, Kumu belé ’eremé gogé mader, ddi nargé ca kandia da solang cindegé ’eno bua, ca kandia jomang gésemégé ’eno bu’ bera labegé. 9Dabid kau yé main kain bu’:

Dda do gogé bel cendong ga ’yomegé,

Ca kandia aserang duro kual go kaidé.

10Dda cindegé lebudu ca ké solé kiddin ’eno bua,

Ji menjurda céngeigé waindo waindo bu’.

11’Enung go ’enger dé, aserong go Juib kogé na goang cindegé bering ga? Na main kain ’eno, ama na ca wané dogé ma, kalang ga toigé ddang wai minyé, ca dda ga Juib la ddéngé dang nagé. 12Delinya nia wai busu ca wané do ga Juib togé na, kalang ga toigé ddang wai busu ca aserong gogé bu’, ama kiddin ga ké nia jogu wai minyé na, busu dogé da ddi wal.

Minyé go kalang ga toigé ddang kogé

13Cakcak kua na, ’enung wa yogenga keng ga toigeng ddang kual, ’enunga paja go gié ca kalang ga toigé ddang, gusung mowung ca gié guang. 14’Enung dar ca belé kalndeng ca ké le ddéngi ca ga pena waia minyé. 15Kiddin ga Kumu ba kaingé cong na, ddi dai kalang duro delinya labia dang nai, kiddin ga ddia ’yégé na, ddia léga mena ga? Ddia bigé jomé goang cindegé main kalang ga ba belé a duro ga maré kain.

16Ké nia bi Kumu wo go tumu jua na, toi do jo kau na koi bu’, ké nia bi Kumu sia gaserei na, kéliei na kai bu’. 17Ga Israél mainya sia go tabur go gulong go ké ba sederé kéliei ga pena cong kain, ji go toin ddang na, ji mainya sia go tabur go cong keliai go ké ba sergi ca ’yobi baimei kain, cakcak kua ji wa malganga cuwer go taber go gulong koi. 18Na ca ma ddo ji doré kelié ga ké ba sederégé cong kel ’eno, ji pedé gusinya cawa ga? Na jia wa kojé gaseré ’eno, ama gasara wa kojein.

19Ama jia yeng wa: Ké sederé kelié conga ca ’yobang baimégé. 20Na cindi, ké sederégé conga ca ké bu cindi ’eno, ji wo baiméga ca ji ba bu cindi, ama ji la angal, ddo ji pedé gusin ’eno, golgo ji la muro. 21Cawa Kumu nia maga ga Juib gang ga kelei ga tumu ’eno na, ddi go magein ’eno bu’. 22Kual lé gelna olum dang kual go kaidé go homi go Kumu koi, ddi kaidé kual go homi ca ké ga ba aserong ama ddi lein olum, na gad ji jima duro olum doi, nia kain ’eno na, ddia serin cong main kelia go pena kain. 23Ga Juib nia ddé térin dogé lé cong na, ddia jogu ’yobegé main go tumu kain, cawa Kumu danga dono ca ’yobegé herua ddang com. 24Ji go toin ddang, jia kelia go tabur go cong koi go ké ba sergin ’yobin ca tabur go gulong, na ca debé goin ’eno. Ga Juib, ka tabur go gulong keliei ga tumu, ca jogé ’yobegé ca sia go tabur go tumu herua ddang na, huma ’eno.

Kumu da minyé ga Israél

25Karmeng, ’enung dar ca keng sela kual go cindi go mendem lé kua toi ca ddo keng pedé gusugeng dang narua dogeng ’eno, ga Israél ga pena bbala solé kual lé toi ’eno, ama kual la lé main kain bera ca kalang ga toigé ddang wa minyé jua. 26Ka minyé ga Israél mam main cidab do Kumu toi ba yang waldong wang kain:

Go minyé da sai a Sion,

Ddia tor isinwa do Jakob moinderei togé mam,

27Kua, kebu go doré go ’enunga dorang nagé,

Kiddin ga ’enunga tor isinwa dogé cong.

28Na sol ca ga Juib kain Nô do Ddari do Kumu toi cong, ka Kumu kai ga tebena, ama ddara caigeng. Nia ca paré na, Kumu kederei ’yégé ca moinderégé. 29Cawa Kumu go jogé ’yo henga ga ddi ba bigé kalin ’eno bua, ké ga ddi ba tégé na, ddi go kelangé ’erem goi caigé ’eno bu’. 30Tumu na, keng kain kual go Kumu koi cong, ama cakcak kua na, Kumu sol nyageigeng ca ga Juib ba ja kual goi ’eno. 31Main kain na, cakcak kua ké kain Kumu cong ca Kumu sol nyageigé main ddi ba solang nyageigeng kain bu’. 32Cawa Kumu ’yom kalang mam ca wané dogé ca ddia solé nyageigé mam.

Gemyai do Kumu toi

33Lainyong go Kumu koi na nain, narua doi dang solé goi na ddigé, na wanga bbalé ca doré kual goi lé toi ga? Na wanga bbalé ca solé kual go ddi ba nyani lé toi ga? 34Main cidab do Kumu toi ba yang waldong Wang kain:

Na wanga solé ’eremé go Bagulong koi ga?

Na wanga bbalé ca géjei ga?

35Na wanga bbalé boi henga tumu jua,

Ca kondia jiga bi baiméné ga?

36Ca wa henga mam saga a gusi, ddia debé henga mam, ké jima cai bu’. Hormo na Kumu toi waindo waindo bera kuddum.

Currently Selected:

Rom 11: TNG1978

Highlight

Copy