Kanta 95
95
Kanta 95
Manga Kanta sa Pagdayaw
1Abala kamu, manganta kita sa kabayaan.
Paghuyaw kita sa Panginuun, ti palalan-iban pag batu magribri sa kanta.
2Pagpakarani kita sa kanya may pasalamat,
ag paghuyaw kita magkanta sa pagdayaw sa kanya.
3Dahil ti Panginuun makamaskihan pag Diyus.
Makamaskihan siya pag hari ag abwat sa tanan pag diyus.
4Siya ti may apu sa manga kaabasad-basadan daga hanggan sa manga katayungtungan manga bantud.
5Siya diman ti may apu sa dagat hanggan sa daga kay linalang.
6Abala kamu, manluhud kita mansamba sa Panginuun ti naglalang sa kanta.
7Dahil siya kanta Diyus,
ag kita kay nasakupan kay pagbantayan ag pag-alagaan parihu sa manga karanidu.
Nu masaydan niyu kainda ti busis Diyus,
8danga pagpaganita kanyu manga tagipusuun
parihu sa binwat niyu manga ginurang kaybi ati sa Miriba,
kumun diman katpung ati sida sa may pangawakawaan Masa.
9Magkun ti Diyus, “Ati sinubukan nida aku una nakitan yi nida kang binwat sa kanda.
10Sa sulud 40 ka timpu nagalit gid aku sa tunda pag sinulput.
Bag-u magkun aku manga tawu sida nagtalang ag balaw magsunud sa kang manga pag-itudlu sa kanda.
11Nakan sa kang pangagalit nagsumpa aku kuntay balaw gid nida matanggap ti kaariwayahan ginan sa kangku.”#95:11 kaariwayahan ginan sa kangku: Mahimu kay ibug sabihun, ti daga itinaratu Diyus ipakaun sa kanda.
Currently Selected:
Kanta 95: HNN
Highlight
Copy
Compare
Share
Want to have your highlights saved across all your devices? Sign up or sign in
Copyright © 2023 by OMF International, Philippines
