Kanta 94
94
Kanta 94
Ti Diyus ti Manugsintinsiya sa Tanan
1 Panginuun, kawu ti Diyus magbalus;
pakakitan kanmu pangagalit.
2Kawu ti magsintinsiya sa tanan tawu;
nakan, malu, balusi ti manga pudilun angay lang sa kanda.
3 Panginuun, kapira tugka waya lugud ti magbaya manga daut?
4Sida tanan magbuwat daut masyadu magpadayaw.
5Pag-unuunuhun nida kanmu magkaapu pag nasakupan.
6Ipinamatay nida ti manga buranday pag babayi, hanggan ti manga ulila, ag ti manga day-uhan.#94:6 manga day-uhan: Kay ibug sabihun, manga balaw Israilita mag-uli sa Israil.
7Magkumun sida, “Balaw maghiling ti Panginuun sa kanta manga pagbuwatun;
ti Diyus ni Hakub unman magsagut.”
8Kamu pag manga kurang sa intindi ag maganit ulu pag manga tawu, kapira waya lugud kamu pag makaintindi?
Malu intindiha niyu inda:
9Ti Diyus ti naglalang kanta manga tuli hanggan manga mata, unman aw lugud siya makadnug ag makakit sa kanta?
10Siya ti magtamyaw sa manga nasyun, unman aw siya pumarusa sa kanyu?
Siya ti magtudlu sa manga tawu, unman aw siya may alam?
11Alam Panginuun ti manga pag-isip-isipun#94:11 pag-isip-isipun: ngatay, dahilan. manga tawu unman may pulus.
12 Panginuun, mapalad ti tawu kanmu pagtamyawun sa panab-anan pagtudlu sa kanya kanmu manga kasuguan.
13Pagtudluan nimu siya hampay may kahusayan siya sa udas kakurian tugka sa udas parusahan nimu ti manga daut.
14Dahil balaw gid nimu pagbugyahan, Panginuun, ti pag-apuun nimu pag nasakupan.
15Pihu mangyari maan ti matadlung pag pagsintinsiya,
ag sundun inda tanan tawu magpangabuhi matadlung.
16Unman may tuhay mag-awat sa kangku laban sa daut pag manga tawu, nu unman kawu lang gid, Panginuun.
17Nu unman nimu aku pag-awatan mahimu tigbak yi aku kainda.
18Pagka magkun aku sa kanmu, Panginuun, “Ga mamatay yi aku,” inawatan aku nimu pagmahal.
19Pagka nataranta aku, pinabisug ag pinasulung nimu aku.
20Balaw mahimu pumakampi sa kanmu ti daut pag manga manughusay,#94:20 manughusay ngatay, takinan. ti manugbuwat daut sa panab-anan#94:20 sa panab-anan: ngatay, laban sa. kasuguan.
21Nagkausa sida sa paglaban sa manga matadlung
ag pagsintinsiyahan nida kamatayan ti manga balaw may kasalanan.
22Dapat kawu, Panginuun kang Diyus, imaw kang darangpan ag palalan-iban pag batu.
23Parusahan nimu sida ag rurisun dahil sa kanda manga kasalanan.
Rurisun gid nimu sida, Panginuun nimi Diyus.
Currently Selected:
Kanta 94: HNN
Highlight
Copy
Compare
Share
Want to have your highlights saved across all your devices? Sign up or sign in
Copyright © 2023 by OMF International, Philippines
