Galatiye 3
3
Koddə ɓashitə nə ma, naasə mgban mwadiyale na?
1Hwun dəɗye a hwun mi Galatiya! Nda wonə hiwdəwna? A hwun myee mya bɨləwnə bwang a humwasəwnə wule ɓɨdɨmte mya ɓɨdɨmdə Yesu Ma Həmɨnpwa a Yaɓwarən. 2A na ɗiyəwnə le hiɗə pee: Ɓətɨ Pitɨ Ɗəmɗəmte hwuna luwo ɓwaa, dɨ ha koddə ɓashita Musa nə hwuna ɗɨmtɨrə ma, naasə mgban dɨ ha mwadiyale ka ləmə fema hwuna kɨlə na? 3Ya hwuna ɓə dəɗə shea? A hwuna tiya ka Pita Həmɨnpwa ɓwaa, ɓəgəng ka hara ka zaambe hwuna dɨ mwa atɨ hwun ɓa pɨrə humwa a zə kpawta? 4Hwuna dɨ mwa atɨ hwuna mɨndə tənətɨ dəwnə ka wule mbiɗitɨ shee hwuna leyə kat a gəə i ɓayi ma? Hwun mwaka ləngɨn sa? 5Pite Həmɨnpwa a vəwnə ka zərgi shikoshopye nda ɗa a wakasəwnə ɓwaa, hwun ɓa sa atɨ gə koddə ɓashitɨ dəwnə na? Naasə mgban gə hwuna mwadiyale ka ləmə fema hwuna kɨla?
6Ɗyangam ka Ibɨraim pee, “Nda mwaka Həmɨnpwa a gɨɗən, gə-angɨn Həmɨnpwa a bəltən ma pepeyə.”#3.6 Naasə: Tiyatə 15.6. 7Ɓə kana gəngnə hwuna leyə atɨ nagi ndo ma kat a gəə nzə-mwadiyalə, ɓə gəə kwirə Ibɨraim nə a diyale a vor pitə. 8Malɨmtɨ Ɗəmɗəmtə a boyo kɨnɨnɨng atɨ Həmɨnpwa ɓa bəl myee aa Yawude mi pepeyi dɨ ha mwadiyale darən, ɓətɨya nda boyə Ibɨraim ləmə feməngɨn kɨnɨnɨng atɨ, “Dɨ hakəw hɨn ɓa wula ka myee a vor vɨratə kat.”#3.8 Naasə: Tiyatə 12.3; 18.18; 22.18. 9Gə-angɨn myee ka mwadiyale ɗɨm fukatə dɨ mgba Ibɨraim, ndi ma gyana mwadiyalə.
10Kat myee nza atɨ ɓashiti ɓəmbə tən ɓawa koddə, hiwdəha nee a nə mingɨn, gəkɨlə mye doro atɨ, “Hiwdəha nee a nə nagi ndo ma a aawa koddə shee kat mya doro vor ɓashitə.”#3.10 Naasə: Gɨraha 27.26. 11Angɨn nə bwang atɨ taa ama də ɓa gəə ma pepeyə a humwa Həmɨnpwa dɨ ha ɓashitə, gəkɨlə “Ma kat ma pepeyə ɓa ɗɨm myente kaaru-kaaru dɨ ha mwadiyale.”#3.11 Naasə: Habakuk 2.4. 12Taa ndəng asə pedə ɓashitə ka mwadiyale, gəkɨlə malɨmtɨ ɓashitə boyo bwang atɨ, “Nagi ndo ma a nza atɨ ndi ɓawa koddə shee ɓashitə a boyo, dɨ haka ɓashitɨngɨn ndi ɓa ɗɨm myentə.”#3.12 Naasə: Livitikus 3.12; 18.5. 13Ndi Ma Həmɨnpwa a Yaɓwarən, sɨnə luwarəm gə hiwdəhaa ɓashitə a bədə a nəngəm, gə ndi ka nənəngɨn ɓə gəə hiwdəha a moonəngəm. Ɓətɨ mya doro atɨ, “Nagi ndo ma kat mya galingadən nda mbɨrə nə kada, hiwdəha nee a nəngɨn.”#3.13 Naasə: Gɨraha 21.23. 14Yesu a luwarəm gələ wulate Həmɨnpwa a wula ka Ibɨraim a gə nə myee aa Yawude dɨ hakan, gə hɨm myee ji-kotti mgban a luwom Pitɨ Ɗəmɗəmte mya bwe ləngrə a nzadə dɨ ha mwadiyale.
La Həmɨnpwa a boyo a nzadən pɨrgə ɓashita Musa
15Ji-nuwo, na ɗəwnə byelə səɗe a nə wule shee hwuna leyə nza vɨratə fərə-fərə. Ɓətɨya taa ndəng ama də ɓa mba la mya boyo a nzadən a nggəddən, naasə mgban a nggɨlgə asə də, sə gən gəngnə. 16Ləməginə Həmɨnpwa a boyo Ibɨraim ka kwirəngɨn a nzadərən. Malɨmtɨ Ɗəmɗəmtə aa sa atɨ, “Kweryingɨn,” ɓətɨ ɓwaare hananang. Ə'ə, nda sa atɨ, “Kwiranga,”#3.16 Naasə: Tiyatə 12.7; 13.15; 24.7. ɓətɨ ɓwaara hiɗə, sɨnə Ma Həmɨnpwa a Yaɓwarən. 17La na dɨ boyownə nə atɨ, hiwate mya vədə beetɨ kyawatə haru fwat ka bəwtə mwaakɨn aa nggəɓəddə kɨləsəte a waka Həmɨnpwa ka Ibɨraim. Sə mgban nggaa nggurgə la Həmɨnpwa a boyo a nzadən. 18Gəkɨlə anda gələ koddə ɓashitə nə ma ɓa ɗɨm shee Həmɨnpwa a bwe ləngrən a nzadərən a nə mɨnshe, angɨn yə tamdə a nə la mya boyo a nzadən. Kat ka angɨn hɨm leyəm atɨ Həmɨnpwa a bɨlə Ibɨraim wuladəha dan gə la nda boyo a nzadən.
Mgbaalə ɓashita Musa
19Anda sə, ɓə mɨnə mgbaalə ɓashita Musa ite mya vəda? Mya vədə gə ngga bɨləm bwang atɨ mye ɗam səhase. Nggi ɓa pɨrə humwa mgban a zə fərə shita kwirəngɨn a mya bwe le a nəngɨn a nzadən. Həmɨnpwa a vədə ɓashitɨngɨn dɨ haka malyenye dan zə haka Musa, gə sɨnə a waka Həmɨnpwa ka ɓwaare. 20Nzə-pɨrə wakatə aa gə ɓwaara hiɗə gən. Shezə Həmɨnpwa nə hiɗə.
21Na ɗiyə atɨ ɓwaa, ɓashite Həmɨnpwa a vədə a məntəmə la nda boyo a nzadən ma? Ə'ə, aa sə nagi kəng-kəng. Anda itɨ ɓashiti də dɨ və myentɨ hweltə, ɓwaara ɓa nda gəə ma pepeyə a humwa Həmɨnpwa dɨ ha koddə ɓashitɨngɨn. 22Shezə Malɨmtɨ Ɗəmɗəmtə a boyo atɨ, mi vɨratə kat səhasə təna nza gbərəwongɨn taa dɨmti də, gəkɨlə la mya boyo a nzadən gə le da myee mwadiyale ka Yesu Ma Həmɨnpwa a Yaɓwarən, mya vərən tən myee mwakan.
23Ite mwadiyale ka Yesu aa nda pɨra, hɨm kat hɨm a nzamə vor gbərəwo ɓashitə taa dɨmti də zə fəra mwadiyale ka Yesu a tɨla də. 24Ɓashiti dɨ jintəm baa fəra Ma Həmɨnpwa a Yaɓwarən a tɨla də gə Həmɨnpwa a nam mi pepeyi dɨ ha mwadiyale. 25Ɓəgəng gə mwadiyale tɨla a hakam, ɓashitə aa diyə mɨna jintəm.
Je da Həmɨnpwa
26Gə-angɨn dɨ haka Yesu Ma Həmɨnpwa a Yaɓwarən hwun kat a gəə je da Həmɨnpwa nə dɨ ha mwadiyale. 27Ma kat mya ɗan batisɨmatə a sɨtɨ Ma Həmɨnpwa a Yaɓwarən, mye vomiyə mangɨn ɓə gə ɓətɨ Ma Həmɨnpwa a Yaɓwarən nə. 28Gəngnə taayə mɨni som-somti də a waka Yawude ka Heline, waka kɨse ka myee aa kɨse, waka mure ka metə, hwun kat peyə gəə mi hiɗətinə a sɨtɨ Yesu Ma Həmɨnpwa a Yaɓwarən. 29Ɓəgəng hwun gə hɨnggə Ma Həmɨnpwa a Yaɓwarən nə, hwun gəə kwirə Ibɨraim. Gə-angɨn hwunə ɓa mɨnə shee Həmɨnpwa ɓa vədərən ɓətɨya nda boyo a nzadən.
Currently Selected:
Galatiye 3: bcy
Highlight
Copy
Compare
Share
Want to have your highlights saved across all your devices? Sign up or sign in
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.
Galatiye 3
3
Koddə ɓashitə nə ma, naasə mgban mwadiyale na?
1Hwun dəɗye a hwun mi Galatiya! Nda wonə hiwdəwna? A hwun myee mya bɨləwnə bwang a humwasəwnə wule ɓɨdɨmte mya ɓɨdɨmdə Yesu Ma Həmɨnpwa a Yaɓwarən. 2A na ɗiyəwnə le hiɗə pee: Ɓətɨ Pitɨ Ɗəmɗəmte hwuna luwo ɓwaa, dɨ ha koddə ɓashita Musa nə hwuna ɗɨmtɨrə ma, naasə mgban dɨ ha mwadiyale ka ləmə fema hwuna kɨlə na? 3Ya hwuna ɓə dəɗə shea? A hwuna tiya ka Pita Həmɨnpwa ɓwaa, ɓəgəng ka hara ka zaambe hwuna dɨ mwa atɨ hwun ɓa pɨrə humwa a zə kpawta? 4Hwuna dɨ mwa atɨ hwuna mɨndə tənətɨ dəwnə ka wule mbiɗitɨ shee hwuna leyə kat a gəə i ɓayi ma? Hwun mwaka ləngɨn sa? 5Pite Həmɨnpwa a vəwnə ka zərgi shikoshopye nda ɗa a wakasəwnə ɓwaa, hwun ɓa sa atɨ gə koddə ɓashitɨ dəwnə na? Naasə mgban gə hwuna mwadiyale ka ləmə fema hwuna kɨla?
6Ɗyangam ka Ibɨraim pee, “Nda mwaka Həmɨnpwa a gɨɗən, gə-angɨn Həmɨnpwa a bəltən ma pepeyə.”#3.6 Naasə: Tiyatə 15.6. 7Ɓə kana gəngnə hwuna leyə atɨ nagi ndo ma kat a gəə nzə-mwadiyalə, ɓə gəə kwirə Ibɨraim nə a diyale a vor pitə. 8Malɨmtɨ Ɗəmɗəmtə a boyo kɨnɨnɨng atɨ Həmɨnpwa ɓa bəl myee aa Yawude mi pepeyi dɨ ha mwadiyale darən, ɓətɨya nda boyə Ibɨraim ləmə feməngɨn kɨnɨnɨng atɨ, “Dɨ hakəw hɨn ɓa wula ka myee a vor vɨratə kat.”#3.8 Naasə: Tiyatə 12.3; 18.18; 22.18. 9Gə-angɨn myee ka mwadiyale ɗɨm fukatə dɨ mgba Ibɨraim, ndi ma gyana mwadiyalə.
10Kat myee nza atɨ ɓashiti ɓəmbə tən ɓawa koddə, hiwdəha nee a nə mingɨn, gəkɨlə mye doro atɨ, “Hiwdəha nee a nə nagi ndo ma a aawa koddə shee kat mya doro vor ɓashitə.”#3.10 Naasə: Gɨraha 27.26. 11Angɨn nə bwang atɨ taa ama də ɓa gəə ma pepeyə a humwa Həmɨnpwa dɨ ha ɓashitə, gəkɨlə “Ma kat ma pepeyə ɓa ɗɨm myente kaaru-kaaru dɨ ha mwadiyale.”#3.11 Naasə: Habakuk 2.4. 12Taa ndəng asə pedə ɓashitə ka mwadiyale, gəkɨlə malɨmtɨ ɓashitə boyo bwang atɨ, “Nagi ndo ma a nza atɨ ndi ɓawa koddə shee ɓashitə a boyo, dɨ haka ɓashitɨngɨn ndi ɓa ɗɨm myentə.”#3.12 Naasə: Livitikus 3.12; 18.5. 13Ndi Ma Həmɨnpwa a Yaɓwarən, sɨnə luwarəm gə hiwdəhaa ɓashitə a bədə a nəngəm, gə ndi ka nənəngɨn ɓə gəə hiwdəha a moonəngəm. Ɓətɨ mya doro atɨ, “Nagi ndo ma kat mya galingadən nda mbɨrə nə kada, hiwdəha nee a nəngɨn.”#3.13 Naasə: Gɨraha 21.23. 14Yesu a luwarəm gələ wulate Həmɨnpwa a wula ka Ibɨraim a gə nə myee aa Yawude dɨ hakan, gə hɨm myee ji-kotti mgban a luwom Pitɨ Ɗəmɗəmte mya bwe ləngrə a nzadə dɨ ha mwadiyale.
La Həmɨnpwa a boyo a nzadən pɨrgə ɓashita Musa
15Ji-nuwo, na ɗəwnə byelə səɗe a nə wule shee hwuna leyə nza vɨratə fərə-fərə. Ɓətɨya taa ndəng ama də ɓa mba la mya boyo a nzadən a nggəddən, naasə mgban a nggɨlgə asə də, sə gən gəngnə. 16Ləməginə Həmɨnpwa a boyo Ibɨraim ka kwirəngɨn a nzadərən. Malɨmtɨ Ɗəmɗəmtə aa sa atɨ, “Kweryingɨn,” ɓətɨ ɓwaare hananang. Ə'ə, nda sa atɨ, “Kwiranga,”#3.16 Naasə: Tiyatə 12.7; 13.15; 24.7. ɓətɨ ɓwaara hiɗə, sɨnə Ma Həmɨnpwa a Yaɓwarən. 17La na dɨ boyownə nə atɨ, hiwate mya vədə beetɨ kyawatə haru fwat ka bəwtə mwaakɨn aa nggəɓəddə kɨləsəte a waka Həmɨnpwa ka Ibɨraim. Sə mgban nggaa nggurgə la Həmɨnpwa a boyo a nzadən. 18Gəkɨlə anda gələ koddə ɓashitə nə ma ɓa ɗɨm shee Həmɨnpwa a bwe ləngrən a nzadərən a nə mɨnshe, angɨn yə tamdə a nə la mya boyo a nzadən. Kat ka angɨn hɨm leyəm atɨ Həmɨnpwa a bɨlə Ibɨraim wuladəha dan gə la nda boyo a nzadən.
Mgbaalə ɓashita Musa
19Anda sə, ɓə mɨnə mgbaalə ɓashita Musa ite mya vəda? Mya vədə gə ngga bɨləm bwang atɨ mye ɗam səhase. Nggi ɓa pɨrə humwa mgban a zə fərə shita kwirəngɨn a mya bwe le a nəngɨn a nzadən. Həmɨnpwa a vədə ɓashitɨngɨn dɨ haka malyenye dan zə haka Musa, gə sɨnə a waka Həmɨnpwa ka ɓwaare. 20Nzə-pɨrə wakatə aa gə ɓwaara hiɗə gən. Shezə Həmɨnpwa nə hiɗə.
21Na ɗiyə atɨ ɓwaa, ɓashite Həmɨnpwa a vədə a məntəmə la nda boyo a nzadən ma? Ə'ə, aa sə nagi kəng-kəng. Anda itɨ ɓashiti də dɨ və myentɨ hweltə, ɓwaara ɓa nda gəə ma pepeyə a humwa Həmɨnpwa dɨ ha koddə ɓashitɨngɨn. 22Shezə Malɨmtɨ Ɗəmɗəmtə a boyo atɨ, mi vɨratə kat səhasə təna nza gbərəwongɨn taa dɨmti də, gəkɨlə la mya boyo a nzadən gə le da myee mwadiyale ka Yesu Ma Həmɨnpwa a Yaɓwarən, mya vərən tən myee mwakan.
23Ite mwadiyale ka Yesu aa nda pɨra, hɨm kat hɨm a nzamə vor gbərəwo ɓashitə taa dɨmti də zə fəra mwadiyale ka Yesu a tɨla də. 24Ɓashiti dɨ jintəm baa fəra Ma Həmɨnpwa a Yaɓwarən a tɨla də gə Həmɨnpwa a nam mi pepeyi dɨ ha mwadiyale. 25Ɓəgəng gə mwadiyale tɨla a hakam, ɓashitə aa diyə mɨna jintəm.
Je da Həmɨnpwa
26Gə-angɨn dɨ haka Yesu Ma Həmɨnpwa a Yaɓwarən hwun kat a gəə je da Həmɨnpwa nə dɨ ha mwadiyale. 27Ma kat mya ɗan batisɨmatə a sɨtɨ Ma Həmɨnpwa a Yaɓwarən, mye vomiyə mangɨn ɓə gə ɓətɨ Ma Həmɨnpwa a Yaɓwarən nə. 28Gəngnə taayə mɨni som-somti də a waka Yawude ka Heline, waka kɨse ka myee aa kɨse, waka mure ka metə, hwun kat peyə gəə mi hiɗətinə a sɨtɨ Yesu Ma Həmɨnpwa a Yaɓwarən. 29Ɓəgəng hwun gə hɨnggə Ma Həmɨnpwa a Yaɓwarən nə, hwun gəə kwirə Ibɨraim. Gə-angɨn hwunə ɓa mɨnə shee Həmɨnpwa ɓa vədərən ɓətɨya nda boyo a nzadən.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.