Galatiye 2
2
Bulus a ɗɨm pɨrtə a haka kpe-lagbe
1Beetɨ kyawatə bəw a mbiɗi-fwat na nggɨrə a zə Urshelima ɓwaa ka Barnabas. Na kɨsə ka Titus. 2Na zə də gəkɨlə Həmɨnpwa nə bɨli bwang atɨ na mɨnə a dɨ boyə mi kpan-kpani vəni hiwtə le, gə təna lee shee kat a nə ləmə fema nə na dɨ hiwa kan a haka myee aa Yawude. Mingɨn 'ye dɨ niyi ɓətɨ tənə mi kpan-kpaningɨn nə na boyərən ləngɨn a haa ɓotə gə təna lee sa na dɨ ɗa gəkɨlə ɓe gyeɓe de a nə lyente na ɗa ka itɨnə na dɨ ɗa aa gəə i ɓaati. 3Kat ka angɨn, hɨn leyə atɨ gyeɓe de aa gə ɓaa gəkɨlə nagi tən mi kpan-kpaningɨn nə, tən leyə atɨ ndi Titus a hina gə kan aa Yawuda, tənaa kanggən atɨ mya jengdən a lakəwne. 4Byeləngɨn a maɗə a gəə lə atɨ ɓə wula mya jengdə Titus a lakəwne gə wule myee shibuta pɨra a wakasenə ka kuta dɨ ɗa shee ɓətɨ tən ji-kottɨ diyalə. Təna ɗaasə gə təna lee wule nzate mya nzam a vor ɗɨmna hɨm a gəm kan dɨ haka Yesu Ma Həmɨnpwa a Yaɓwarən, gə təna mɨndəm kɨse. 5Hinaa mwarən ləngɨn nagi kəng-kəng gəkɨlə hina kəpdə diyalə ləmə feme da Həmɨnpwa gə le dəwnə.
6Mingɨn 'ye dɨ niyi ɓətɨ tənə mi kpan-kpanye, nagi tənə yə wonə, tən aa asə a hake, gəkɨlə Həmɨnpwa aawa bɨldə som-somtə. Gə-angɨn wule mingɨn 'ye atɨ tənə mi kpan-kpaningɨn aa dɨ ɗɨkdə asə a nə ləmə fema nə na dɨ hiwa kan. 7Shezə tən ta niyi Həmɨnpwa nə vi humwatə ka gətə gə na hiwa ka ləmə feme dan a haka myee aa Yawude ɓətɨya nda və yə Bitrus tən ta ɗa a haka Yawude. 8Həmɨnpwa a koɗə ka Bitrus a vor lyentɨ kpa-lagbe dan a haka Yawude, sɨnə mgban dɨ koɗi ke na gəə kpa-lagbe a haka myee aa Yawude. 9Tən yə Yakubu ka Bitrus ɗɨkənə Yohana, tən myee tənə mi kpan-kpanye a vor kottə. Tən ta leyi atɨ Həmɨnpwa venə wuladəha dan, hina kɨləsə kaarən təna venə humwatə hɨn ka Barnabas hina pɨrə humwa ka lyentə a waka myee aa Yawude. Tən mgban təna lyenə haka Yawude. 10Sa təna dɨ mwo kenə nə atɨ hin ta ɗyanga ka ji-poritə a vor lyentɨ denə. Shezə angɨn nə sa na duwa mwo ɗasən.
Bulus a dɨka Bitrus
11Ite Bitrus a shi vor vɨra Antiyok, na markan a dɨkan kɨr-kɨr gə ɗwangashe dan a dɨma bwang. 12Ite myee Yakubu a lyana aa nda tɨla, nda duwa zɨmshe ka myee aa Yawude. Tən ɓe tɨla, nda tiya pwaragə sɨsən, ndaa yə zɨmshe mba-dɨ-mba ka mingɨn 'ye aa Yawude, gə nda dɨ gə kala Yawudee shi, gə təna dɨ sa atɨ ɓə kana mgban mya jengdə myee aa Yawude a lakəwne. 13I Yawude a koɗən a ɗa shee ka kwakpeye, baa a ɗɨkdə Barnabas nda koɗərən a kwakpeyəngɨn.
14Hɨn ta niyi tənaawa koddə ləmə feme ka diyale a tɨfa kana, na ɓə boyo Bitrus a humwa ɓwaare kat atɨ, “Hye ka nənanga hye Yawuda, kat ka angɨn hye dɨ ɗa shee ɓətɨ hye aa Yawuda. Ɓa gə ya hye ɓə ɗɨkdə myee aa Yawude atɨ təna koddə kwale da Yawude?
15“Hɨm minə mya mwasarəm Yawude, aa ‘tataryi ɓwaare,’ ɓətɨ myee aa Yawude. 16Aɓə ɓəgəng mye leyəm atɨ Həmɨnpwa aa dɨ bəl ɓwaara ma pepeyə dɨ ha koddə ɓashita Musa, pɨrgə dɨ ha mwadiyale ka Yesu Ma Həmɨnpwa a Yaɓwarən. Gə-angɨn hin mgban hina mwadiyale ka Yesu, gəkɨlə Həmɨnpwa a bəltenə mi pepeyi dɨ ha mwadiyale ka Yesu mba-mba.
17“Hɨm nə dɨ ɨləm gə Həmɨnpwa a bəltəm mi pepeyi dɨ ha mwadiyale ka Ma Həmɨnpwa a Yaɓwarən. Anda kat ka angɨn hɨm pɨrəmə ɗa səhase, angɨn nə ɓa ɗɨkə mya sa atɨ Ma Həmɨnpwa a Yaɓwarən a dɨ fukadə səhase ma? Ə'ə, aa sə gən. 18Hɨn kana mɨnə a nwo sa na kɨɗan, hɨn bɨldən atɨ hɨn nzə-ɓiya ɓashiti. 19Hɨn leyə atɨ Ma Həmɨnpwa a Yaɓwarən naadə ɓashitə dɨ ha we dan, mye dɨmdi gə ɓashitə dɨ ha we da Ma Həmɨnpwa a Yaɓwarən, gəkɨlə ɓəgəng hɨnə nza gə Həmɨnpwa. 20Hɨn, mye gbalti a nə kada ɓɨdɨmtə ɓwaa ka Ma Həmɨnpwa a Yaɓwarən, gə-angɨn aa yə hɨnə nza nəna, giɓə Ma Həmɨnpwa a Yaɓwarən nə. Nzatɨnə na nza sɨtɨnə, dɨ ha mwadiyale ka Nze da Həmɨnpwa na nza. Ndi ma mwori vədə myensən gə le de. 21Hɨn taa mɨndə wuladəha da Həmɨnpwa a na ɗɨmə nda gəə a ɓayə. Gəkɨlə anda mye ɓa bəl ɓwaara ma pepeyə a humwa Həmɨnpwa dɨ ha koddə ɓashitə, angɨn bɨldən atɨ we da Ma Həmɨnpwa a Yaɓwarən gə ɓaa.”
Currently Selected:
Galatiye 2: bcy
Highlight
Copy
Compare
Share
Want to have your highlights saved across all your devices? Sign up or sign in
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.
Galatiye 2
2
Bulus a ɗɨm pɨrtə a haka kpe-lagbe
1Beetɨ kyawatə bəw a mbiɗi-fwat na nggɨrə a zə Urshelima ɓwaa ka Barnabas. Na kɨsə ka Titus. 2Na zə də gəkɨlə Həmɨnpwa nə bɨli bwang atɨ na mɨnə a dɨ boyə mi kpan-kpani vəni hiwtə le, gə təna lee shee kat a nə ləmə fema nə na dɨ hiwa kan a haka myee aa Yawude. Mingɨn 'ye dɨ niyi ɓətɨ tənə mi kpan-kpaningɨn nə na boyərən ləngɨn a haa ɓotə gə təna lee sa na dɨ ɗa gəkɨlə ɓe gyeɓe de a nə lyente na ɗa ka itɨnə na dɨ ɗa aa gəə i ɓaati. 3Kat ka angɨn, hɨn leyə atɨ gyeɓe de aa gə ɓaa gəkɨlə nagi tən mi kpan-kpaningɨn nə, tən leyə atɨ ndi Titus a hina gə kan aa Yawuda, tənaa kanggən atɨ mya jengdən a lakəwne. 4Byeləngɨn a maɗə a gəə lə atɨ ɓə wula mya jengdə Titus a lakəwne gə wule myee shibuta pɨra a wakasenə ka kuta dɨ ɗa shee ɓətɨ tən ji-kottɨ diyalə. Təna ɗaasə gə təna lee wule nzate mya nzam a vor ɗɨmna hɨm a gəm kan dɨ haka Yesu Ma Həmɨnpwa a Yaɓwarən, gə təna mɨndəm kɨse. 5Hinaa mwarən ləngɨn nagi kəng-kəng gəkɨlə hina kəpdə diyalə ləmə feme da Həmɨnpwa gə le dəwnə.
6Mingɨn 'ye dɨ niyi ɓətɨ tənə mi kpan-kpanye, nagi tənə yə wonə, tən aa asə a hake, gəkɨlə Həmɨnpwa aawa bɨldə som-somtə. Gə-angɨn wule mingɨn 'ye atɨ tənə mi kpan-kpaningɨn aa dɨ ɗɨkdə asə a nə ləmə fema nə na dɨ hiwa kan. 7Shezə tən ta niyi Həmɨnpwa nə vi humwatə ka gətə gə na hiwa ka ləmə feme dan a haka myee aa Yawude ɓətɨya nda və yə Bitrus tən ta ɗa a haka Yawude. 8Həmɨnpwa a koɗə ka Bitrus a vor lyentɨ kpa-lagbe dan a haka Yawude, sɨnə mgban dɨ koɗi ke na gəə kpa-lagbe a haka myee aa Yawude. 9Tən yə Yakubu ka Bitrus ɗɨkənə Yohana, tən myee tənə mi kpan-kpanye a vor kottə. Tən ta leyi atɨ Həmɨnpwa venə wuladəha dan, hina kɨləsə kaarən təna venə humwatə hɨn ka Barnabas hina pɨrə humwa ka lyentə a waka myee aa Yawude. Tən mgban təna lyenə haka Yawude. 10Sa təna dɨ mwo kenə nə atɨ hin ta ɗyanga ka ji-poritə a vor lyentɨ denə. Shezə angɨn nə sa na duwa mwo ɗasən.
Bulus a dɨka Bitrus
11Ite Bitrus a shi vor vɨra Antiyok, na markan a dɨkan kɨr-kɨr gə ɗwangashe dan a dɨma bwang. 12Ite myee Yakubu a lyana aa nda tɨla, nda duwa zɨmshe ka myee aa Yawude. Tən ɓe tɨla, nda tiya pwaragə sɨsən, ndaa yə zɨmshe mba-dɨ-mba ka mingɨn 'ye aa Yawude, gə nda dɨ gə kala Yawudee shi, gə təna dɨ sa atɨ ɓə kana mgban mya jengdə myee aa Yawude a lakəwne. 13I Yawude a koɗən a ɗa shee ka kwakpeye, baa a ɗɨkdə Barnabas nda koɗərən a kwakpeyəngɨn.
14Hɨn ta niyi tənaawa koddə ləmə feme ka diyale a tɨfa kana, na ɓə boyo Bitrus a humwa ɓwaare kat atɨ, “Hye ka nənanga hye Yawuda, kat ka angɨn hye dɨ ɗa shee ɓətɨ hye aa Yawuda. Ɓa gə ya hye ɓə ɗɨkdə myee aa Yawude atɨ təna koddə kwale da Yawude?
15“Hɨm minə mya mwasarəm Yawude, aa ‘tataryi ɓwaare,’ ɓətɨ myee aa Yawude. 16Aɓə ɓəgəng mye leyəm atɨ Həmɨnpwa aa dɨ bəl ɓwaara ma pepeyə dɨ ha koddə ɓashita Musa, pɨrgə dɨ ha mwadiyale ka Yesu Ma Həmɨnpwa a Yaɓwarən. Gə-angɨn hin mgban hina mwadiyale ka Yesu, gəkɨlə Həmɨnpwa a bəltenə mi pepeyi dɨ ha mwadiyale ka Yesu mba-mba.
17“Hɨm nə dɨ ɨləm gə Həmɨnpwa a bəltəm mi pepeyi dɨ ha mwadiyale ka Ma Həmɨnpwa a Yaɓwarən. Anda kat ka angɨn hɨm pɨrəmə ɗa səhase, angɨn nə ɓa ɗɨkə mya sa atɨ Ma Həmɨnpwa a Yaɓwarən a dɨ fukadə səhase ma? Ə'ə, aa sə gən. 18Hɨn kana mɨnə a nwo sa na kɨɗan, hɨn bɨldən atɨ hɨn nzə-ɓiya ɓashiti. 19Hɨn leyə atɨ Ma Həmɨnpwa a Yaɓwarən naadə ɓashitə dɨ ha we dan, mye dɨmdi gə ɓashitə dɨ ha we da Ma Həmɨnpwa a Yaɓwarən, gəkɨlə ɓəgəng hɨnə nza gə Həmɨnpwa. 20Hɨn, mye gbalti a nə kada ɓɨdɨmtə ɓwaa ka Ma Həmɨnpwa a Yaɓwarən, gə-angɨn aa yə hɨnə nza nəna, giɓə Ma Həmɨnpwa a Yaɓwarən nə. Nzatɨnə na nza sɨtɨnə, dɨ ha mwadiyale ka Nze da Həmɨnpwa na nza. Ndi ma mwori vədə myensən gə le de. 21Hɨn taa mɨndə wuladəha da Həmɨnpwa a na ɗɨmə nda gəə a ɓayə. Gəkɨlə anda mye ɓa bəl ɓwaara ma pepeyə a humwa Həmɨnpwa dɨ ha koddə ɓashitə, angɨn bɨldən atɨ we da Ma Həmɨnpwa a Yaɓwarən gə ɓaa.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.