Galatiye 4
4
1Naarə la na dɨ boyownə nə atɨ, a hye niyə nza ɓa mɨnə shee da baagən nzə-ɓyeləngə, taa asə də takan ka kɨsa, ka sate atɨ sɨnə ka shingɨn kat. 2Mye ɓa pɨrə humwa ka jinsən baa nda tɨl ɓwaara ɓətɨ baagən a kənə. 3Sə mgban hɨm a gəm ite hɨm nə ji mya gəm kɨse a dɨ koddə sɨkwalə vɨratɨnə. 4Shezə fəra Həmɨnpwa a kana ɓe tɨla, nda lyana Nzəngɨn a mya mwasarən dɨ haka metə a pukə ɓashitə 5gə nda luwarəm hɨm myee ɓətɨ kɨse a pukə ɓashitə, gə hɨm a peyə a gəə je da Həmɨnpwa nə. 6Ɓəgəng hɨm gəə je da Həmɨnpwa nə, gə-angɨn Həmɨnpwa a lyana Pitɨ Ɗəmɗəmta Nzəngɨn a vor hubosəm, Pitɨngɨn nə dɨ waha a vor hubosəm atɨ, “Baa,#4.6 Ka kwaame da Yesu sɨnə Abba, itɨngɨn kwa-Aramayi təna dɨ boyə. hye Baatə.” 7Gə-angɨn, hye aa yə mɨni kɨsa. Gəngnə hye nze da Həmɨnpwa nə, hye ɓa mɨnə shee nda bwe ləngrən a nzadən.
Bulus a bɨldə hubosən a nə mi Galatiya
8Kɨnɨnɨng ite hwunaa nda lee Həmɨnpwa, hwuna dɨ ɗashi ɓaye taa gəti kaarən kɨsawne. 9Shezə ɓəgəng hwun lee Həmɨnpwa, naasə ndɨka mya sa atɨ Həmɨnpwa lerəwnə, ɓə ya hwuna ɓə mɨnə a dɨ kpɨrip sɨkwalə ɓayingɨn 'ye hwuna ɗakarən kɨnɨnɨng? Hwuna dɨ mwo atɨ hwuna ɗarən kɨsawne ɓə ma? 10Hwuna mɨna nggɨl fərə sɨlangsətə ka likɨtɨ hweltə ka fəre ka kiwatə a dɨ ɗarən kɨsawne. 11Kək-kək! Kalangəwnə gi, ɓə angɨn aa gə atɨ tənətɨ de gəə i ɓaati.
12Ji-nuwo, hɨnə dɨ nyisəwnə, ɓərəm hwuna gə ɓətɨ hɨn, giɓə hɨn gə ɓətɨ hwun a kwamətə. Hwunaa ɗe a səhasə. 13Hwun leyə atɨ ka ootə a sɨshi na shi hakəwnə a kwamətə, a hiwawnə ka ləmə feme da Həmɨnpwa. 14Ka ite atɨ ootɨngɨn de sɨ-ngənə a hakəwnə, hwuna mwa a luri, hwunaa kwori, hwuna luri ɓətɨ hɨn malyenə dɨ haka Həmɨnpwa, ɓətɨ hɨnə Yesu ka nənəngɨn ndi Ma Həmɨnpwa a Yaɓwarən. 15Ɓə wule mwoha ka hanɨngte hwuna bɨli ite na shi hakəwnə, nə a ndo haa ɓəgəng? Anda hwun ɓa nda bɨli wule mwohangɨn, hɨn leyə atɨ anda ləmə daɗa dii, giɓa atɨ hwun daɗa diingəwnə vi. 16Ɓəgəng hwuna dɨ bɨli atɨ hɨn gəə nzə-nyaagəwnə nə gə diyala na dɨ boyowna?
17Zə niyəm mingɨn 'ye shi hakəwnə dɨ mwi atɨ hwuna mɨnə hakarən, tənaa shi gwasəwnə, təna shi gə təna taka wakasəm, hwuna gɨrgi a mɨnə hakarən gə hwun ta ɗa hɨmnəngrən. 18Ɓa wula ɓwaare a gə ka hɨmnəngəwnə anda ka twai, naa angɨn a gə sə nagi goɗi, ɓe aa nza atɨ anda hɨne a hakəwnə nə ɓəmbə. 19Hwun je de, gə le dəwnə na mɨna dɨ tənə kɨr-kɨr pasa mete ka waptə a kwaamɨ mwasatə, sə mgban angɨn ɓa pɨrə humwa a tɨlə ite hwun ɓa gə ɓətɨ Ma Həmɨnpwa a Yaɓwarən. 20Na hɨma atɨ giɓa hɨnə a hakəwnə ɓəgəng gə na nggəddə təfəgi byela na dɨ byelə kəwnə. Kək! Le ɓwe kəwnə pee!
Haga ka Saratu
21Boyi mi pee, hwun myee dɨ mwi atɨ hwuna nza pukə ɓashita Musa, hwunaa kɨl la ɓashitɨngɨn a boyo ma? 22Mye doro atɨ, Ibɨraim nee ka je kpe, hiɗə dɨ haka metɨ kɨsatə, hiɗə mgban dɨ haka mete aa kɨsati. 23Ndi nze da metɨ kɨsatə, mya mwasarən ɓətɨya mya dɨ mwasa mbiɗitɨ ɓwaare, nze da mete aa kɨsati mgban mya mwasarən dɨ gwadəha da la Həmɨnpwa a boyo a nzadən.#4.23 Naasə: Tiyatə 16.15; 21.2.
24Ləməginə mya boyə nə mandinə nə ka a naarə, mandingɨn dɨ kpeyə nə a kwaamɨ ləməgye kpe 'ye Həmɨnpwa a kɨləsə a nəngrən. Mate hiɗə a kwa-motɨ Sinai, gə nggi ji-kɨse nggi ɓawa mwasa. Metɨngɨn nə Haga. 25Ɓəgəng Haga nə a kwa-motɨ Sinai ite a njiya Arabiya, hangɨn nə vɨra kpantɨ Urshelima supo, gəkɨlə təne a vor kɨsawne nggi ka jingrə. 26Nggi Urshelimate hiɗə kotə a pwa ite aa kɨsati, kotə a kwa-nuwogəm. 27Sə mgban mye doro atɨ,
“Hye jintə, ite aawa mwasa,
ɗa hanɨngtə.
Hye mate aa ndaga kɨla ootɨ yedi mwasatə,
gəəshe ka wa-nzɨkoombe.
Gəkɨlə pwetəltə ɗɨm je hananang
pɨrgə mete ka mure kaarə ka ɓongtə.”#4.27 Naasə: Ishaya 54.1.
28Kɨləm ji-kottə, ɓətɨya Ishaku a gəə nzə dɨ ha la mya boyo a nzadən, sə mgban hwuna gə. 29Ndi nza mya mwasarən ɓətɨya mya dɨ mwasa mbiɗitɨ ɓwaare a maɗa tənədə nza mya mwasarən dɨ gwadəha da gəta Pitɨ Ɗəmɗəmtə. Sə angɨn a gə ɓəgəng. 30Ɓə a shiya Malɨmtɨ Ɗəmɗəmtə a boya? “Təkəsə ka metɨ kɨsate ka nzəngrə, gəkɨlə nze darə aa dɨ mɨnə shee ka nze da mete aa kɨsati.”#4.30 Naasə: Tiyatə 21.9-10. 31Gə-angɨn, ji-kottə, hɨm aa je da metɨ kɨsati, hɨm nə je da mete aa kɨsati.
Currently Selected:
Galatiye 4: bcy
Highlight
Copy
Compare
Share
Want to have your highlights saved across all your devices? Sign up or sign in
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.
Galatiye 4
4
1Naarə la na dɨ boyownə nə atɨ, a hye niyə nza ɓa mɨnə shee da baagən nzə-ɓyeləngə, taa asə də takan ka kɨsa, ka sate atɨ sɨnə ka shingɨn kat. 2Mye ɓa pɨrə humwa ka jinsən baa nda tɨl ɓwaara ɓətɨ baagən a kənə. 3Sə mgban hɨm a gəm ite hɨm nə ji mya gəm kɨse a dɨ koddə sɨkwalə vɨratɨnə. 4Shezə fəra Həmɨnpwa a kana ɓe tɨla, nda lyana Nzəngɨn a mya mwasarən dɨ haka metə a pukə ɓashitə 5gə nda luwarəm hɨm myee ɓətɨ kɨse a pukə ɓashitə, gə hɨm a peyə a gəə je da Həmɨnpwa nə. 6Ɓəgəng hɨm gəə je da Həmɨnpwa nə, gə-angɨn Həmɨnpwa a lyana Pitɨ Ɗəmɗəmta Nzəngɨn a vor hubosəm, Pitɨngɨn nə dɨ waha a vor hubosəm atɨ, “Baa,#4.6 Ka kwaame da Yesu sɨnə Abba, itɨngɨn kwa-Aramayi təna dɨ boyə. hye Baatə.” 7Gə-angɨn, hye aa yə mɨni kɨsa. Gəngnə hye nze da Həmɨnpwa nə, hye ɓa mɨnə shee nda bwe ləngrən a nzadən.
Bulus a bɨldə hubosən a nə mi Galatiya
8Kɨnɨnɨng ite hwunaa nda lee Həmɨnpwa, hwuna dɨ ɗashi ɓaye taa gəti kaarən kɨsawne. 9Shezə ɓəgəng hwun lee Həmɨnpwa, naasə ndɨka mya sa atɨ Həmɨnpwa lerəwnə, ɓə ya hwuna ɓə mɨnə a dɨ kpɨrip sɨkwalə ɓayingɨn 'ye hwuna ɗakarən kɨnɨnɨng? Hwuna dɨ mwo atɨ hwuna ɗarən kɨsawne ɓə ma? 10Hwuna mɨna nggɨl fərə sɨlangsətə ka likɨtɨ hweltə ka fəre ka kiwatə a dɨ ɗarən kɨsawne. 11Kək-kək! Kalangəwnə gi, ɓə angɨn aa gə atɨ tənətɨ de gəə i ɓaati.
12Ji-nuwo, hɨnə dɨ nyisəwnə, ɓərəm hwuna gə ɓətɨ hɨn, giɓə hɨn gə ɓətɨ hwun a kwamətə. Hwunaa ɗe a səhasə. 13Hwun leyə atɨ ka ootə a sɨshi na shi hakəwnə a kwamətə, a hiwawnə ka ləmə feme da Həmɨnpwa. 14Ka ite atɨ ootɨngɨn de sɨ-ngənə a hakəwnə, hwuna mwa a luri, hwunaa kwori, hwuna luri ɓətɨ hɨn malyenə dɨ haka Həmɨnpwa, ɓətɨ hɨnə Yesu ka nənəngɨn ndi Ma Həmɨnpwa a Yaɓwarən. 15Ɓə wule mwoha ka hanɨngte hwuna bɨli ite na shi hakəwnə, nə a ndo haa ɓəgəng? Anda hwun ɓa nda bɨli wule mwohangɨn, hɨn leyə atɨ anda ləmə daɗa dii, giɓa atɨ hwun daɗa diingəwnə vi. 16Ɓəgəng hwuna dɨ bɨli atɨ hɨn gəə nzə-nyaagəwnə nə gə diyala na dɨ boyowna?
17Zə niyəm mingɨn 'ye shi hakəwnə dɨ mwi atɨ hwuna mɨnə hakarən, tənaa shi gwasəwnə, təna shi gə təna taka wakasəm, hwuna gɨrgi a mɨnə hakarən gə hwun ta ɗa hɨmnəngrən. 18Ɓa wula ɓwaare a gə ka hɨmnəngəwnə anda ka twai, naa angɨn a gə sə nagi goɗi, ɓe aa nza atɨ anda hɨne a hakəwnə nə ɓəmbə. 19Hwun je de, gə le dəwnə na mɨna dɨ tənə kɨr-kɨr pasa mete ka waptə a kwaamɨ mwasatə, sə mgban angɨn ɓa pɨrə humwa a tɨlə ite hwun ɓa gə ɓətɨ Ma Həmɨnpwa a Yaɓwarən. 20Na hɨma atɨ giɓa hɨnə a hakəwnə ɓəgəng gə na nggəddə təfəgi byela na dɨ byelə kəwnə. Kək! Le ɓwe kəwnə pee!
Haga ka Saratu
21Boyi mi pee, hwun myee dɨ mwi atɨ hwuna nza pukə ɓashita Musa, hwunaa kɨl la ɓashitɨngɨn a boyo ma? 22Mye doro atɨ, Ibɨraim nee ka je kpe, hiɗə dɨ haka metɨ kɨsatə, hiɗə mgban dɨ haka mete aa kɨsati. 23Ndi nze da metɨ kɨsatə, mya mwasarən ɓətɨya mya dɨ mwasa mbiɗitɨ ɓwaare, nze da mete aa kɨsati mgban mya mwasarən dɨ gwadəha da la Həmɨnpwa a boyo a nzadən.#4.23 Naasə: Tiyatə 16.15; 21.2.
24Ləməginə mya boyə nə mandinə nə ka a naarə, mandingɨn dɨ kpeyə nə a kwaamɨ ləməgye kpe 'ye Həmɨnpwa a kɨləsə a nəngrən. Mate hiɗə a kwa-motɨ Sinai, gə nggi ji-kɨse nggi ɓawa mwasa. Metɨngɨn nə Haga. 25Ɓəgəng Haga nə a kwa-motɨ Sinai ite a njiya Arabiya, hangɨn nə vɨra kpantɨ Urshelima supo, gəkɨlə təne a vor kɨsawne nggi ka jingrə. 26Nggi Urshelimate hiɗə kotə a pwa ite aa kɨsati, kotə a kwa-nuwogəm. 27Sə mgban mye doro atɨ,
“Hye jintə, ite aawa mwasa,
ɗa hanɨngtə.
Hye mate aa ndaga kɨla ootɨ yedi mwasatə,
gəəshe ka wa-nzɨkoombe.
Gəkɨlə pwetəltə ɗɨm je hananang
pɨrgə mete ka mure kaarə ka ɓongtə.”#4.27 Naasə: Ishaya 54.1.
28Kɨləm ji-kottə, ɓətɨya Ishaku a gəə nzə dɨ ha la mya boyo a nzadən, sə mgban hwuna gə. 29Ndi nza mya mwasarən ɓətɨya mya dɨ mwasa mbiɗitɨ ɓwaare a maɗa tənədə nza mya mwasarən dɨ gwadəha da gəta Pitɨ Ɗəmɗəmtə. Sə angɨn a gə ɓəgəng. 30Ɓə a shiya Malɨmtɨ Ɗəmɗəmtə a boya? “Təkəsə ka metɨ kɨsate ka nzəngrə, gəkɨlə nze darə aa dɨ mɨnə shee ka nze da mete aa kɨsati.”#4.30 Naasə: Tiyatə 21.9-10. 31Gə-angɨn, ji-kottə, hɨm aa je da metɨ kɨsati, hɨm nə je da mete aa kɨsati.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.