1 Korintiye 13
13
Mwoha
1Nagi na byelə ka kwaame da ɓwaare som-som kat ka hɨnggə malyenye, anda taa mwoha ke, byele de gəə kormə ɗingawti ka tyeng-tyenge ɓəmbə. 2Nagi na dɨ kpalə ka le da Həmɨnpwa, na lee shee a haa ɓotə gaarə a pwa, kat ka mbiɗitɨ leetə, nagi hɨnə ka mwadiyala ɓa nggəɓəddə mogye, a taa mwoha ke, hɨn gə ɓaa, aa hɨn asə. 3Nagi na və ji-poritə gɨnətɨ de ka shee na gə kaarən kat, nagi na vədə sɨshi gə mya hinarə, anda taa mwoha ke, taa dɨ ɗɨm a moonə.
4Mwoha diyale sɨnə nggur mbasɨtə, sɨnə bɨldə ɓwaarawne, taa jiwnə kan, mwoha aawa məndaranye, ndaawa nggorkonye. 5Mwoha tam ka nggɨrkaha ka lə hase, ndaawa pɨrə pedə shi nəne, ndaawa ɗa muune tan-tan, ndaawa pedə lə hase a kɨsə yedye. 6Mwoha aawa ɗa hanɨngtə ka səhase, nda dɨ ɗa hanɨngtə ka diyale a nə sa pepe. 7Mwoha a dɨ nggur mbasɨtə ka nagi ndo sə, nda dɨ mwaka sə pepeya imi a dɨ ɗa, nda dɨ bədə myentə a nə shee kat, nda dɨ kɨt sɨtə ka shee kat.
8Mwoha aawa mbəə, shezə kpaltə nee ka haa mbəsə, byele ka kwaame som-som a dɨ mbəə, leetə mgban a dɨ mbəə. 9Gə gbɨlə hɨm a leyəm, sə mgban kpaltɨ dam gbɨlə hɨm a leyəm, 10a humwa mye kana leyəm nagi ndo sə kat, taayə mɨni asə də ɓa mbiɗi mya dɨ leyəm. 11Ite hɨnə nzə, na dɨ byelə ɓətɨ nzə, ɗyangale de ɓətɨ hɨnggə nzə, səɗə-yedye de ɓətɨ nzə. Ite na tɨl ɓwaara, na təkəsə ka ɗashe da je. 12Ɓəgəng myaawa naa haa pepe ɓətɨ mya niyə ka haɓi-sokoryee kulit-kulit, a fərə nee də mye ɓaga naa ləngɨn dye ka dye. Ɓəgəng leetɨ de gbəli-gbəli, taa leyi pepe, a humwa hɨn ɓa leyə kat ɓətɨ Həmɨnpwa a leeri.
13Shi mwaakɨninə nə ɓa mbiɗi a kangə: Mwadiyale ka bədə myentə ka mwoha. A vorsərən kat mwoha nə pɨri.
Currently Selected:
1 Korintiye 13: bcy
Highlight
Copy
Compare
Share
Want to have your highlights saved across all your devices? Sign up or sign in
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.
