Romo 5
5
Ambiare Gode rapu naa rendepona aema
1Ambiare kone rulaema eina ruparare Gode rapu rendepona aema. Go einare Reali Yesu Keriso ruparare naame Gode rapu kuma pi eina aema. 2Yesu nipumi naana kone rulaema einare go pakama Godena yarame komea ei ma-andaomare ambia aema eina pora lombaya. Go einare naame kone sialore Godeme naa Epeni su nane nipu rapu mendaa lena andere piramonoya naa mulapea eina maisambao-aema. Go kone wima eimiri naa rana ma-pao-aya. 3Go eina komea diayapare naa para kendame komape ei ipula eina pange raname komaminya. Akepeare go kendanumiri naa puri ma-palalimi. 4Gupuma naa gurupa puri paloma alimandare gore naa repara la andala ei epeleandare gore wandualima. Naame gurupa alimandare gore Godeme naa mulape eina kone rulaoma maisambao aminya. 5Naame go kone wili mandaare gore naana kone rulaema ei na-alu pilia. Akepeare Godeme naa repara pakama Epe Yaakopi Sipiridi gea. Go eiri naa repara Godeme pu gea ei walea.
6Naare kongapu na-ae wenaali amona Godeme di wisaya naarena koae aunu puaeme wenaali rondona Keriso komisaya. 7Rudule Angele raluaya ali rondona ali menda komea auri ora rendaa pea. Ali mendame epe aunu puaya ali rondona manda komeleapae.
8Go peapare Godeme naa para nipuna pumi yarame waru komea eiri penameyao walea. Naare koae au puaema wenaali amono gole Kerisore naa rondona epa komisaya. 9Yesu komisaya eimi Godeme naare nipu rapu ma-rendepoyao-aema. Go eiri ora yandare wenaali rali pilia dina Godena rono pangala ei naa repara epapanayandare Yesu nipumi naa manda rambamilia.
10Ambala naare Gode nipuna yanda runguli wenaali arimapare nipuna Si komisaya eimi naare nipuna repaa ma-aya. Ambiare naare Gode nipuna repaa aema einare Keriso nipu endoma aya eimiri naa ora rambamiliae.
11Go au komea diayapare naana Reali Yesu Kerisome naare Gode nipuna repaa ma-aya eimi Gode para raname komoaema.
Edeme komeapare Kerisore wala rekisaya
12Ali komeame gole su wenaali rupara koae aunu ma-epaisaya. Gupuma nipuna koae aumi komala ei ma-epaisaya. Go pisaya eimiri wenaali raayo repara komala ei ipisaya. Akepeare wenaali raayome koae au peme eina reena. 13Godena Rudule Angele ambe na-winya gole koae aunu go suna wisaya. Rombo wi Angele na-wisaya dinare gore koae aunu repara Godeme kone na-wisaya. 14Go peapare komala eiri wenaali raayo para wisaya. Go pea auri Edeme pange Mosesi nipuna aisipiya naare rupara aisimiya wenaali raayo repara pisaya. Edememe pisaya rupa Godena angele na-runguli wenaali repara pange komala ei wisaya. Edemere werepe epolopa ali manda meaisaya.
15Go peapare go werepe epolopa ali pange Edeme nipuri mendaa pi ali laapo dia. Akepeare Godena pakama gealere Edeme nipuna koae aunu manda diama. Go ali komeana koae aununa wenaali andapu komisimiya lea eiri ora lea. Go peapare Godeme naa repara pakama yarame komea eiri ora andaa ei Godeme wenaali repara ande ali Yesu Keriso andalo pakama geale pange ora andaa ei. 16Gupuma pange Godeme wenaali para pakama alea ale pange monde ali komeame koae au pisaya ei lalore Ora rando rando pu lapaepe ae. Edememe koae au pisayandare Godeme rali pulu ara lalore Neere pa au pele lisaya. Go peapare wenaali ora andapumi koae aunu pisimiyandare Godeme nipuna pakama yarame komala au walala ara lalore Nimiri rondo menda na-ainya lisaya. 17Monde ali komeame koae au pisayanda komala eiri kongapu aoma wenaali raayo lu angulaoma wi eiri naame andalemae. Go peapare ande ali komea Yesu Kerisome pisaya eiri ora kone marea au peae. Godeme pakama yarame waru komea ei andapu meme wenaali pange ambiare nipu rapu pakama rendepona aeme wenaali nimumi endoaya ei rupara Yesu Keriso rapu andere-alimi.
18Go eina ali komeame koae au pisaya eina wenaali raayo repara koae ei ipisaya. Gupuma monde ali komea mendame rendepona au pisaya eina Godeme wenaali naa raayo kepe rapaoma endoma amono lea.
19Gupuma pange ande ali komeame Godena angele na-pangisaya eina wenaali raayo koae ei wi wenaali aisimiya rupa gole monde ali komea mendame Godena angele pangoma pisaya eina Godeme wenaali waru nipu rapu ma-rendepoyao amono lea. 20Ande Rudule Angele ipisaya eiri pa aunu pi einu ma-andayaluame ipisaya. Go peapare koae einu andayama andayama pia parare Godena pakama yarame komea ei ora andayama andayama pea. 21Go eina koae eimi komala ei ma-epaya rupare Godena pakama yarame komala eimiri naa nipuna lee rona rendepona ae wenaali ma-aya. Go eimiri naa Yesu Keriso naana Reali rupara pa-ari pope endoaya eina karu pea.
Currently Selected:
Romo 5: POLENT23
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
Romo 5
5
Ambiare Gode rapu naa rendepona aema
1Ambiare kone rulaema eina ruparare Gode rapu rendepona aema. Go einare Reali Yesu Keriso ruparare naame Gode rapu kuma pi eina aema. 2Yesu nipumi naana kone rulaema einare go pakama Godena yarame komea ei ma-andaomare ambia aema eina pora lombaya. Go einare naame kone sialore Godeme naa Epeni su nane nipu rapu mendaa lena andere piramonoya naa mulapea eina maisambao-aema. Go kone wima eimiri naa rana ma-pao-aya. 3Go eina komea diayapare naa para kendame komape ei ipula eina pange raname komaminya. Akepeare go kendanumiri naa puri ma-palalimi. 4Gupuma naa gurupa puri paloma alimandare gore naa repara la andala ei epeleandare gore wandualima. Naame gurupa alimandare gore Godeme naa mulape eina kone rulaoma maisambao aminya. 5Naame go kone wili mandaare gore naana kone rulaema ei na-alu pilia. Akepeare Godeme naa repara pakama Epe Yaakopi Sipiridi gea. Go eiri naa repara Godeme pu gea ei walea.
6Naare kongapu na-ae wenaali amona Godeme di wisaya naarena koae aunu puaeme wenaali rondona Keriso komisaya. 7Rudule Angele raluaya ali rondona ali menda komea auri ora rendaa pea. Ali mendame epe aunu puaya ali rondona manda komeleapae.
8Go peapare Godeme naa para nipuna pumi yarame waru komea eiri penameyao walea. Naare koae au puaema wenaali amono gole Kerisore naa rondona epa komisaya. 9Yesu komisaya eimi Godeme naare nipu rapu ma-rendepoyao-aema. Go eiri ora yandare wenaali rali pilia dina Godena rono pangala ei naa repara epapanayandare Yesu nipumi naa manda rambamilia.
10Ambala naare Gode nipuna yanda runguli wenaali arimapare nipuna Si komisaya eimi naare nipuna repaa ma-aya. Ambiare naare Gode nipuna repaa aema einare Keriso nipu endoma aya eimiri naa ora rambamiliae.
11Go au komea diayapare naana Reali Yesu Kerisome naare Gode nipuna repaa ma-aya eimi Gode para raname komoaema.
Edeme komeapare Kerisore wala rekisaya
12Ali komeame gole su wenaali rupara koae aunu ma-epaisaya. Gupuma nipuna koae aumi komala ei ma-epaisaya. Go pisaya eimiri wenaali raayo repara komala ei ipisaya. Akepeare wenaali raayome koae au peme eina reena. 13Godena Rudule Angele ambe na-winya gole koae aunu go suna wisaya. Rombo wi Angele na-wisaya dinare gore koae aunu repara Godeme kone na-wisaya. 14Go peapare komala eiri wenaali raayo para wisaya. Go pea auri Edeme pange Mosesi nipuna aisipiya naare rupara aisimiya wenaali raayo repara pisaya. Edememe pisaya rupa Godena angele na-runguli wenaali repara pange komala ei wisaya. Edemere werepe epolopa ali manda meaisaya.
15Go peapare go werepe epolopa ali pange Edeme nipuri mendaa pi ali laapo dia. Akepeare Godena pakama gealere Edeme nipuna koae aunu manda diama. Go ali komeana koae aununa wenaali andapu komisimiya lea eiri ora lea. Go peapare Godeme naa repara pakama yarame komea eiri ora andaa ei Godeme wenaali repara ande ali Yesu Keriso andalo pakama geale pange ora andaa ei. 16Gupuma pange Godeme wenaali para pakama alea ale pange monde ali komeame koae au pisaya ei lalore Ora rando rando pu lapaepe ae. Edememe koae au pisayandare Godeme rali pulu ara lalore Neere pa au pele lisaya. Go peapare wenaali ora andapumi koae aunu pisimiyandare Godeme nipuna pakama yarame komala au walala ara lalore Nimiri rondo menda na-ainya lisaya. 17Monde ali komeame koae au pisayanda komala eiri kongapu aoma wenaali raayo lu angulaoma wi eiri naame andalemae. Go peapare ande ali komea Yesu Kerisome pisaya eiri ora kone marea au peae. Godeme pakama yarame waru komea ei andapu meme wenaali pange ambiare nipu rapu pakama rendepona aeme wenaali nimumi endoaya ei rupara Yesu Keriso rapu andere-alimi.
18Go eina ali komeame koae au pisaya eina wenaali raayo repara koae ei ipisaya. Gupuma monde ali komea mendame rendepona au pisaya eina Godeme wenaali naa raayo kepe rapaoma endoma amono lea.
19Gupuma pange ande ali komeame Godena angele na-pangisaya eina wenaali raayo koae ei wi wenaali aisimiya rupa gole monde ali komea mendame Godena angele pangoma pisaya eina Godeme wenaali waru nipu rapu ma-rendepoyao amono lea. 20Ande Rudule Angele ipisaya eiri pa aunu pi einu ma-andayaluame ipisaya. Go peapare koae einu andayama andayama pia parare Godena pakama yarame komea ei ora andayama andayama pea. 21Go eina koae eimi komala ei ma-epaya rupare Godena pakama yarame komala eimiri naa nipuna lee rona rendepona ae wenaali ma-aya. Go eimiri naa Yesu Keriso naana Reali rupara pa-ari pope endoaya eina karu pea.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.